|
ປີນີ້ເສດຖະກິດຈີນມີຫວັງຈະເຕີບໂຕ9,5%
cri
ຕາມຂ່າວສານຊີນຮວາ,ວັນທີ6ເມສາ,ທະນາຄານພັດທະນາອາຊີໄດ້ປະກາດ ປຶ້ມພິມຈຳໜ່າຍດ້ານເສດຖະກິດປະຈຳປີ ຄື "ຈ້ອງມອງການພັດທະນາຂອງອາຊີປີ2006" ໂດຍຄາດວ່າປີ2006ເສດຖະກິດຈີນຈະເຕີບໂຕ9,5%.
ກ່ອນໜ້ານີ້,ລັດຖະບານຈີນໄດ້ວາງເປົ້າໝາຍເຕີບໂຕທາງເສດຖະກິດໃນປີນີ້ ແມ່ນ8%.ສຳນັກງານຕົວແທນທະນາຄານພັດທະນາອາຊີປະຈຳຈີນໄດ້ສະໜອງບົດລາຍງານໂດຍຊີ້ອອກວ່າ,ລັດຖະບານຈີນໄດ້ເປັນເຈົ້າການຫຼຸດເປົ້າໝາຍເຕີບໂຕທາງເສດຖະກິດໃຫ້ຕ່ຳລົງ,ວາງຈຸດໜັກວຽກງານໄວ້ຢູ່ໃນດ້ານຫຼຸດກຳລັງໜີບຕໍ່ສັງຄົມແລະສິ່ງແວດລ້ອມ.ບົດລາຍງານຊີ້ອອກວ່າ,ຫຼັງຈາກໄດ້ຮັກສາຈັງຫວະ ເຕີບໂຕ10%ຂຶ້ນໄປຫຼາຍປີລຽນຕິດແລ້ວ,ປີກາຍນີ້ເສດຖະກິດຈີນກໍໄດ້ເຕີບໂຕ 9,9%.ການຄ້າຂາອອກແລະຄວາມຕ້ອງການລົງທຶນທີ່ແຂງແຮງໄດ້ຊຸກຍູ້ໃຫ້ເສດຖະກິດເຕີບໂຕຢ່າງວ່ອງໄວ.
ບົດລາຍງານຍັງຊີ້ອອກວ່າ,ໃຕ້ເບື້ອງຫຼັງທີ່ການເຕີບໂຕຂອງເສດຖະກິດທົ່ວໂລກມີທ່ວງທ່າເປັນຢ່າງດີ,ລະດັບຄຸ້ມຄອງເສດຖະກິດຂອງບັນດາປະເທດອາຊີຍົກສູງຂຶ້ນຢ່າງບໍ່ຢຸດຢັ້ງແລະຄວາມສາມາດຮັບມືກັບລາຄານ້ຳມັນເຊື້ອໄຟສູງ,ປີນີ້ເສດຖະກິດຂອງປະເທດພວມພັດທະນາໃນອາຊີຍັງຈະຮັກສາການເຕີບໂຕຢ່າງແຂງແຮງ.
|
|
