|
|
 |
| (GMT+08:00)
2006-03-31 10:59:44
|
 |
|
ທ່ານເຈຍຊິ້ງລິນຫວັງໃຫ້ບຸກຄົນວົງການອຸດສາຫະກຳການຄ້າຈີນມາເລເຊຍເປີດກວ້າງການຮ່ວມມືກັນ
cri
Author: sayvanny
ຕາມຂ່າວ CRI:ວັນທີ 30 ມີນາ ຢູ່ກົວລາລຳເປີ ທ່ານເຈຍຊິ້ງລິນ ປະທານສະພາປຶກສາການເມືອງປະຊາຊົນແຫ່ງຊາດຈີນທີ່ກຳລັງຢ້ຽມຢາມຢູ່ມາເລເຊຍເວົ້າວ່າ, ການຮ່ວມມືລະຫວ່າງຈີນກັບມາເລເຊຍມີກຳລັງບົ່ມຊ້ອນອັນມະຫາສານ,ຫວັງໃຫ້ບຸກຄົນວົງການອຸດສາຫະກຳການຄ້າຂອງສອງປະເທດຈົ່ງເປີດກວ້າງການຮ່ວມມືກັນ, ເສີມຂະຫຍາຍບົດບາດຍິ່ງຫລາຍເຂົ້າໃນການຊຸກຍູ້ມິດຕະພາບແລະການຮ່ວມມືກັນລະຫວ່າງຈີນກັບມາເລເຊຍ.
ທ່ານເຈຍຊິ້ງລິນແມ່ນໃຫ້ທັດສະນະດັ່ງກ່າວໃນເວລາເຂົ້າຮ່ວມງານລ້ຽງ ທີ່ບຸກຄົນຜູ່ມີໄມຕີຈິດໃນວົງການຕ່າງໆຂອງມາເລເຊຍຈັດຂຶ້ນເພື່ອຕ້ອນຮັບທ່ານໃນຕອນຄ່ຳວັນທີ 30 ມີນາ.ທ່ານເວົ້າວ່າ, ແຕ່ຈີນມາເລເຊຍສ້າງສາຍສຳພັນການທູດ 30 ກວ່າປີມານີ້, ການພົວພັນລະຫວ່າງສອງປະເທດໄດ້ຂະຫຍາຍຕົວຢ່າງສະດວກ, ຂົງເຂດຮ່ວມມືກໍ່ນັບມື້ນັບກວ້າງອອກ, ການໄວ້ເນື້ອເຊື່ອໃຈເຊິ່ງກັນແລະກັນໄດ້ເພີ່ມຂຶ້ນຕື່ມອີກ,ມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນລະຫວ່າງຈີນກັບມາເລເຊຍໄດ້ນຳເອົາຜົນປະໂຫຍດແທ້ຈິງມາໃຫ້ປະຊາຊົນສອງປະເທດ,ແລະມີຜົນດີຕໍ່ສັນຕິພາບ ສະຖຽນລະພາບແລະຄວາມຈະເລີນຮຸ່ງເຮືອງຂອງພາກພື້ນນີ້ກໍ່ຄືຂອງໂລກ.
ທ່ານເຈຍຊິ້ງລິນຊີ້ອອກວ່າ, ຈີນມາເລເຊຍໄດ້ກຳນົດເອົາກະສິກຳ ໄຮເທັກ ການບຸກເບີກຊັບພະຍາກອນ ການກໍ່ສ້າງພື້ນຖານໂຄງລ່າງແລະການທ່ອງທ່ຽວເປັນຂົງເຂດຮ່ວມມືຈຸດຫນັກ.
|
|
|
