|
ທ່ານຜູ້ຟັງ,ການເສັງຄວາມຮູ້ກ່ຽວກັບໄຕ້ຫວັນ--ເກາະປະເສີດຂອງຈີນທີ່ວິທະຍຸ CRI ພວກເຮົາຈັດຂຶ້ນນັ້ນໄດ້ສິ້ນສຸດລົງແລ້ວ,ກ່ຽວກັບຜູ້ຟັງທີ່ໄດ້ຮັບລາງວັນ,ພວກເຮົາກໍ່ໄດ້ປະກາດໃນລາຍການເພື່ອນມິດຜູ້ຟັງຂອງພວກເຮົາແລ້ວ,ແຕ່ມີຜູ້ຟັງຫຼາຍທ່ານຫວັງຢາກຮູ້ຄຳຕອບອັນຖືກຕ້ອງຂອງຄຳຖາມ 8 ຂໍ້,ສະນັ້ນ,ໃນລາຍການພາກນີ້,ພວກເຮົາກໍ່ຂໍປະກາດຄຳຕອບອັນຖືກຕ້ອງ,ຂໍໃຫ້ບັນດາທ່ານຈົ່ງຕິດຕາມຮັບຟັງ:ຄຳຕອບຂໍ້ທີ 1 ຄື:ເກາະໄຕ້ຫວັນຕັ້ງຢູ່ທິດຕາເວັນອອກ ສຽງໃຕ້ຂອງແຜ່ນດິນໃຫຍ່ຈີນ,ຢູ່ລະຫວ່າງເກາະໄຕ້ຫວັນກັບແຜ່ນດິນໃຫຍ່ມີຊ່ອງແຄບຂັ້ນຢູ່,ບ່ອນແຄບກວ່າໝູ່ຫ່າງກັນ 130 ກິໂລແມັດ.ຄຳຕອບຂໍ້ທີ 2 ຄື:ປີ 1943,ຈີນ ອາເມລິກາ ອັງກິດໄດ້ລົງນາມໃນເອກະສານສະບັບໜຶ່ງ,ໄດ້ຮັບຮອງໄຕ້ຫວັນ ເປັນດິນແດນສ່ວນໜຶ່ງຂອງຈີນໃນດ້ານກົດໝາຍ.ເອກະສານນີ້ຊື່ວ່າຖະແຫຼງການເລີແກ.ຄຳຕອບຂໍ້ທີ 3 ຄື:ທິດທາງພື້ນຖານຂອງລັດຖະບານຈີນໃນການແກ້ໄຂບັນຫາໄຕ້ຫວັນແມ່ນໂຮມເຂົ້າເປັນເອກະພາບກັນໂດຍສັນຕິ,ປະເທດດຽວສອງລະບອບ.ຄຳຕອບຂໍ້ທີ 4 ຄື:ເມື່ອເດືອນມີນາປີກາຍ,ອົງການອຳນາດແຫ່ງຊາດສູງສຸດຂອງຈີນໄດ້ປະກາດກົດໝາຍສຳຄັນສະບັບໜຶ່ງ,ໄດ້ຕົກລົງທິດທາງພື້ນຖານຂອງລັດຖະບານຈີນໃນການແກ້ໄຂບັນຫາໄຕ້ຫວັນແລະຄວາມຕັດສິນໃຈຕ້ານການແບ່ງແຍກດ້ວຍຮູບແບບກົດໝາຍ.ກົດໝາຍສະບັບນີ້ແມ່ນກົດໝາຍຕ້ານການແບ່ງແຍກຊາດ.ຄຳຕອບຂໍ້ທີ 5 ຄື:ປະຈຸບັນ,ຕະຫຼາດຈຳໜ່າຍໃຫຍ່ທີໜຶ່ງແລະແຫຼ່ງການຄ້າໄດ້ປຽບຂອງເກາະໄຕ້ຫວັນຢູ່ແຜ່ນດິນໃຫຍ່ຈີນ.ຄຳຕອບຂໍ້ທີ 6 ຄື:ຄຳຮຽກຮ້ອງໃຫ້ແຜ່ນດິນໃຫຍ່ແລະໄຕ້ຫວັນດຳເນີນການໄປມາຫາສູ່ກັນທາງການຄ້າ ໄປສະນີແລະການເດີນເຮືອເດີນອາກາດໂດຍກົງນັ້ນແມ່ນຝ່າຍແຜ່ນດິນໃຫຍ່ຈີນເປັນຜູ້ສະເໜີອອກມາ.ມູນເຫດທີ່ພາໃຫ້ລະຫວ່າງສອງຝັ່ງຍັງບໍ່ສາມາດໄປມາຫາສູ່ກັນທາງການຄ້າ ໄປສະນີແລະການເດີນເຮືອເດີນອາກາດໂດຍກົງຈົນຮອດປະຈຸບັນນັ້ນແມ່ນຍ້ອນວ່າເຈົ້າໜ້າທີ່ໄຕ້ຫວັນບໍ່ເຫັນດີນຳ.ຄຳຕອບຂໍ້ທີ 7 ຄື:ບຸນກຸດຈີນ ບຸນຂະໜົມບົວລອຍ ບຸນໄຫວ້ພະຈັນແມ່ນບຸນທີ່ມີປະເພນີຄືກັນລະຫວ່າງແຜ່ນດິນໃຫຍ່ຈີນກັບໄຕ້ຫວັນ.ຄຳຕອບຂໍ້ທີ 8 ຄື:ມວນຊົນໄຕ້ຫວັນທີ່ມີບັນພະບູລຸດຢູ່ແຜ່ນດິນໃຫຍ່ມີ 98%.
ເອົາລະ,ທ່ານຜູ້ຟັງທີ່ເຄົາລົບ,ໃນຄຳຖາມ 8 ຂໍ້ດັ່ງກ່າວ,ທ່ານໄດ້ຕອບຖືກຈັກຂໍ້?ບໍ່ວ່າທ່ານໄດ້ຮັບຫຼືບໍ່ໄດ້ຮັບລາງວັນ,ທ່ານຄົງໄດ້ຮັບຄວາມຮູ້ແລະຄວາມມ່ວນຊື່ນຈາກລາຍການຂອງພວກເຮົາ,ແມ່ນບໍ່?ໃນຕອນທ້າຍລາຍການພາກນີ້,ພວກເຮົາຈົ່ງມາຟັງເພງມ່ວນໆນຳກັນ,ເພງນີ້ຊື່ວ່າ"ລານລຽນຮວ່າ",ແປວ່າດອກບົວສີຟ້າ.
(ເປີດເພງ)
|
