|
|
(GMT+08:00)
2006-04-04 18:00:50
|
|
ແນະນຳCDແຜ່ນໃໝ່ຂອງທ່ານລິວເຕີຮວາ
cri
Author: MO
ໃນລາຍການມື້ນີ້, ຂ້າພະເຈົ້າຂໍແນະນຳເພງໃນCDແຜ່ນໃໝ່ສຸດທີ່ຊື່ວ່າ"Ji xu tan qing" ລົມເລື່ອງຄວາມຮັກຕໍ່ ຂອງທ່ານລິວເຕີຮວາ ນັກຮ້ອງທີ່ມີຊື່ສຽງຂອງຮົງກົງຈີນສູ່ຟັງ. ເພງທີ່ທ່ານພວມຟັງຢູ່ນີ້ແມ່ນເພງ"gong xi fa cai" ຂໍໃຫ້ລ້ຳລວຍ ຂັບຮ້ອງໂດຍທ່ານລິວເຕີຮວາ. ເນື້ອເພງມີຢູ່ວ່າ: ຂ້ອຍຂໍໃຫ້ເຈົ້າຈົ່ງລ້ຳລວຍ, ຂໍໃຫ້ເດັກນ້ອຍໝົດທຸກຄົນສະຫຼາດ, ມີປັນຍາ, ຂ້ອຍຂໍໃຫ້ທ່ານທັງຫຼາຍຈົ່ງຍິ້ມແຍ້ມຕະຫຼອດ, ຮັກແພງສາມັກຄີກັນ, ມື້ໜ້າພວກເຮົາຍິ່ງເກັ່ງກວ່າເກົ່າ.
ທີ່ຟັງມານັ້ນແມ່ນເພງ"gong xi fa cai" ຂໍໃຫ້ລ້ຳລວຍ ໃນCDແຜ່ນໃໝ່ຂອງທ່ານລິວເຕີຮວາທີ່ຊື່ວ່າ"Ji xu tan qing". ລົມເລື່ອງຄວາມຮັກຕໍ່.
ຕໍ່ໄປເຊີນຟັງເພງຊື່ດຽວກັນກັບCDແຜ່ນໃໝ່ຂອງທ່ານລິວເຕີຮວາຄືເພງ"Ji xu tan qing". ລົມເລື່ອງຄວາມຮັກຕໍ່. ນີ້ແມ່ນເພງຮັກໂລມັງຕິກ, ແຕ່ງຈາກເລື່ອງ"ທ້າວລຽງຊານໂປກັບນາງຈູ້ອິງຖາຍ" ນິທານຄວາມຮັກບູຮານທີ່ອັດສະຈັນຂອງຈີນ. ທ່ານລິວເຕີຮວາໄດ້ໃຊ້ສຽງເພງສີເສົ້າໆ, ວາດພາບຄວາມສຸດວິໄສໃນໃຈຜູ້ຊາຍຂອງສັງຄົມຍຸກປະຈຸບັນທີ່ປະສົບຄວາມຮັກທີ່ໜ້າສັງເວດແບບ"ທ້າວລຽງຊານໂປກັບນາງຈູ້ອິງຖາຍ". ເນື້ອເພງມີຢູ່ວ່າ: ຂ້ອຍບໍ່ມີໂຊກມາແຕ່ເກີດບໍ່? ຂ້ອຍມັກພັດພາກຈາກກັນແທ້ບໍ່? ຂ້ອຍຈະຕ້ອງຊິງຄວາມເປັນຄວາມຕາຍແທ້ບໍ່? ທ້ອງຟ້າໃຫຍ່ປານນີ້, ແຕ່ໃຈຂ້ອຍໃຫຍ່ບໍ່ທໍ່ມັນ, ນ້ຳຕາໄຫຼປານຝົນຢູ່ນອກປະຕູໄຫຼຈົນຊອດແຈ້ງ. ໃນເຮືອນ ມີແຕ່ຂ້ອຍຜູ້ດຽວ, ໃຈປ່ຽວພອຍ, ມີແຕ່ລືມເວລານີ້, ຢາກປ່ຽນເປັນແມງກະເບື້ອ, ສືບຕໍ່ລົມຄວາມຮັກໃນດອກໄມ້.
ທີ່ຟັງມານັ້ນແມ່ນເພງ"Ji xu tan qing". ລົມເລື່ອງຄວາມຮັກຕໍ່. 1 2
|
|
|