|
|
 |
| (GMT+08:00)
2006-03-31 09:39:13
|
 |
|
ຮອບແອວນ້ອຍໃຫຍ່ບໍ່ມີການພົວພັນໂດຍກົງກັບພະຍາດຫົວໃຈ(ສຽງ)
cri
Author: mo
|
ຄວາມອ້ວນແລະໜັກເກີນແມ່ນປັດໃຈສ່ຽງອິດສະລະຂອງພະຍາດສາຍເລືອດຫົວໃຈນັ້ນ ໄດ້ຖືກບັນດານັກວິທະຍາສາດທີ່ຄົ້ນຄວ້າແພດສາດຖົກຖຽງກັນໂດຍຕະຫຼອດ.ທ່ານດ.ຣ.ອາສ໌ນາເຊ ເບເນທົສ໌ ຂອງສູນປ້ອງກັນແລະຄົ້ນຄວ້າການປິ່ນປົວຂອງປາລີແຫ່ງຝຣັ່ງພ້ອມເພື່ອນຮ່ວມງານຂອງທ່ານໄດ້ພິມບົດຄວາມໃນວາລະສານ"ເລືອດດັນສູງ"ທີ່ພິມຈຳໜ່າຍຫຼ້າສຸດນັ້ນຂຽນວ່າ,ການຄົ້ນຄວ້າສະແດງໃຫ້ເຫັນວ່າ,ຜູ້ມີນ້ຳໜັກເກີນແລະຄົນອ້ວນໃນປະຖົມປັດໃຈທີ່ບໍ່ໄດ້ເປັນພະຍາດເລືອດດັນສູງ,ຄວາມສ່ຽງໃນການຕາຍຍ້ອນພະຍາດສາຍເລືອດຫົວໃຈບໍ່ໄດ້ເພີ່ມຂຶ້ນ.
ເມື່ອກ້າວເຂົ້າສູ່ສະຕະວັດທີ 21, ພະຍາດສາຍເລືອດຫົວໃຈນັບມື້ນັບມີທ່ວງທ່າແຜ່ຂະຫຍາຍໃນໂລກ,ການສະແຫວງຫາວິທີປິ່ນປົວທີ່ປອດໄພແລະບັງເກີດຜົນທີ່ແນໃສ່ເຫດເກີດພະຍາດທີ່ບົ່ມຊ້ອນຢູ່ປະເພດຕ່າງໆ, ປົວແປງປັດໃຈອັນຕະລາຍທີ່ຫຼາຍຊະນິດຍ້ອນການປ່ຽນຖ່າຍຂອງໝາກຫົວໃຈນັ້ນແມ່ນຮີບດ່ວນທີ່ສຸດ.ແຕ່ວ່າ,ນອກຈາກປັດໃຈດ້ານກຳມະພັນແລ້ວ,ປັດໃຈສິ່ງແວດລ້ອມທີ່ພາໃຫ້ເກີດພະຍາດສາຍເລືອດຫົວໃຈນັ້ນກໍພວມນັບມື້ນັບຫຼາຍຂຶ້ນແລະນັບມື້ນັບສັບສົນເຂົາ.
ຕົວຢ່າງຄື, ຄວາມເຂົ້າໃຈຕໍ່ເລືອດດັນສູງ, ແຕ່ກ່ອນ,ຄົນທັງຫຼາຍເຫັນວ່າ, ກີນເກືອຫຼາຍເກີນຄວນແມ່ນມູນເຫດຕົ້ນຕໍທີ່ພາໃຫ້ເລືອດດັນສູງ.ແຕ່ໃນ 10 ປີມານີ້,ຜູ້ຄົ້ນຄວ້າເລີ່ມສົງໄສວ່າ ຄວາມອ້ວນແລະໜັກເກີນໄປແມ່ນປັດໃຈສຳຄັນທີ່ພາໃຫ້ເປັນເລືອດດັນສູງແລະພະຍາດໝາກຫົວໃຈ. ຫວ່າງບໍ່ດົນນີ້,ການຄົ້ນຄວ້າລາຍໜຶ່ງທີ່ຊື່ວ່າINTERHEART ທີ່ດຳເນີນຢູ່52ປະເທດໄດ້ສະແດງໃຫ້ເຫັນວ່າ,ທ້ອງປຸ້ງແມ່ນປັດໃຈອັນຕະລາຍອິດສະຫຼະທີ່ພາໃຫ້ເປັນພະຍາດຫົວໃຈ,ການພະຍາກອນພະຍາດຫົວໃຈດ້ວຍປັດໃຈດັ່ງກ່າວຍິ່ງແມ່ນຢຳກວ່າຕົວເລກດັດຊະນີນ້ຳໜັກທີ່ຄົນທັງຫຼາຍມັກໃຊ້ໃນປັດຈຸບັນ.
ແຕ່ຂໍ້ສະຫຼຸບດັ່ງກ່າວພັດບໍ່ຖືກຄົນທັງຫຼາຍຮັບຮອງ. ທ່ານດ.ຣ.Benetos ເຄີຍຄົ້ນຄວ້າວິເຄາະຕໍ່ຜູ້ທີ່ເຄີຍການກວດກາສຸຂະພາບຕາມປົກກະຕິຢູ່ສູນຄົ້ນຄວ້າການປ້ອງກັນແລະປົວພະຍາດຂອງປາລີແຫ່ງຝຣັ່ງ 2 ແສນ 4 ໝື່ນກວ່າຄົນ, ໃນຄົນເຫຼົ່ານີ້ ບາງຄົນມີເລືອດດັນສູງ,ໂຣກເບົາຫວານແລະໄຂມັນໃນເລືອດບໍ່ປົກກະຕິ ເຊິ່ງເປັນປັດໃຈສ່ຽງທີ່ກ່ຽວພັນກັບຄວາມອ້ວນ, ແຕ່ບາງຄົນພັດບໍ່ມີ. ໃນການຕິດຕາມຕາມຫຼັງນັ້ນ,ມີ ຜູ້ຊາຍ 2949ຄົນແລະຜູ້ຍິງ929ຄົນຕາຍຍ້ອນພະຍາດສາຍເລືອດຫົວໃຈ.
ພະນັກງານຄົ້ນຄວ້າປະກົດເຫັນວ່າ, ຄວາມອ້ວນແລະໜັກເກີນແຕ່ບໍ່ມີປັດໃຈສ່ຽງທີ່ກ່ຽວຂ້ອງເຊັ່ນເລືອດດັນສູງເປັນຕົ້ນ, ຄວາມສ່ຽງທີ່ເກີດພະຍາດສາຍເລືອດຫົວໃຈກໍບໍ່ໄດ້ເພີ່ມຂຶ້ນ.ແຕ່ຜູ້ອ້ວນແລະໜັກເກີນທັງມີເລືອດດັນສູງຫຼືປັດໃຈສ່ຽງອື່ນໆນັ້ນ, ຄວາມສ່ຽງທີ່ຕາຍຍ້ອນພະຍາດສາຍເລືອດຫົວໃຈແມ່ນສອງເທົ່າຂອງຜູ້ທີ່ໜັກເກີນແຕ່ເລືອດດັນເປັນປົກກະຕິ.ພ້ອມກັນນັ້ນ,ພະນັກງານຄົ້ນຄວ້າປະກົດເຫັນວ່າ, ຜູ້ທີ່ອ້ວນແລະໜັກເກີນທັງເປັນພະຍາດເບົາຫວານລ້ວນໆຫຼືມີອາການໂຄເລັສເຕລອນສູງລ້ວນໆນັ້ນ,ຄວາມສ່ຽງທີ່ຕາຍຍ້ອນພະຍາດສາຍເລືອດຫົວໃຈນັ້ນກໍບໍ່ໄດ້ເພີ່ມຂຶ້ນ. ແຕ່ຖ້າມີເລືອດດັນສູງ,ອັດຕາການຕາຍຍ້ອນເປັນພະຍາດສາຍເລືອດຫົວໃຈຂອງຜູ້ອ້ວນແລະໜັກເກີນກໍໄດ້ເພີ່ມຂຶ້ນຢ່າງເດັ່ນຊັດ.ທ່ານດ.ຣ.Benetosເຫັນວ່າ,ພະຍາດເລືອດດັນສູງແມ່ນປັດໃຈສຳຄັນກວ່າໝູ່ທີ່ພາໃຫ້ອັດຕາການຕາຍຍ້ອນເປັນພະຍາດສາຍເລືອດຫົວໃຈຂອງຜູ້ໜັກເກີນໄປນັ້ນເພີ່ມຂຶ້ນ.
ຖ້າໝາກຜົນດັ່ງກ່າວຖືກຢືນຢັນຍິ່ງຫຼາຍຈາກຈາກການຄົ້ນຄວ້າທີ່ກ່ຽວຂ້ອງແລ້ວ,ມັນອາດຈະປ່ຽນແປງຄວາມເຂົ້າໃຈຂອງຄົນທັງຫຼາຍທີ່ມີຕໍ່ຄວາມອ້ວນແລະໜັກເກີນ.ແຕ່ກ່ອນ,ຍ້ອນຄົນທັງຫຼາຍຮັບເອົາທັດສະນະທີ່ວ່າ, ຄວາມອ້ວນແລະໜັກເກີນຈະພາໃຫ້ເປັນພະຍາດສາຍເລືອດຫົວໃຈ,ສະນັ້ນ,ຈຶ່ງມີຫຼາຍໆຄົນນັບມື້ນັບ"ປະຢັດ",ພະຍາຍາມຫຼຸດນ້ຳໜັກຂອງຕົນຈົນສຸດຄວາມສາມາດ. ແຕ່ວ່າ,ເຖິງວ່າໃນຫຼາຍປີມານີ້, ໄດ້ມີຢາໃໝ່ຫຼາຍໆຢ່າງກຳເນີດຂຶ້ນ,ວິທີກວດກາທີ່ກ້າວໜ້າຍິ່ງຫຼາຍໄດ້ເຮັດໃຫ້ການບົ່ງມະຕິພະຍາດສາຍເລືອດຫົວໃຈຍິ່ງໄວແລະງ່າຍ,ຄົນທັງຫຼາຍໄດ້ໃຊ້ມາດຕະການຫຼຸດຄວາມອ້ວນຊະນິດຕ່າງໆເຊິ່ງລວມທັງການຄວບຄຸມການກິນດື່ມກໍຕາມ, ແຕ່ອັດຕາການຕາຍຍ້ອນພະຍາດສາຍເລືອດຫົວໃຈໃນທົ່ວໂລກພັດບໍ່ໄດ້ຫຼຸດລົງຢ່າງເດັ່ນຊັດ.ນີ້ເຮັດໃຫ້ບາງຄົນສົງໃສວ່າ,ຄວາມອ້ວນແລະໜັກເກີນລ້ວນໆແມ່ນປັດໃຈທີ່ພາໃຫ້ເປັນພະຍາດສາຍເລືອດຫົວໃຈແທ້ບໍ່?
ທ່ານດ.ຣ.Frank B Hu ຂອງວິທະຍາໄລສາທາລະນະສຸກມະຫາວິທະຍາໄລຮາເວິດຂອງອາເມລິກາໄດ້ຊີ້ອອກວ່າໃນການວິຈານທີ່ກ່ຽວຂ້ອງວ່າ, ການປະກົດເຫັນທີ່ສຳຄັນອັນໜຶ່ງໃນການຄົ້ນຄວ້າດັ່ງກ່າວແມ່ນໄດ້ເນັ້ນໜັກເຖິງຄວາມສຳຄັນຂອງເລືອດດັນສູງ,ຍ້ອນວ່າ, ກົນໄກທີ່ຄວາມອ້ວນພາໃຫ້ເປັນພະຍາດສາຍເລືອດຫົວໃຈນັ້ນ, ອາດຈະແມ່ນຜ່ານຈາກເລືອດດັນສູງ. ທ່ານດ.ຣ.Benetosເຫັນວ່າ,ຢາກຫຼຸດຄວາມສ່ຽງທີ່ຄວາມອ້ວນແລະໜັກເກີນພາໃຫ້ເປັນພະຍາດສາຍເລືອດຫົວໃຈ. ວິທີທີ່ດີທີ່ສຸດແມ່ນຄວບຄຸມເລືອດດັນແລະຫຼຸດນ້ຳໜັກໄປພ້ອມກັນ.ແຕ່ພະນັກງານຄົ້ນຄວ້າກໍຮັບຮອງວ່າ, ບັນຫາກ່ຽວກັບການພົວພັນລະຫວ່າງຄວາມອ້ວນແລະໜັກເກີນໄປກັບຄວາມສ່ຽງທີ່ພາໃຫ້ເປັນພະຍາດສາຍເລືອດຫົວໃຈນັ້ນ ຍັງຕ້ອງດຳເນີນການຄົ້ນຄວ້າຫຼາຍກວ່າເກົ່າ.ເຖິງວ່າປັດຈຸບັນ, ວົງການແພດສາດຍັງບໍ່ທັນຮູ້ແຈ້ງສາເຫດທີ່ພາໃຫ້ຄົນອ້ວນຍ້ອນຂາດການອອກກຳລັງກາຍແລະຄວາມຊິນເຄີຍໃນການກິນດື່ມທີ່ບໍ່ດີກໍຕາມ, ແຕ່ມີຈຸດໜຶ່ງແມ່ນໃຜໆກໍຮັບຮູ້ຄືກັນ,ນັ້ນກໍຄື:ກິນໝາກໄມ້ແລະຜັກໃຫ້ຫຼາຍແລະເຂົ້າຮ່ວມການອອກກຳລັງກາຍດ້ານກິລາໃຫ້ຫຼາຍນັ້ນແມ່ນມີຜົນດີຕໍ່ສຸຂະພາບ.
(ຈົບ)
|
|
|
