|
|
(GMT+08:00)
2006-04-04 21:36:44
|
|
ສະພາປະຊາຊົນແຫ່ງຊາດຈີນຈະເພີ່ມທະວີການແລກປ່ຽນແລະຮ່ວມມືກັນກັບສະພາແຫ່ງຊາດຫວຽດນາມ
cri
Author: shuo
ຕາມຂ່າວCRI:ວັນທີ4ເມສາ,ຢູ່ທີ່ປັກກິ່ງ,ທ່ານອູປ່າງກົວະ ປະທານຄະນະປະຈຳສະພາປະຊາຊົນແຫ່ງຊາດຈີນໄດ້ພົບປະຄະນະຜູ້ແທນສະພາແຫ່ງຊາດຫວຽດນາມທີ່ນຳໂດຍທ່ານຈວງກວງດັກ ຮອງປະທານສະພາແຫ່ງຊາດຫວຽດນາມພ້ອມດ້ວຍຄະນະ.ສອງຝ່າຍເປັນເອກະສັນກັນເຫັນວ່າ,ຍິນດີເພີ່ມທະວີການແລກປ່ຽນແລະຮ່ວມມືກັນລະຫວ່າງສະພາປະຊາຊົນແຫ່ງຊາດຈີນກັບສະພາແຫ່ງຊາດຫວຽດນາມ.
ທ່ານອູປ່າງກົວະໄດ້ຕີລາຄາການພົວພັນຈີນຫວຽດນາມຢ່າງຕັ້ງໜ້າ.ທ່ານກ່າວວ່າ,ໃຕ້ສະພາບແວດລ້ອມສາກົນແລະພາກພື້ນອັນໃໝ່,ການຂະຫຍາຍການພົວພັນມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນແລະການຮ່ວມມືຢ່າງຮອບດ້ານລະຫວ່າງຈີນຫວຽດນາມສອດຄ່ອງກັບຜົນປະໂຫຍດຮ່ວມຂອງສອງລັດແລະປະຊາຊົນສອງປະເທດ,ມີຜົນດີຕໍ່ສັນຕິພາບແລະການພັດທະນາຂອງພາກພື້ນແລະຂອງໂລກ.ສະພາປະຊາຊົນແຫ່ງຊາດຈີນຍິນດີພ້ອມກັນກັບສະພາແຫ່ງຊາດຫວຽດນາມ,ປະກອບສ່ວນໃໝ່ເຂົ້າໃນການຂະຫຍາຍການພົວພັນຈີນຫວຽດນາມ.
ທ່ານຈວງກວງດັກເວົ້າວ່າ,ຝ່າຍຫວຽດນາມຫວັງເພີ່ມທະວີການແລກປ່ຽນແລະຮ່ວມມືກັນໃນທຸກຂົງເຂດລະຫວ່າງສອງຝ່າຍ,ຊຸກຍູ້ໃຫ້ເສດຖະກິດ ສັງຄົມຂອງສອງປະເທດພັດທະນາຢ່າງຮອບດ້ານ.
|
|
|