|
|
 |
| (GMT+08:00)
2006-03-30 11:04:01
|
 |
|
ກະຊວງການຄ້າຈີນກ່າວວ່າການຕັດສິນຂອງຝ່າຍເອີລົບກ່ຽວກັບຖານະເສດຖະກິດຕະຫລາດຂອງວິສາຫະກິດຜະລິດເກີບຫນັງຂອງຈີນນັ້ນຂາດຄວາມຍຸດຕິທຳ
cri
Author: sayvanny
ຕາມຂ່າວ CRI: ຫວ່າງມໍ່ໆນີ້ ຄະນະກຳມະການສະຫະພາບເອີລົບໄດ້ອະນຸມັດແຜນການຕັດສິນເບື້ອງຕົ້ນຕໍ່ຄະດີຕ້ານການຂາຍເລເກີບຫນັງຢ່າງເປັນທາງການ,ຈະເກັບພາສີຕ້ານການຂາຍເລຊົ່ວຄາວຕໍ່ເກີບຫນັງຈີນແຕ່ວັນທີ 7 ເມສາເປັນຕົ້ນໄປ. ວັນທີ 29 ມີນາ,ທ່ານຊົງຊວນ ໂຄສົກຖະແຫລງຂ່າວຂອງກະຊວງການຄ້າຈີນເວົ້າວ່າ,ການຕັດສິນຂອງຝ່າຍເອີລົບກ່ຽວກັບຖານະເສດຖະກິດຕະຫລາດຂອງວິສາຫະກິດຈີນນັ້ນຂາດຄວາມຍຸດຕິທຳແລະບໍ່ຊອບກົດຫມາຍ.
ທ່ານຊົງຊວນເວົ້າວ່າ, ກ່ອນອື່ນ, ວິສາຫະກິດ 13 ຫລັງທີ່ຝ່າຍເອີລົບເລືອກເອົາເປັນຕົວຢ່າງໃນຄະດີນີ້ລ້ວນແຕ່ແມ່ນວິສາຫະກິດເອກະຊົນຫລືວິສາຫະກິດທຶນຕ່າງປະເທດ, ວິສາຫະກິດເຫລົ່ານີ້ສອດຄ່ອງກັບມາດຖານ 5 ຂໍ້ຂອງຝ່າຍເອີລົບກ່ຽວກັບຖານະເສດຖະກິດຕະຫລາດທັງນັ້ນ, ແຕ່ຝ່າຍສະຫະ ພາບເອລົບພັບຢັບຢັ້ງຖານະເສດຖະກິດຕະຫລາດຂອງວິສາຫະກິດເຫລົ່ານີ້ດ້ວຍເຫດຜົນຕ່າງໆນາໆ, ຕໍ່ເລື່ອງນີ້, ຝ່າຍຈີນໄດ້ສະເຫນີເອກະສານຄ້ານຄະດີຫລາຍເທື່ອແລ້ວ.
ສອງ, ການກະທຳຂອງຝ່າຍເອີລົບທີ່ຢັງຢັ້ງຖານະເສດຖະກິດຕະ ຫລາດຂອງຂະແຫນງການທັງຫມົດຂອງຈີນໂດຍຜ່ານຈາກການຢັບຢັ້ງຖາ ນະເສດຖະກດຕະຫລາດຂອງວິສາຫະກິດທີ່ເລືອກເອົາເປັນຕົວຢ່າງນັ້ນໄດ້ລື່ນກາຍຂໍ້ກຳນົດໃນອະນຸສັນຍາກ່ຽວກັບຈີນເຂົ້າຮ່ວມອົງການການຄ້າໂລກ,ໄດ້ຕັດຮອນສິດທິຜົນປະໂຫຍດທີ່ຊອບກົດຫມາຍຂອງວິສາຫະກິດ,ແລະໄດ້ຝືນກັບການກະທຳຕະຫລອດມາຂອງຝ່າຍສະຫະພາບເອລົບ.
ທ່ານຊົງຊວນເວົ້າວ່າ, ການໃຊ້ມາດຕະການຕ້ານການຂາຍເລຕໍ່ປະເພດເກີບຂອງຈີນ,ຍ່ອມຈະທຳລາຍຜົນປະໂຫຍດຂອງພໍ່ຄ້ານຳເຂົ້າ ພໍ່ຄ້າຂາຍຍ່ອຍ ຜູ່ບໍລິໂພກແລະອຸດສາຫະກຳທີ່ກ່ຽວຂ້ອງຂອງສະຫະພາບເອີລົບ.ຝ່າຍຈີນທວງໃຫ້ຝ່າຍສະຫະພາບເອີລົບປະຕິບັດຕໍ່ວິສາຫະກິດຈີນຢ່າງທ່ຽງທຳ,ວິເຄາະແລະປະເມີນຕໍ່ຄະດີດັ່ງກ່າວຄືນໃຫມ່ຢ່າງຮອບດ້ານແລະສົມເຫດສົມຜົນ.
|
|
|
