|
ຕາມຂ່າວສານຊິນຮວາ: ວັນທີ 29 ມີນາ, ທ່ານຊຸນປີ້ກ້ານ ທູດພິເສດຜູ່ໃໝ່ຂອງຈີນກ່ຽວກັບບັນຫາຕາເວັນອອກກາງກ່າວວ່າ, ຈີນຊົມເຊີຍທ່າທີອັນຕັ້ງໜ້າຂອງພັກຄາດີມາ ເຊິ່ງແມ່ນພັກໃຫຍ່ທີໜຶ່ງຂອງອິສຣາແອນທີ່ໄດ້ຮັບໄຊຊະນະໃນການເລືອກຕັ້ງລັດຖະສະພາ.
ໃນມື້ດຽວກັນ, ທ່ານສິນກ່າງ ໂຄສົກກະຊວງການຕ່າງປະເທດຈີນປະກາດວ່າ, ແຕ່ວັນທີ 1 ເມສາເປັນຕົ້ນໄປ, ທ່ານຊຸ່ນປີ້ກ້ານຈະເປັນທູດພິເສດຈີນກ່ຽວກັບບັນຫາຕາເວັນອອກກາງເພື່ອເຂົ້າແທນທ່ານຫວາງຊື້ເຈ . ທ່ານຊຸນປີ້ກ້ານແມ່ນໃຫ້ທັດສະນະດັ່ງກ່າວໃນເວລາໃຫ້ສຳພາດຕໍ່ນັກຂ່າວຈີນແລະຕ່າງປະເທດໃນມື້ດຽວກັນ.
ທ່ານຊຸນປີ້ກ້ານກ່າວວ່າ, ຜົນການເລືອກຕັ້ງລັດຖະສະພາຂອງອິສຣາແອນໄດ້ສະແດງໃຫ້ເຫັນການເລືອກເອົາຂອງປະຊາຊົນອິສຣາແອນ. ທ່ານກ່າວວ່າ, ຝ່າຍຈີນຫວັງຢ່າງຈິງໃຈໃຫ້ບັນດາຝ່າຍທີ່ກ່ຽວຂ້ອງກັບບັນຫາຕາເວັນອອກກາງຈົ່ງຍຶດໝັ້ນເດີນຕາມເສັ້ນທາງແກ້ໄຂບັນຫາຕາເວັນອອກກາງດ້ວຍການເຈລະຈາສັນຕິພາບ ໂດຍອີງຕາມມະຕິທີ່ກ່ຽວຂ້ອງຂອງສະຫະປະຊາຊາດແລະຫຼັກການ "ເອົາດິນແດນແລກປ່ຽນສັນຕິພາບ".
|
