|
|
 |
| (GMT+08:00)
2006-03-29 15:45:46
|
 |
|
ປະທານາທິບໍດີລູມານີກ່າວວ່າຈະເພີ່ມທະວີການແລກປ່ຽນລະຫວ່າງຊາວໜຸ່ມຈີນລູມານີຕື່ມອີກ
cri
ຕາມຂ່າວສານຊີນຮວາ,ວັນທີ29ມີນາ,ໃນເວລາກ່າວປາຖະກະຖາໃນໂຮງຮຽນຊັ້ນສູງແຫ່ງໜຶ່ງທີ່ປັກກິ່ງ,ທ່ານບາເສສ໌ຄູ ປະທານາທິບໍດີລູມານີທີ່ພວມຢ້ຽມຢາມຈີນກ່າວວ່າ,ຫວັງໃຫ້ສອງປະເທດຈີນລູມານີເຮັດໃຫ້ການແລກປ່ຽນລະຫວ່າງຊາວໜຸ່ມແລະການຮ່ວມມືດ້ານການສຶກສາແໜ້ນແຟ້ນຂຶ້ນຕື່ມອີກ.
ທ່ານບາເສສ໌ຄູເວົ້າວ່າ,ປັດຈຸບັນມີນັກສືກສາຈີນ100ກວ່າຄົນຮຽນຢູ່ລູມານີ,ກໍ່ມີນັກສຶກສາລູມານີຈຳນວນໜຶ່ງຮຽນຢູ່ປັກກິ່ງແລະຊຽງໄຮ້ເປັນຕົ້ນ,ຫວັງວ່າຕໍ່ໄປພາຍໜ້າສອງປະເທດຈະເພີ່ມຈຳນວນນັກສຶກສາໄປຮຽນຢູ່ປະເທດກົງກັນຂ້າມ,ດຳເນີນການແລກປ່ຽນລະຫວ່າງຊາວໜຸ່ມຫຼາຍກວ່າເກົ່າ.
ທ່ານບາເສສ໌ຄູແນະນຳວ່າ,ປີນີ້ຈີນຈະສ້າງຕັ້ງສະຖາບັນຂົງຈື້ແຫ່ງໜຶ່ງຢູ່ບຸຍກາແລັດ ນະຄອນຫຼວງລູມານີ,ລູມານີກໍຈະສ້າງສູນວັດທະນະທຳແຫ່ງໜຶ່ງຢູ່ຈີນ.ທ່ານເຫັນວ່າ,ການແລກປ່ຽນວັດທະນະທຳແມ່ນເສົາຄ້ຳສຳຄັນໃນການຂະຫຍາຍການພົວພັນສອງຕໍ່ສອງລະຫວ່າງຈີນລູມານີ,ແລະກໍ່ແມ່ນພາຫະນະແຫ່ງການເພີ່ມຄວາມເຂົ້າໃຈກັນລະຫວ່າງປະຊາຊົນສອງຊາດ.
ທ່ານບາເສສ໌ຄູແມ່ນເລີ່ມຢ້ຽມຢາມຈີນທາງລັດຖະກິດເປັນເວລາສາມມື້ແຕ່ວັນທີ27ມີນາ.
|
|
|
