ຕາມຂ່າວCRI:ວັນທີ29ມີນາ,ລັດຖະບານຊຸດໃໝ່ຂອງປາເລັດສະຕິນທີ່ປະກອບໂດຍອົງ ການຮາມາສໄດ້ສາບານຕົວຂຶ້ນຮັບຕຳແໜ່ງໂດຍມີທ່ານອັບບາສ ປະທານອົງການອຳນາດແຫ່ງຊາດປາເລັດສະຕິນເປັນປະທານຈັດພິທີ.
ພາຍຫຼັງສາບານຕົວຂຶ້ນຮັບຕຳແໜ່ງແລ້ວ,ທ່ານຮານີຢາ ນາຍົກລັດຖະມົນຕີຜູ້ໃໝ່ເວົ້າວ່າ,ທ່ານຈະນຳພາລັດຖະບານຊຸດນີ້ສະໜັບສະໜູນທ່ານອັບບາສ ປະທານອົງການອຳນາດແຫ່ງຊາດປາເລັດສະຕິນ,ຖ້າວ່າທ່ານອັບບາສຫວັງຢາກເຈລະຈາກັບອິດສະລາແອນ,ລັດ ຖະບານປາເລັດສະຕິນບໍ່ຫ່ອນຈະຄັດຄ້ານ.ທ່ານຍັງເວົ້າວ່າ,ຖ້າວ່າຜົນການເຈລະຈາສອດ ຄ່ອງກັບຜົນປະໂຫຍດຂອງປະຊາຊົນປາເລັດສະຕິນ,ອົງການຮາມາສກໍຈະພິຈາລະນາຫຼັກໝັ້ນຂອງຕົນຄືນໃໝ່.
ໃນມື້ດຽວກັນ,ທ່ານອັບບາສກໍກ່າວວ່າ,ທ່ານຫວັງໃຫ້ລັດຖະບານຊຸດໃໝ່ຂອງປາເລັດສະຕິນຮັກສາການຕິດຕໍ່ພົວພັນເລື່ອຍໆກັບອາເມລິກາແລະອິດສະລະແອນ,ແລະວາງນະໂຍບາຍບົນພື້ນຖານສັນຕິພາບ ການເຈລະຈາແລະມະຕິສາກົນ.ທ່ານກ່າວລື້ມວ່າ,ຝ່າຍປາເລັດສະຕິນຍິນດີເຈລະຈາກັບອິດສະລາແອນບົນພື້ນຖານມະຕິທີ່ກ່ຽວຂ້ອງແລະແຜນການເສັ້ນທາງສັນຕິພາບຕາເວັນອອກກາງ.
ຕໍ່ທ່າທີຂອງທ່ານຮານີຢາ,ຝ່າຍອາເມລິກາກໍສະແດງໃນມື້ດຽວກັນວ່າ,ບໍ່ວ່າສະມາຊິກອົງ ການຮາມາສມີຕຳແໜ່ງຫຍັງ,ອາເມລິກາກໍບໍ່ຫ່ອນຊິຕິດຕໍ່ພົວພັນກັບເຂົາ,ແລະບໍ່ຫ່ອນຊິສະໜອງການຊ່ອຍເຫຼືອໃດໆໃຫ້ລັດຖະບານປາເລັດສະຕິນທີ່ນຳໂດຍເຂົາ.
|