|
ຢູ່ໃນທຸງຊາດຂອງລາຊະອານາຈັກກຳປູເຈຍມີຮູບທາດສັກສິດທ່ີຄື້ງນື້ງຢູ່ສູງສູງ,ນັ້ນກໍຄືພະເຈດີອັງກໍວັດ ເຊ່ິງເປັນເຄຫະສະຖານທ່ີເປັນຕົວແທນອັນໜ້າເອກອ້າງຂອງຊາດຂະແມ.
ທ່ານຈ່າງປີງລິນ ແຫ່ງບໍລິສັດທ່ອງທ່ຽວສາກົນຊີນຮວາປັກກ່ິງ ບອກພວກເຮົາວ່າ:ໃນຕົ້ນປີ2003 ບໍລິສັດທ່ອງທ່ຽວດ່ັງກ່າວໄດ້ຈັດການທ່ອງທ່ຽວໄປກຳປູເຈຍ,ເຮັດໃຫ້ແຂກທ່ອງທ່ຽວຕິດໃຈທ່ີສຸດ.ໃນນັ້ນ ການໄປທ່ຽວອັງກໍວັດແມ່ນເລື້ອງເຮັດໃຫ້ແຂກທ່ອງທ່ຽວດີໃຈທ່ີສຸດ,ແລະເປັນບ່ອນທຽວທ່ີສຳຄັນກວ່າໝູ່.
ໃນພາສາກຳປູເຈຍ,ອັງກໍແປວ່ານະຄອນຫຼວງ. ນະຄອນຫຼວງນີ້ເລ່ິມສ້າງຂື້ນເມ່ືອສັດຕະວັດທີ9ຫາທີ 13,ເປັນນະຄອນຫຼວງຂອງລາຊະອານາຈັກເຈັນລາໃນສະໄໝບູຮານຂອງກຳປູເຈຍເປັນເວລາ 630ປີ.ເຈົ້າຊີວິດ 42 ອົງໃນລາຊະວົງຕ່າງໆລ້ວນແຕ່ໄດ້ສ້າງນະຄອນຫຼວງອັງກໍເພ່ິມຕ່ືມ.ເພາະສະນັ້ນຈ່ິງເຮັດໃຫ້ນະຄອນຫຼວງອັງກໍກາຍເປັນນະຄອນໃຫຍ່ທ່ີສົມຊ່ື.
ເມ່ືອກ່າວເຖິງນະຄອນຫຼວງອັງກໍ,ທ່ານຈ່າງປີງລິນໄດ້ເວົ້າຍ້ອງບ່ໍເຫືອດປາກ.ທ່ານເວົ້າວ່າ:ອັງກໍແມ່ນມໍລະດົກປະຫວັດສາດອັນລ້ຳຄ່າຂອງກຳປູເຈຍແລະກໍແມ່ນຂອງມ່ິງເມືອງອັນສະຫ່ງາລາສີແຫ່ງອາລິຍະທຳບູຮານຂອງມວນມະນຸດ.ປີ1992ອົງການມໍລະດົກໂລກສະຫະປະຊາຊາດໄດ້ຈັດເຂົ້າໄວ້ໃນລາຍຊ່ືມໍລະດົກໂລກ.
ບູຮານນະສະຖານອັງກໍວັດ ໄດ້ໂຮມແຈກຢາຍກັນຢູ່ອ້ອມເມືອງຊຽມລຽບ,ໃນນັ້ນ ລວມມີບູຮານນະສະຖານສຳຄັນຫຼາຍໆແຫ່ງ,ມີເຄຫະສະຖານຕ່າງໆຢ່າງງຫຼວງຫຼາຍ,ວັດຫີນແລະເຈດີຫີນທີ່ລືຊ່ືກ່ວາໝູ່ແມ່ນໂຮມກັນຢູ່ອັງກໍທົມແລະອັງກໍວັດ.ບູຮານນະສະຖານອ່ືນໆທ່ີລືຊ່ືມີຫໍກາງຫາວ,ມີພະລາຊະວັງ,ສະໜາມຫຼວງ,ປະຕູເມືອງແລະບ່ອນຫົດສົງພະວໍລະກາຍຂອງເຈົ້າຊີວິດເປັນຕົ້ນ.
ບູຮານນະສະຖານອັງກໍວັດ ຕົ້ນຕໍປະກອບດ້ວຍເຄຫະກ່ໍດ້ວຍຫີນທ່ີງາມສະຫ່ງາແລະຮູບຄວັດຫີນຊາຍທ່ີຍອດຢ້ຽມ.ເຄຫະກ່ໍດ້ວຍຫີນລ້ວນແ່ຕແມ່ນໂງ່ນຫີນກ້ອນບັກໃຫ່ຍ. ບາງໂງ່ນມີນ້ຳໜັກ 8 ໂຕນ.ເຈດີຫີນກໍແມ່ນກ່ໍດ້ວຍຫີນ. ຢູ່ທາງນອກຄວັດເປັນພະພຸດທະຮູບຫຼາຍອົງທ່ີມີວາດຊົງຕ່າງກັນ. ຮູບຄວັດພະເກດເກສາບາງອົງສູງ 6 ແມັດປາຍ, ເປັນຮູບທ່ີມີຊີວິດຊີວາ. ແລະມີຊ່ືລືນາມໃນໂລກຍ້ອນເປັນຮອຍຍິ້ມຂອງຂະແມ. ລະບຽບຮູບຄວັດຂອງອັງກໍວັດທ່ີມີຊ່ືສຽງດົ່ງດັງກ່ວາໝູ່ແມ່ນຍາວຕັ້ງ 800ກວ່າແມັດ, ແມ່ນຮູບຄວັດທ່ີດີເລີດກວ່າໝູ່ຂອງຂະແມ.
ອັງກໍທົມແບ່ງເປັນອັງກໍໃຫ່ຍ ອັງກໍນ້ອຍ. ອັງກໍນ້ອຍແມ່ນນ່ືງໃນເຄຫະສະຖານອັນສະຫງ່າລາສີກວ່າໝູ່,ແມ່ນຄົນຂົນກ້ອນຫີນໄປກອງຂຶ້ນແລ້ວກໍເປັນຮູບຢູ່ເທິງພູຍາວ 1025 ແມັດ,ກວ້າງ 800 ແມັດ. ຢູ່ທາງນອກມີຄອງນ້ຳອ້ອມເມືອງທີ່ກ້ວາງ 190 ແມັດ,ຕາມເວົ້າກັນວ່າ, ແຫ່ງນີ້ແມ່ນສຸສານຂອງະເຈົ້າຊີວິດສຸລິຍະວາຣະມັນລັດຊະການທີສອງ.
ອັງກໍໃຫຍ່ປະກອບດ້ວຍເຄຫະສະຖານ 10 ກວ່າຫັຼງ,ສ່ິງກ່ໍສ້າງທ່ີລືຊ່ືກວ່າໝູ່ມີກຳແພງເມືອງ ,ປະຕູເມືອງ 5 ແຫ່ງ,ພ້ອມດ້ວຍວັດພະພູນ,ວັດປີເມອະນາກັດ, ແລະສະໜາມຫຼວງພະລາຊະວັງເປັນຕົ້ນ.ການສ້າງສາມາເປັນເວລາປະມານ200ປີຈ່ິງສ້າງສຳເລັດ.ມັນແມ່ນກາງນະຄອນອັງກໍວັດ,ແລະກໍເປັນເລື້ອງອັດສະຈັນໃນປະຫວັດການກ່ໍສ້າງອີກດ້ວຍ.
ຈຸ້ມເຄຫະພາກຕາເວັນອອກແມ່ນໄດ້ກ່ໍສ້າງມາ300ກວ່າປີຈ່ິງສຳເລັດ.ຈຸ້ມເຄຫະພາກເໜືອຕົ້ນຕໍແມ່ນປະກອບດວຍວັດພະຄານ ,ວັດນາກປ່ຽນ,ວັດວັນຕະໄລເປຼແລະວັດອ່ືນໆ.ຂະໜາດຂອງມັນໃຫຍ່ພິລຶກ:ທັງມີເນື້ອທ່ີກ້ວາງຂວາງເປັນເຄຫະສະຖານອັນເຮືອງຮຸ່ງແລະມີການຈັດວາງຢ່າງສະຫຼາດສອດສ່ອງ,ແມ່ນມີໜ້ອຍທ່ີສຸດໃນໂລກ.
ໝົດນະຄອນອັງກໍແມ່ນເຕັມໄປດ້ວຍສີສັນເທບນິຍາຍທາງສາສະໜາ,ຢ່າງວ່າ ຢູ່ສອງຂ້າງຂົວຂ້າມຄອງນ້ຳປ້ອງກັນເມືອງ ຕ່າງມີຣູບຄວັດຫນ 27ອົງ,ເບື້ອງຊ້າຍແມ່ນຮູບຄວັດເທວະດາ, ເບື້ອງຂວາແມ່ນຮູບຄວັດຜີມານ,ໃນມືຜີມານຈັບນາກ 7 ຫົວ,ຕາມຄຳເວົ້າທ່ີເລ່ົາລືກັນຂອງສາສະໜາພາມ, ນາກແມ່ນພະທ່ີນ່ັງຂອງພະເຈົ້າພິສະໜູ.
|
