|
ຜູ້ວ່າການທະນາຄານພັດທະນາທະວີບອາເມລິກາສະໜັບສະໜູນຈີນແລະອິນເດຍກາຍເປັນສະມາຊິກຂອງທະນາຄານດັ່ງກ່າວ
cri
ຕາມຂ່າວສານຊີນຮວາ,ວັນທີ5ເມສາ,ໃນງານຊຸມນຸມນັກຂ່າວທີ່ຈັດຂຶ້ນຫຼັງກອງປະຊຸມປະຈຳປີຄັ້ງທີ47ຂອງທະນາຄານພັດທະນາທະວີບອາເມລິກາ,ທ່ານໂມເຣໂນ ຜູ່ວ່າການທະນາຄານພັດທະນາທະວີບອາເມລິກາກ່າວວ່າ,ທ່ານເອງຫວັງໃຫ້ຈີນແລະອິນເດຍເຂົ້າຮ່ວມທະນາຄານພັດທະນາທະວີບອາເມລິກາ.ທ່ານເຊື່ອໝັ້ນວ່າສອງປະເທດດັ່ງກ່າວສາມາດປະກອບສ່ວນຢ່າງຫຼວງຫຼາຍເພື່ອທະ ນາຄານດັ່ງກ່າວ.ທ່ານໂມເຣໂນກ່າວວ່າ,ທ່ານຈະສືບຕໍ່ພະຍາຍາມແລກປ່ຽນກັບຂາຫຸ້ນທັງຫຼາຍຂອງທະນາຄານ,ເພື່ອຊອກຫາຮູບການທີ່ດີກວ່າໝູ່ທີ່ໃຫ້ຈີນແລະອິນເດຍເຂົ້າຮ່ວມທະນາຄານດັ່ງກ່າວ,ເຮັດໃຫ້ສອງປະເທດກາຍເປັນສະມາຊິກຂອງທະນາຄານ ພັດທະນາທະວີບອາເມລິກາໂດຍໄວ.
ໃນຫຼາຍປີມານີ້,ການພົວພັນເສດຖະກິດການຄ້າລະຫວ່າງຈີນກັບອາເມລິກາລາຕິນໄດ້ຂະຫຍາຍຕົວຢ່າງວ່ອງໄວ,ຫຼາຍປະເທດອາເມລິກາລາຕິນກໍຫວັງໃຫ້ຈີນເຂົ້າຮ່ວມທະນາຄານພັດທະນາທະວີບອາເມລິກາໂດຍໄວ.ແຕ່ຍ້ອນອາເມລິກາແລະຍີ່ປຸ່ນຂັດຂວາງ,ຈົນຮອດປັດຈຸບັນຄຳຮ້ອງຂໍຂອງຈີນຍັງບໍ່ທັນໄດ້ຮັບການອະນຸມັດເທື່ອ.
|
|
