ຜູ້ປະກອບອາວຸດຂອງອົງການຮາມັດສ໌ບໍ່ເຂົ້າຮ່ວມອົງການຄວາມປອດໄພ
cri
Author: cai
ຕາມຂ່າວສານຊີນຮວາ:ວັນທີ 2 ເມສາ,ຢູ່ກາຊາ,ທ່ານຊາອິດ ຊິອາມ ລັດຖະມົນຕີກະຊວງພາຍໃນຂອງປາເລັສຕີນໄດ້ໃຫ້ສຳພາດຕໍ່ສື່ມວນຊົນວ່າ,ຜູ້ປະກອບອາວຸດຂອງອົງການຮາມັດສ໌ບໍ່ຫ່ອນຊິເຂົ້າຮ່ວມອົງການຄວາມປອດໄພ.
ທ່ານຊິອາມເວົ້າວ່າ,ເມື່ອພິຈາລະນາເຖິງການຫາບແບກທາງການເງິນ,ອົງການຄວາມປອດໄພຈະບໍ່ເປີດກວ້າງອີກ.ປະຈຸບັນ,ທ່ານອັບບາສ ປະທານອົງການອຳນາດແຫ່ງຊາດປາເລັສຕີນບໍ່ໄດ້ເຊັນລັດຖະດຳລັດໃດໆເພື່ອປ່ຽນສິດອຳນາດຂອງກະຊວງພາຍໃນ,ສະນັ້ນ,ວຽກງານຄວາມປອດໄພຍັງຄຸ້ມຄອງໂດຍກະຊວງພາຍໃນ.
ທ່ານຊິອາມຍັງໄດ້ປະຕິເສດຂ່າວທີ່ວ່າກອງພົນນ້ອຍຄັສຊາມ ຝ່າຍປະກອບອາວຸດທີ່ຂຶ້ນກັບອົງການຮາມັດສ໌ຈະເຂົ້າຮ່ວມອົງການຄວາມປອດໄພ,ແລະກ່າວວ່າ,ກະຊວງພາຍໃນບໍ່ມີແຜນການແນວນີ້,ບັນຫານີ້ຫາລືກັນບໍ່ໄດ້.
|
|