|
ຕາມຂ່າວສານຈີນ: ວັນທີ 5 ເມສາ, ກະຊວງການຕ່າງປະເທດຈີນໄດ້ຜ່ານຈາກເວັບໄຊກະຊວງອອກຄຳເຕືອນຕໍ່ວິສາຫະກິດແລະພົນລະເມືອງຈີນວ່າ, ໄປເຮັດທຸລະກິດແລະສົ່ງແຮງງານໄປຂ້ອງຢູ່ມຽນມານັ້ນ, ຕ້ອງໂຄລົບກົດໝາຍຂອງມຽນມາ, ເພື່ອຫຼີກເວັ້ນບໍ່ໃຫ້ວິສາຫະກິດແລະສ່ວນຕົວປະສົບຄວາມເສຍຫາຍ.
ກົມກົງສຸນກະຊວງການຕ່າງປະເທດຈີນອອກຄຳເຕືອນຕໍ່ວິສາຫະກິດແລະເອກກະຊົນທີ່ກ່ຽວຂ້ອງວ່າ, ມຽນມາຖືປ່າໄມ້ແລະບໍ່ແຮ່ເປັນຊັບພະຍາກອນສຳຄັນແຫ່ງລັດ, ຂໍ້ຜູກພັນພັດທະນາຊັບພະຍາກອນໃດໆຈະຖືກຖຶເປັນຂໍ້ຜູກພັນໂມຄະກ່ອນໄດ້ຮັບການອະນຸຍາດຈາກລັດຖະບານກາງມຽນມາ, ບໍ່ຖືກປົກປ້ອງຈາກກົດໝາຍ; ການເຄື່ອນໄຫວຕັດໄມ້ແລະຂຸດຄົ້ນບໍ່ແຮ່ໃດໆ ຈະຖືກຖືເປັນການກະທຳຜິດກົດໝາຍກ່ອນໄດ້ຮັບການອະນຸຍາດຈາກລັດຖະບານກາງມຽນມາ, ຜູ່ທີ່ມີການກະທຳຜິດກົດໝາຍກໍລະນີດັ່ງກ່າວຈະຖືກຈັບ, ແລະອາດຈະຖືກລົງໂທດຈຳຄຸກເປັນເວລາຍາວນານ.
ຕາມໄດ້ຊາບ, ເພື່ອສະກັດກັ້ນຄົນຈີນລັກລອບເຂົ້າມຽນມາຕັດໄມ້ແລະຂຸດຄົ້ນບໍ່ແຮ່ຢ່າງຜິດກົດໝາຍ, ຫວ່າງມໍ່ໆນີ້ ແຂວງຢຸນນານຈີນທີ່ມີຊາຍແດນຕິດກັບມຽນມາໄດ້ຢຸດຕິການຄ້າໄມ້ ແລະຫີນແຮ່ຊະນິດຕ່າງໆກັບມຽນມາຊົ່ວຄາວ. ກະຊວງການຄ້າຈີນກໍ່ຈະເຈລະຈາກັບລັດຖະບານມຽນມາກ່ຽວກັບການຮ່ວມມືດ້ານການຄ້າໄມ້ແລະຫີນແຮ່ໃນໄວໆນີ້.
|
