|
ຕາມຂ່າວຈາກກະຊວງການຄ້າຈີນ: ວັນທີ 29 ມີນາ ຢູ່ວັງມາລາຄານັງ, ທ່ານນາງອາໂລໂຢ ປະທານາທິບໍດີຟິລິບປິນໄດ້ພົບປະທ່ານລູ້ປິ່ງ ປະທານເຂດກວາງຊີເຜົ່າຈ້ວງປົກຄອງຕົນເອງຂອງຈີນພ້ອມດ້ວຍຄະນະທີ່ໄປຢ້ຽມຢາມ.
ທ່ານນາງອາໂລໂຢໄດ້ສະແດງຄວາມຊົມເຊີຍຕໍ່ທ່ານລູ້ປິ່ງທີ່ພາຄະນະຜູ່ແທນອົງການປົກຄອງເຂດກວາງຊີໄປຢ້ຽມຢາມຟິລິບປິນ ແລະເປັນປະທານຈັດພິທີເປີດງານວາງສະແດງແລະຈ່ຳໜ່າຍສິນຄ້າກວາງຊີ, ຄອງຄອຍເພີ່ມທະວີການຮ່ວມມືແລະການແລກປ່ຽນລະຫວ່າງຟິລິບປິນກັບເຂດກວາງຊີໃນຂົງເຂດເສດຖະກິດການຄ້າຕື່ມອີກ. ທ່ານລູ້ປິ່ງໄດ້ແນະນຳໂດຍຫຍໍ້ກ່ຽວກັບງານວາງສະແດງແລະຈ່ຳໜ່າຍສິນຄ້າເຂດກວາງຊີຢູ່ຟິລິບປິນເທື່ອນີ້ໃຫ້ທ່ານນາງອາໂລໂຢຊາບ, ພ້ອມດ້ວຍສະພາບກະກຽມຂອງງານເອັກສ໌ໂປຈີນອາຊຽນຄັ້ງທີສາມ ກອງປະຊຸມສຸດຍອດຈີນອາຊຽນກ່ຽວກັບການຄ້າການລົງທຶນແລະງານລະລຶກຈີນອາຊຽນສ້າງສາຍສຳພັນຄູ່ຂາສົນທະນາຄົບຮອບ 15 ປີ ທີ່ຈະຈັດຂຶ້ນຢູ່ເມືອງໜານໜິງໃນທ້າຍປີນີ້, ແລະກ່າວວ່າ, ຫວັງວ່າຜ່ານຈາກການເຄື່ອນໄຫວທີ່ກ່າວມາຂ້າງເທິງນີ້, ເພີ່ມທະວີການແລກປ່ຽນແລະການຮ່ວມມືລະຫວ່າງເຂດກວາງຊີກັບຟິລິບປິນກໍຄືປະເທດອາຊຽນອື່ນໆຕື່ມອີກ.
|
