|
|
 |
| (GMT+08:00)
2006-03-30 10:57:39
|
|
ທ່ານເບຼ ນາຍົກລັດຖະມົນຕີອັງກິດເດີນທາງຮອດອິນໂດເນເຊຍເລີ່ມການຢ້ຽມຢາມທາງລັດຖະກິດ
cri
ຕາມຂ່າວCRI,ຕອນຄ່ຳວັນທີ29ມີນາ,ທ່ານເບຼ ນາຍົກລັດຖະມົນຕີອັງກິດໄດ້ເດີນທາງຮອດຢາກາຕາ ນະຄອນຫຼວງອິນໂດເນເຊຍ,ເລີ່ມຢ້ຽມຢາມອິນໂດເນເຊຍທາງລັດຖະກິດເປັນເວລາມື້ໜຶ່ງ.ທ່ານເບຼແມ່ນນາຍົກອັງກິດຜູ່ທຳອິດທີ່ໄປຢ້ຽມຢາມອິນໂດເນເຊຍໃນ20ກວ່າປີມານີ້.
ຕາມໄດ້ຊາບ,ຈຸດປະສົງຂອງທ່ານເບຼທີ່ໄປຢ້ຽມຢາມຄັ້ງນີ້ແມ່ນເພື່ອເພີ່ມທະວີການພົວພັນລະຫວ່າງສອງປະເທດແລະການຮ່ວມມືໃນຂົງເຂດຕ້ານການກໍ່ການຮ້າຍເປັນຕົ້ນລະຫວ່າງສອງຝ່າຍ.ທ່ານຈະພົບປະທ່ານຊູຊີໂລ ປະທານາທິບໍດີອິນໂດເນເຊຍໃນຕອນເຊົ້າວັນທີ30ມີນາ.ພາຍຫຼັງການພົບປະຜູ້ນຳສອງປະເທດຈະຈັດງານຊຸມນຸມນັກຂ່າວຮ່ວມ.
ອິນໂດເນເຊຍແມ່ນປະເທດສຸດທ້າຍໃນການຢ້ຽມຢາມສາມປະເທດພາກພື້ນອາຊີປາຊີຟິກຂອງທ່ານເບຼຄັ້ງນີ້,ກ່ອນນີ້ທ່ານໄດ້ໄປຢ້ຽມຢາມອົສຕາລີແລະນິວຊີແລນແລ້ວ.
|
|
|
