|
ຫວ່າງກ່ອນນີ້ບໍ່ດົນ,ພວກເຮົາໄດ້ຮັບຈົດໝາຍຂອງທ່ານທອງຈັນ.ໄຊຍະວົງ ຮອງຫົວໜ້າຫ້ອງການຖະແຫຼງຂ່າວແລະວັດທະນະທຳເມືອງນາໝໍ້ແຂວງອຸດົມໄຊ,ໃນຈົດໝາຍຂອງທ່ານຊຽນວ່າ:ຜ່ານມາຂ້າພະເຈົ້າເຄີຍຕິດຕາມຟັງຂ່າວສະຖານະການຕ່າງໆຂອງໂລກ,ຂົງເຂດແລະຂອງປະເທດໃດໜຶ່ງ,ແຕ່ເຄີຍຍິນແຫຼ່ງຂ່າວຕາເວັນຕົກໂດຍສະເພາະແມ່ນຂ່າວຈາກV.O.A,ເອເຊຍເສລີ,ລ່ອຍເຕີແລະແຫຼ່ງຂ່າວBBCຈາກຝ່າຍທຶນນິຍົມຕາເວັນຕົກເປັນຕົ້ນແມ່ນຈາກສະຫະລັດອາເມລິກາທີ່ໄດ້ກ່າວປະນາມວ່າ,ຢູ່ໃນໂລກນີ້ຍັງມີຫຼາຍປະເທດຍັງລະເມີດດ້ານສິດທິມະນຸດ ເຊັ່ນ:ສ.ປ.ຈີນ,ສ.ສ.ຫວຽດນາມ,ສ.ປ.ປ.ລາວເປັນຕົ້ນ,ເມື່ອສະພາບເປັນດັ່ງນັ້ນ,ຂ້າພະເຈົ້າມີຄວາມສົນໃຈແລະຢາກຮູ້ຄວາມເປັນຈິງວ່າແມ່ນປະເທດໃດແທ້ທີ່ປະຕິບັດດ້ານສິດທິມະນຸດໄດ້ໂດດເດັ່ນກວ່າໝູ່ຢູ່ໃນໂລກປະຈຸບັນ.ນອກນີ້,ທ່ານທອງກ່ຳ,ອຸທິດາ ທີ່ຢູ່ແຂວງຫຼວງພະບາງກໍໄດ້ໂທມາຖາມພວກເຮົາກ່ຽວກັບສະພາບສິດທິມະນຸດຂອງຈີນແລະຂອງອາເມລິກາ,ທ່ານຖາມວ່າເປັນຫຍັງ ທຸກໆປີ ອາເມລິກາກໍ່ຕ້ອງປະກາດບົດລາຍງານສິດທິມະນຸດເພື່ອຕິຕຽນຈີນ,ແຕ່ຍາມໃດ ກໍ່ບໍ່ເວົ້າສະພາບສິດທິມະນຸດຂອງຕົນ.ເພື່ອຕອບສະໜອງກັບຄວາມຮຽກຮ້ອງຕ້ອງການຂອງຜູ້ຟັງສອງທ່ານດັ່ງກ່າວ,ໃນລາຍການພາກນີ້,ພວກເຮົາຂໍເລົ່າສະພາບສິດທິມະນຸດຂອງຈີນແລະອາເມລິກາ,ພ້ອມທັງມາວິເຄາະວ່າອາເມລິກາຕິຕຽນສະພາບສິດທິມະນຸດຂອງປະເທດອື່ນຢ່າງລຽນຕິດແມ່ນເພື່ອຈຸດປະສົງຫຍັງ.
ປີ2004,ຂ່າວກ່ຽວກັບທະຫານອາເມລິກາທໍລະມານຊະເລີຍເສິກຂອງອີຣັກຢ່າງປ່ວງບ້າ,ໄດ້ເຜີຍໃຫ້ເຫັນໂສມໜ້າດ້ານສິດທິມະນຸດຂອງອາເມລິກາ,ເຮັດໃຫ້ຄົນທັງຫຼາຍທີ່ມີມະໂນທຳນັ້ນຕື່ນຕົກໃຈ,ຫາງສຽງສາກົນພ້ອມກັນກໍກ່າວປະນາມ.ແຕ່ວ່າ,ເລື່ອງທີ່ມີຄວາມໝາຍສຽດສີນັ້ນແມ່ນ,ໃນຕົ້ນເດືອນມີນາປີນີ້,ກະຊວງການຕ່າງປະເທດອາເມລິກາໄດ້ຖືຕົນເອງເປັນ"ຜູ້ປົກປ້ອງສິດທິມະນຸດຂອງໂລກ",ແລະປະກາດ"ບົດລາຍງານສິດທິມະນຸດນານາຊາດປີ2005".ບົດລາຍງານດັ່ງກ່າວໄດ້ຊີ້ຕົນຊີ້ມືຕໍ່ສະພາບສິທິມະນຸດຂອງ190ກວ່າປະເທດແລະເຂດແຄວ້ນເຊິ່ງລວມທັງຈີນ,ແຕ່ພັດບໍ່ໄດ້ເວົ້າແມ່ນແຕ່ຄຳດຽວຕໍ່ພຶດຕິກຳບໍ່ດີຂອງຕົນໃນຂົງເຂດສິດທິມະນຸດ.ທັງນີ້ພາໃຫ້ຊາວໂລກຈຳເປັນຕ້ອງເລັງສາຍຕາໄປສູ່ອາເມລິກາ,ເພື່ອເບິ່ງສະພາບສິດທິມະນຸດຢູ່ຫຼັງອະນຸສາວະລີເທພີເສລີພາບ".ເພື່ອເລື່ອງນີ້,ຫ້ອງການຖະແຫຼງຂ່າວຄະນະລັດຖະບານຈີນຍັງໄດ້ປະກາດ"ບົດບັນທຶກສະພາບສິດທິມະນຸດຂອງອາເມລິກາໃນປີ2005",ໄດ້ແນະນຳສະພາບລ່ວງລະເມີດສິດທິມະນຸດຂອງອາເມລິກາໃນປີທີ່ຜ່ານມາ.
ໃນຫຼາຍປີມານີ້,ອາເມລິກາໄດ້ໃຊ້ສອງມາດຖານໃນບັນຫາສິດທິມະນຸດ ຕະຫຼອດມາ,ເຂົາເຮັດແນວນີ້ແມ່ນຍ້ອນຄວາມຕ້ອງການໃນດ້ານຜົນປະໂຫຍດຂອງຕົນ,ສິດທິມະນຸດແມ່ນເຄື່ອງມືສຳຄັນທີ່ສຸດສຳລັບອາເມລິກາຂະຫຍາຍອຳນາດແລະໂຄສະນາອັນທີ່ເອີ້ນວ່າ"ລະບອບອາລະຍະທຳຝ່າຍຕາເວັນຕົກ"ຂອງຕົນ,ແຕ່ກ່ອນ ເຄີຍໄດ້ເສີມຂະຫຍາຍບົດບາດຫຼາຍໃນການເຮັດໃຫ້ປະເທດເອີລົບຕາເວັນອອກແລະສະຫະພາບໂຊວຽດແຕກສະຫຼາຍ",ດັ່ງນັ້ນ,ຈົນຮອດຊູ່ມື້ນີ້,ອາເມລິກາຍັງຕ້ອງສຶບຕໍ່ໃຊ້"ອາວຸດ"ຊະນິດນີ້.
ນັບມາຮອດປະຈຸບັນ,ອາເມລິກາໄດ້ສະເໜີຍັດຕິຄັດຄ້ານຈີນ10ກວ່າເທື່ອແລ້ວ,ແຕ່ລະເທື່ອ,ກໍ່ອ້າງວ່າສະພາບສິດທິມະນຸດຂອງຈີນໄດ້ຖອຍຫຼັງຢ່າງໜັກໜ່ວງ. ຕາມຕັກກະສາດທີ່ໄຮ້ສາລະຂອງອາເມລິກາ, ຈີນຄວນໄດ້ຖອຍຫຼັງໄປຮອດສັງຄົມດຶກດຳບັນແຕ່ດົນແລ້ວ.
ທີ່ຈິງແລ້ວ,ລັດຖະບານຊຸດໃໝ່ຂອງຈີນໄດ້ສະເໜີທັດສະນະຄະຕິປົກຄອງປະເທດທີ່"ຖືຄົນເປັນກົກ,ກຳອຳນາດເພື່ອປະຊາຊົນ,ແລະໄດ້ນຳພາປະຊາຊົນຈີນທົ່ວປະເທດເຮັດໃຫ້ເສດຖະກິດແຫ່ງຊາດເຕີບໂຕດ້ວຍຈັງຫວະໄວພະລັນ,GDPທີ່ສະເລ່ຍຕາມຫົວຄົນບຸກທະລຸ1000ໂດລາສະຫະລັດທໍ່ນັ້ນ,ປະຊາກອນຜູ້ທຸກຍາກໄດ້ຫຼຸດໜ້ອຍລົງຢ່າງຫຼວງຫຼາຍນຳອີກ.ຕາມບົດລາຍງານຂອງອົງການແຜນການພັດທະນາສະຫະປະຊາຊາດ,ເມື່ອຮອດປີ2015,ຈີນສາມາດບັນລຸເປົ້າໝາຍພັດທະນາສະຫັດສະວັດເປັນສ່ວນໃຫຍ່.ຖ້າວ່າທັງໝົດເຫຼົ່ານີ້ກໍເປັນການ"ລ່ວງລະເມີດສິດທິມະນຸດ"ແລ້ວ,ການໃຊ້ກຳລັງຮຸນແຮງຂອງຕຳຫຼວດແລະການດູໝິ່ນເຊື້ອຊາດຂອງອາເມລິກາພັດເປັນການ"ປົກປ້ອງສິດທິມະນຸດ"ບໍ່？ການຂ້າປະຊາຊົນສາມັນທີ່ບໍ່ມີໂທດຫຍັງຢູ່ອີຣັກເປັນການ"ປົກປ້ອງສິດທິມະນຸດ"ບໍ່?
ກ່ຽວກັບສະພາບສິດທິມະນຸດຂອງອາເມລິກາ,ບັນຫາທີ່ພົ້ນເດັ່ນກວ່າໝູ່ກໍ່ແມ່ນການກໍ່ອາຊະຍາກຳດ້ວຍກຳລັງຮຸນແຮງຢ່າງໜັກໜ່ວງ.ຢູ່ອາເມລິກາ,ການກໍ່ອາຊະຍາກຳດ້ວຍກຳລັງຮຸນແຮງມີຫຼວງຫຼາຍປານໄພນ້ຳນອງນ້ຳຖ້ວມ,ການລ່ວງລະເມີດສິດດ້ານຕຸລາການຮ້າຍແຮງສົມຄວນ,ຄວາມປອດໄພດ້ານຊີວິດ,ເສລີພາບແລະຮ່າງກາຍຂອງປະຊາຊົນຂາດການຮັບປະກັນ.ສະເລ່ຍແລ້ວໄດ້ເກີດຄະດີຂ້າຕົວຕາຍແລະຂ້າຜູ້ອື່ນ5ໝື່ນກວ່າລາຍຕໍ່ປີ. ນັບລວມແລ້ວ,ໃນປີ2004,ຢູ່ອາເມລິກາໄດ້ເກີດຄະດີອາຊະຍາກຳດ້ວຍກຳລັງຮຸນແຮງ5ລ້ານ1ແສນ8ໝື່ນກວ່າລາຍ,ໃນຄົນອາເມລິກາ47ຄົນໃດກໍ່ມີຜູ້ໜຶ່ງຖືກຮ້າຍຈາກຂອງການກໍ່ອາຊະຍາກຳດ້ວຍກຳລັງຮຸນແຮງ.ອາເມລິກາຖືກເອີ້ນເປັນ"ແດນສຸຂາວະດີຂອງຜູ້ມີເສລີພາບ",ແຕ່ຈຳນວນຄົນທີ່ຖືກຕັດຮອນສິດເສລີພາບນັ້ນພັດຢູ່ແຖວໜ້າໃນໂລກ. ຕາມຕົວເລກທີ່ກົມFBIອາເມລິກາປະກາດໃນເດືອນພະຈິກປີ2004,ໃນປີ2003,ຜູ້ປະຕິບັດກົດໝາຍຂອງອາເມລິກາໄດ້ກັກຂັງຫຼືຈັບຕົວ13ລ້ານ6ແສນເທື່ອຄົນ,ໃນ1ແສນຄົນໃດທົ່ວປະເທດກໍ່ມີ4695,1ຄົນຖືກຈັບຕົວ,ບໍ່ໜຳ,ໃນ15ປີທີ່ຜ້ານມາ,ໄດ້ຕັດສິນຢ່າງຜິດພາດຕໍ່ຄະດີຕ້ອງໂທດອາຍາ328ລາຍ,ໃນນັ້ນມີ73ຄົນຖືກຕັດສິນປະຫານຊີວິດ,ມີຄົນເຄິ່ງໜຶ່ງຂຶ້ນໄປໄດ້ຖືກກັກຂັງກວ່າ 10 ປີແລ້ວ,ຕາມການຄາດຄະເນ,ປະຈຸບັນ,ຢູ່ອາເມລິກາ,ມີຄົນທີ່ບໍມີໂທດຫຍັງນັບເປັນພັນເປັນໝື່ນຕິດຄຸກ.ອີກດ້ານໜຶ່ງ,ອາເມລິກາປະຕິເສດບໍ່ເຂົ້າຮ່ວມ"ສົນທິສັນຍາສາກົນກ່ຽວກັບສິດເສດຖະກິດ,ສັງຄົມແລະວັດທະນະທຳ",ປະຕິບັດຕໍ່ສິດເສດຖະກິດ,ສັງຄົມແລະວັດທະນະທຳຂອງຜູ້ອອກແຮງງານຢ່າງຫຍໍ້ທໍ້.ຄວາມທຸກຍາກ,ຄວາມອຶດຢາກການບໍ່ມີບ່ອນເພິ່ງພາອາໄສແລະບັນຫາອື່ນໆໄດ້ຕິດຕາມປະເທດຮັ່ງມີນ້ຳເບີໜຶ່ງນີ້ໃນໂລກ.
ອາເມລິກາເປີດປ່າວວ່າຈີນຂາດເຂີນເສລີພາບພື້ນຖານ.ແຕ່ທີ່ຈິງແລ້ວ,ປະຊາຊົນຈີນມີເສລີພາບຫຼາຍຢ່າງດ້ານການປາກເວົ້າ,ການໂຮມຊຸມນຸມ,ການຈັດຕັ້ງສະມາຄົມແລະການເຊື່ອຖືສາດສະໜາເປັນຕົ້ນຕາມກົດໝາຍ.ແຕ່ລະປີ,ຈີນໄດ້ພິມຈຳໜ່າຍປື້ມ1ແສນ4ໝື່ນກວ່າຊະນິດ,ວາລະສານ8000ກວ່າຊະນິດ,ໜັງສຶພິມ2000ກວ່າຊະນິດ.ປະຊາກອນເນັດລື່ນກາຍ100ລ້ານຄົນ,ມີສະຖານີໂທລະພາບ320ຫຼັງ.ປະຈຸບັນ,ຢູ່ຈີນມີສາສະໜາໃຫຍ່5ສາສະໜາ,ຄື:ພຸດທະສາສະໜາ,ສາສະໜາເຕົ໋າ,ສາສະໜາອິສລາມ,ສາສະໜາໂລມັງກະໂຕລິກແລະສາສະໜາຄຼິສຕຽນ,ສາສະນິກະຊົນມີ100ກວ່າລ້ານຄົນ,ຜູ້ປະຕິບັດງານສາສະໜາມີ3ແສນຄົນ,ພຽງແຕ່"ຄຳພີໃບເບີນ"ກໍ່ໄດ້ພິມຈຳໜ່າຍ30ລ້ານຫົວ.
ນອກນີ້,ຈີນໄດ້ທຳຄວາມພະຍາຍາມບູລະນະໂຄງປະກອບຕຸລາການໃຫ້ສົມບູນຂຶ້ນຕະຫຼອດມາ.ສະພາປະຊາຊົນແຫ່ງຊາດຈີນໄດ້ຂຽນເນື້ອໃນທີ່ວ່າ"ລັດເຄົາລົບແລະຮັບປະກັນສິດທິມະນຸດ"ເຂົ້າໃນລັດຖະທຳມະນູນຢ່າງແຈ່ມແຈ້ງ.ນີ້ແມ່ນຫັຼກໝາຍທາງອັນສຳຄັນທີ່ຈີນຊຸກຍູ້ແລະຮັບປະກັນພາລະກິດສິດທິມະນຸດໃຫ້ພັດທະນາ.ແຕ່ວ່າ,ມື້ນີ້ ອາເມລິກາຮຽກຮ້ອງໃຫ້ພວກເຮົາຫຼຸດໄລຍະຕິດຄຸກຕໍ່ຄົນໂທດຜູ້ນີ້, ມື້ອື່ນ ຮຽກຮ້ອງໃຫ້ພວກເຮົາປ່ອຍຕົວແຕ່ຝາກໂທດໄວ້ຕໍ່ຄົນໂທດຜູ້ນັ້ນ.ຜູ້ທີ່ເຈຕະນາທຳລາຍໂຄງປະກອບຕຸລາການຂອງຈີນນັ້ນບໍ່ແມ່ນຜູ້ອື່ນ,ຫາກແມ່ນອາເມລິກາເອງ.
ອາເມລິກາຕິຕຽນວ່າຈີນເຂົ້າຮ່ວມກັບອົງການສິດທິມະນຸດສາກົນບໍ່ພຽງພໍ.ທີ່ຈິງແລ້ວ,ຫຼັງຈາກຈີນເຊື້ອເຊີນຜູ້ລາຍງານສິດສຶກສາທິການຂອງຄະນະມົນຕີສິທິມະນຸດແລ້ວ,ຍັງໄດ້ເຊື້ອເຊີນໜ່ວຍງານກັກຂັງຕາມລຳພັງໃຈ,ຜູ້ລາຍງານພິເສດກ່ຽວກັບບັນຫາລົງໂທດຢ່າງທາລຸນ,ແລະຜູ້ລາຍງານພິເສດກ່ຽວກັບບັນຫາເສລີພາບທາງສາສະໜາຂອງຄະນະມົນຕີສິດທິມະນຸດພ້ອມດ້ວຍຂ້າຫຼວງໃຫຍ່ສິດທິມະນຸດຜູ້ໃໝ່ມາຢ້ຽມຢາມຈີນ.ນອກນີ້,ຈີນຍັງໄດ້ຮັກສາການສົນທະນາແລະການແລກປ່ຽນໃນດ້ານສິດທະມະນຸດກັບ10ກວ່າປະເທດ.ແຕ່ອາເມລິກາພັດໄດ້ປະຕິເສດຫຼາຍເທື່ອບໍ່ໃຫ້ກົນໄກພິເສດຂອງຄະນະມົນຕີສິດທິມະນຸດເຊັ່ນ,ຜູ້ລາຍງານບັນຫາລົງໂທດຢ່າງທາລຸນເປັນຕົ້ນ ໄປຢ້ຽມຢາມອາເມລິກາ.
ປະຈຸບັນ,ຈີນຍັງຢູ່ໃນຖັນແຖວປະເທດພວມພັດທະນາ,ຍັງມີຫຼາຍດ້ານ ຕ້ອງການບູລະນະໃຫ້ສົມບູນຂຶ້ນ,ແຕ່ລັດຖະບານຈີນມີຄວາມສາມາດ,ແຮງມີຄວາມໝັ້ນໃຈແກ້ໄຂບັນຫາທີ່ເກີດຂຶ້ນໃນການພັດທະນາຂອງຕົນເທື່ອລະກ້າວ.ທຸກສິ່ງທຸກຢ່າງທີ່ລັດຖະບານຈີນເຮັດນັ້ນກໍ່ແມ່ນເພື່ອໃຫ້ປະຊາຊົນຈີນພໍໃຈ.ທະແນມແຕ່ປະຊາຊົນພໍໃຈ,ປະຊາຊົນດີໃຈແລ້ວ,ລັດຖະບານຈີນກໍ່ຈະເຮັດຕໍ່ໄປຢ່າງ ໝັ້ນໜຽວບໍ່ປ່ຽນແປງ.ຈີນບໍ່ຫ່ອນຈະຫຼົບຫຼີກການຫາລືສະພາບສິດທິມະນຸດຂອງຈີນຢ່າງເດັດຂາດ.
ທ່ານຜູ້ຟັງທີ່ໂຄລົບ,ການຊຸກຍູ້ແລະປົກປ້ອງສິດທິມະນຸດແມ່ນເປົ້າໝາຍແລະໜ້າທີ່ຮ່ວມຂອງບັນດາປະເທດໃນໂລກ.ໃນໂລກນີ້ບໍ່ມີປະເທດໃດສາມາດເວົ້າໄດ້ວ່າ,ສິດທິມະນຸດຂອງຕົນຈົບງາມຫຼາຍ,ບໍ່ຕ້ອງການປົວແປງໃຫ້ດີຂຶ້ນອີກແລ້ວ,ແລະບໍ່ມີປະເທດໃດສາມາດເອົາຕົວລອດຢູ່ນອກຂະບວນການພັດທະນາສິດທິມະນຸດຂອງໂລກ,ຖືຕົນເອງເປັນຜູ້ແທນຂອງສິດທິມະນຸດ,ຢູ່ເໜືອປະເທດອື່ນໆ,ແລະອອກຄຳສັ່ງໃຫ້ປະເທດອື່ນໆ.ອາເມລິກາເອງກໍ່ບໍ່ຄວນມີການຍົກເວັ້ນ. ລັດຖະບານອາເມລິກາປະຕິບັດສອງມາດຖານໃນບັນຫາສິດທິມະນຸດ,ແລະຖືສິດທິມະນຸດເປັນເຄື່ອງມືເຜີຍແຜ່ລັດທິເຈົ້າອຳນາດແລະການເມືອງມະຫາອຳນາດ,ຍ່ອມຈະຖືກຫາງສຽງທ່ຽງທຳສາກົນຄັດຄ້ານ,ເຮັດໃຫ້ຕົນເອງຕົກໃນສະພາບໂດດດ່ຽວແລະທ່າຮັບ.ກ່ຽວກັບສະພາບສິດທິມະນຸດຂອງຈີນແລະຂອງອາເມລິກາ,ປະເທດໃດດີປະເທດໃດບໍ່ດີ,ເຊື່ອວ່າເພື່ອນມິດຜູ້ຟັງທັງຫຼາຍຕ້ອງມີຄວາມຍຸດຕິທຳຢູ່ໃນໃຈ.
|
