ຕາມ​ຂ່າວCRI:ຕອນ​ເດິກທ່ຽງ​ຄືນວັນ​ທີ29 ມີນາ,"ກຸ່ມ​ພັນທະ​ມິດ​ປະຊາຊົນ​ເພື່ອ​ປະຊາທິປະ​ໄຕ"​ເຊິ່ງ​ເປັນ​ຝ່າຍ​ຄ້ານ​ຂອງ​ໄທ​ປະກາດ​ວ່າ,ພັກ​ດັ່ງກ່າວ​ຈະ​ເຂົ້າ​ຮ່ວມ​ການ​ເລືອກ​ຕັ້ງ​ສະພາຜູ້​ແທນ​ລາຊະ​ດອນທີ່​ຈະ​ຈັດ​ຂຶ້ນ​ໃນ​ວັນ​ທີ2 ​ເມສາ.

ທ່ານສົນທິ ລິ້ນ​ທອງ​ກຸນ ໜຶ່ງ​ໃນບຸກຄົນ​ແກນ​ກາງຂອງ"ກຸ່ມ​ພັນທະ​ມິດ​ປະຊາຊົນ​ເພື່ອ​ປະຊາທິ"​ໄດ້ປະກາດ​ການ​ຕົກລົງ​ດັ່ງ​ກ່າວ​ໃນງານ​​ໂຮມ​ຊຸມນຸມສະ​ແດງ​ກຳລັງ​ທີ່​ຄັດຄ້ານ​ທ່ານ​ທັກສິນ ຊິນນະ​ວັດ ນາຍົກລັດຖະມົນຕີຮັກສາຂອງ​ໄທ.ທ່ານສົນທິກ່າວ​ວ່າ,ພາຍຫຼັງໄປ​ປ​ະທ້ວງ​ຢູ່ຄະນະ​ກຳມະການ​ເລືອກ​ຕັ້ງ​ຂອງ​ໄທ​​ໃນ​ຕອນ​ເຊົ້ນວັນ​ທີ30 ມີນາ​ແລ້ວ,"ກຸ່ມ​ພັນທະ​ມິດ​ປະຊາຊົນ​ເພື່ອ​ປະຊາທິປະ​ໄຕ​"​ຈະ​ຢຸດ​ຕິໂຮມ​ຊຸມນຸມຊົ່ວຄາວ,​ເພື່ອ​ ​ໃຫ້​ຜູ້ສະໜັບສະໜູນກຸ່ມ​ນີ້​ກັບ​ເມືອເຂົ້າ​ຮ່ວມ​ການ​ເລືອກ​ຕັ້ງ​ໃນ​ວັນ​ທີ2 ​ເມສາ,​ເພື່ອ​ຮັກສາ​ສິດ​ການ​ເລືອກ​ຕັ້ງ​ຂອງ​ຕົນ.

ໃນ​ຂະນະ​ດຽວ​ກັນ,ທ່ານສົນທິປະກາດ​ວ່າ,ກຸ່ມ​ດັ່ງກ່າວນີ້​ຈະ​ຈັດ​ງານໂຮມ​ຊຸມນຸມ​ສະ​ແດງ​ກຳລັງ​ທີ່​ມີ​ຂະໜາດ​ໃຫຍ່ອີກ​ເທື່ອ​ໜຶ່ງ​ໃນ​ວັນ​ທີ7 ​ເມສາ,​ເພື່ອ​ສະ​ແດງ​ຄວາມ​ຄັດຄ້ານ​ຕໍ່ຜົນ​ການ​ເລືອກ​ຕັ້ງ​ທົ່ວ​ໄປ.