|
|
 |
| (GMT+08:00)
2006-03-31 16:38:58
|
 |
|
ປະທານສະພາສູງແລະສະພາຕ່ຳຂອງມາເລເຊຍພົບປະເຈລະຈາກັບທ່ານເຈຍຊິ້ງລິນ
cri
ຕາມຂ່າວCRI,ວັນທີ30ມີນາ,ທ່ານຮາມິດ ປະທານສະພາສູງແລະທ່ານຣາມລີ ປະທານສະພາຕ່ຳຂອງມາເລເຊຍຕ່າງໄດ້ເຈລະຈາກັບທ່ານເຈຍຊິ້ງລີນ ປະທານສະພາປຶກສາການເມືອງປະຊາຊົນແຫ່ງຊາດຈີນທີ່ໄປຢ້ຽມຢາມ.
ທ່ານເຈຍຊິ້ງລິນເວົ້າວ່າ,ຈີນແລະມາເລເຊຍແມ່ນປະເທດໃກ້ຄຽງສະໜິດ ສະໜົມທີ່ມີມິດຕະພາບອັນເປັນມູນເຊື້ອຢ່າງເລິກເຊິ່ງ.ຝ່າຍຈີນຍິນດີເກາະແຂນກັບຝ່າຍມາເລເຊຍພ້ອມກັນທຳຄວາມພະຍາຍາມ,ເຮັດໃຫ້ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລົງສູ່ລວງເລິກ,ຊຸກຍູ້ການຮ່ວມມືຍຸດທະສາດລະຫວ່າງຈີນມາເລເຊຍໃຫ້ໄດ້ຮັບຄວາມຄືບໜ້າໃໝ່ຢ່າງບໍ່ຢຸດຢັ້ງ.
ທ່ານຮາມິດແລະທ່ານຣາມລີກ່າວວ່າ,ຈີນໄດ້ກາຍເປັນໜຶ່ງໃນຄູ່ຂາການຄ້າທີ່ສຳຄັນກວ່າໝູ່.ຝ່າຍມາເລເຊຍຍິນດີພ້ອມກັນກັບຝ່າຍຈີນຊຸກຍູ້ການຮ່ວມມືໃນຂົງເຂດເສດຖະກິດການຄ້າ ການລົງທຶນແລະການທ່ອງທ່ຽວເປັນຕົ້ນຢ່າງບໍ່ຢຸດຢັ້ງ.
ທ່ານເຈຍຊິ້ງລິນໄດ້ຍ້ອງຍໍແລະຂອບໃຈນຳລັດຖະບານແລະລັດຖະສະພາມາເລເຊຍທີ່ໄດ້ຍຶດໝັ້ນນະໂຍບາຍຈີນດຽວແລະໃຫ້ຄວາມເຂົ້າໃຈແລະການສະສະໜັບສະໜູນແກ່ຈີນໃນບັນຫາໄຕ້ຫວັນເປັນເວລາຍາວນານ.ທ່ານຮາມິດແລະທ່ານຣາມລີກ່າວວ່າ,ຝ່າຍມາເລເຊຍມີຄວາມເຫັນໂດຍຕະຫຼອດວ່າ,ໄຕ້ຫວັນແມ່ນດິນແດນສ່ວນໜຶ່ງທີ່ຕັດແຍກອອກບໍ່ໄດ້ຂອງຈີນ,ແລະຈະເຮັດຄືແຕ່ເກົ່າເມືອຫຼັງ ຍຶດໝັ້ນຫຼັກການຈີນດຽວ.
ຕອນຄ່ຳມື້ດຽວກັນ,ທ່ານເຈຍຊິ້ງລິນຍັງໄດ້ເຂົ້າຮ່ວມງານລ້ຽງຕ້ອນຮັບທີ່ບຸກຄົນໄມຕີຈິດໃນວົງການຕ່າງໆຂອງມາເລເຊຍຈັດຂຶ້ນເພື່ອເປັນກຽດໃຫ້ແກ່ທ່ານ.ໃນເວລາກ່າວຄຳປາໄສໃນງານລ້ຽງ,ທ່ານຍັງໄດ້ກ່າວລື້ມຫຼັກໝັ້ນຫຼັກການຂອງລັດຖະບານຈີນກ່ຽວກັບບັນຫາໄຕ້ຫວັນ.ຄຳປາໄສຂອງທ່ານໄດ້ມີປະຕິກິລິຍາອັນຕັ້ງໜ້າໃນຊາວຈີນຕ່າງດ້າວຢູ່ມາເລເຊຍ.
|
|
|
