|
|
 |
| (GMT+08:00)
2006-03-29 21:18:09
|
 |
|
ຈີນຫວັງໃຫ້ຈີນອາເມລິກາຮ່ວມມືນຳໃຊ້ເຕັກນິກແຊນຕ້ານພະຍາດຕິດແປດ
cri
ຕາມຂ່າວCRI,ວັນທີ29ມີນາ,ຢູ່ທີ່ປັກກິ່ງ,ທ່ານຊາງຢົງ ຮອງລັດຖະມົນຕີກະຊວງວິທະຍາສາດເຕັກໂນໂລຊີຈີນກ່າວວ່າ,ຫວັງໃຫ້ຈີນອາເມລິກາເພີ່ມທະວີການຮ່ວມມືໃນດ້ານນຳໃຊ້ເຕັກນິກແຢນຕ້ານພະຍາດຕິດແປດ.
ໃນງານສຳມະນາຂອງຈີນແລະອາເມລິກາທີ່ມີຫົວຂໍ້ວ່າ"ການປະຕິວັດຂອງແຊນ:ພາຫະນະໃໝ່ຂອງການຕ້ານພະຍາດຕິດແປດ"ທີ່ຈັດຂຶ້ນໃນວັນທີ29ມີນາ,ທ່ານຊາງຢົງຊີ້ອອກວ່າ,ໄຂ້ຫວັດນົກປະເພດຮ້າຍແຮງແບບH5N1,ພະຍາດຊາສ໌,ໂຣກເອດສ໌ແລະພະຍາດຕິດແປດອື່ນໆໄດ້ກາຍເປັນການຂົ່ມຂູ່ອັນໜັກໜ່ວງຕໍ່ສາທາລະນະສຸກຂອງໂລກ,ແລະເປັນໂທດຕໍ່ສຸຂະພາບຂອງມວນມະນຸດຢ່າງໜັກໜ່ວງ.ລັດຖະບານຈີນໄດ້ຕັ້ງໜ້າສົ່ງເສີມໃຫ້ຍົກຄວາມສາມາດຄົ້ນຄວ້າວິທະຍາສາດແລະລະດັບເຕັກນິກຂອງການປ້ອງກັນແລະຄວບຄຸມພະຍາດຕິດແປດໃຫ້ສູງຂຶ້ນດ້ວຍການຮ່ວມມືລະຫວ່າງຊາດຢ່າງກວ້າງຂວາງແລະເລິກເຊິ່ງ.ນັກວິທະຍາສາດຂອງຈີນແລະອາເມລິກາສົນທະນາກັນກ່ຽວກັບເຮັດແນວໃດ,ນຳໃຊ້ໝາກຜົນເຕັກນິກແຊນທີ່ມີຢູ່ໃນປັດຈຸບັນມາປ້ອງກັນແລະຄວບຄຸມພະຍາດຕິດແປດປະເພດຮ້າຍແຮງຢ່າງບັງເກີດຜົນ,ທັງນີ້ຍ່ອມຈະ ມີຜົນສະທ້ອນເລິກເຊິ່ງຍາວໄກຕໍ່ການຍົກລະດັບວິທະຍາສາດເຕັກນິກໃນການປ້ອງກັນແລະຄວບຄຸມພະຍາດຕິດແປດຂອງ ໂລກໃຫ້ສູງຂຶ້ນຕື່ມອີກນັ້ນຢ່າງແນ່ນອນ.
ຕາມໄດ້ຊາບ,ຜູ່ຊ່ຽວຊານແລະນັກປາດຂອງຈີນແລະອາເມລິກາ100ກວ່າຄົນໄດ້ເຂົ້າຮ່ວມງານສຳມະນາຄັ້ງນີ້.ໃນກອງປະຊຸມທີ່ຈະດຳເນີນເປັນເວລາ3ມື້,ຜູ່ ຮ່ວມປະຊຸມຈະດຳເນີນການສຳມະນາໂດຍໝູນອ້ອມຫົວຂໍ້ຕ່າງໆເຊັ່ນນຳໃຊ້ຜົນການຄົ້ນຄວ້າເຕັກນິກແຊນທີ່ມີຢູ່ໃນປັດຈຸບັນ,ຍົກລະດັບເຕັກນິກຕ້ານພະຍາດຕິດແປດປະເພດຮ້າຍແຮງຂອງໂລກໃຫ້ສູງຂຶ້ນຕື່ມອີກແລະອື່ນໆ.
|
|
|
