|
|
(GMT+08:00)
2006-04-04 22:43:57
|
|
ຈີນຍິນດີສືບຕໍ່ລົງເລິກແລະເປີດກວ້າງການຮ່ວມມືໃນທຸກຂົງເຂດກັບອາຊຽນ
cri
Author: shuo
ຕາມຂ່າວCRI:ວັນທີ4ເມສາ,ຢູ່ທີ່ປັກກິ່ງ,ໃນເວລາພົບປະເຈົ້າຍິງຮາຈາ ມາຊາ ເອກອັກຄະລັດຖະທູດທີ່ບໍ່ມີບ່ອນປະຈຳຂອງກະຊວງການຕ່າງປະເທດແລະການຄ້າບຼູໄນທີ່ມາຢ້ຽມຢາມ,ທ່ານທາງເຈຍຊວນ ທີ່ປຶກສາແຫ່ງລັດຈີນກ່າວວ່າ,ຈີນຍິນດີສືບຕໍ່ລົງເລິກແລະເປີດກວ້າງການຮ່ວມມືໃນທຸກຂົງເຂດກັບອາຊຽນ,ເພີ່ມທະວີການປະສານສົມທົບກັນໃນບັນຫາພາກພື້ນແລະສາກົນ,ປະກອບສ່ວນຫຼາຍກວ່າເກົ່າເຂົ້າໃນສັນຕິພາບ ສະຖຽນລະພາບແລະຄວາມຈະເລີນຮຸ່ງເຮືອງຂອງເຂດອາຊີປາຊິຟິກ.
ທ່ານເວົ້າວ່າ,ປີນີ້ແມ່ນຈີນກັບບຼູໄນສ້າງສາຍສຳພັນທາງການທູດຄົບຮອບ15ປີ,ລັດຖະ ບານຈີນຈະສືບຕໍ່ສຸມກຳລັງເຂົ້າໃນການສ້າງການພົວພັນຈີນບຼູໄນເປັນແບບຢ່າງທີ່ປະເທດນ້ອຍໃຫຍ່ປະຕິບັດຕໍ່ກັນຢ່າງສະເໝີພາບແລະຮ່ວມມືກັນທີ່ຕ່າງຝ່າຍຕ່າງມີຜົນປະໂຫຍດ.ທ່ານຂອບອົກຂອບໃຈນຳຝ່າຍບຼູໄນທີ່ໄດ້ໃຫ້ການສະໜັບສະໜູນອັນລ້ຳຄ່າແກ່ຈີນໃນບັນຫາໄຕ້ຫວັນ,ແລະຕັ້ງໜ້າຕີລາຄາບົດບາດອັນສຳຄັນຂອງບຼູໄນໃນດ້ານຊຸກຍູ້ການພົວພັນຈີນກັບອາຊຽນ.
ເຈົ້າຍິງຮາຈາ ມາຊາຊົງກ່າວວ່າ,ຝ່າຍບຼູໄນຕັດສິນໃຈພ້ອມກັບຝ່າຍຈີນ,ສືບຕໍ່ຊຸກຍູ້ການຮ່ວມມືໃນທຸກຂົງເຂດ,ເຮັດໃຫ້ປະຊາຊົນສອງປະເທດມີໄມຕີຈິດຕໍ່ກັນທຸກເຊັ່ນຄົນ.
|
|
|