|
|
 |
| (GMT+08:00)
2006-04-06 20:38:44
|
 |
|
ຈີນຍິນດີສືບຕໍ່ທຳຄວາມພະຍາຍາມເພື່ອສັນຕິພາບແລະການພັດທະນາຂອງເຂດອ່າວເປີເຊຍຕາເວັນອອກກາງ
cri
Author: shuo
ຕາມຂ່າວCRI:ວັນທີ6ເມສາ,ຢູ່ທີ່ປັກກິ່ງ,ໃນເວລາເຈລະຈາກັບທ່ານອາລີ ອາບດູນລາ ຊາເລຣ໌ ປະທານາທິບໍດີອີເອເມນທີ່ມາຢ້ຽມຢາມ,ທ່ານຫູຈິນທ່າວ ປະທານປະເທດຈີນກ່າວວ່າ,ຈີນຍິນດີພ້ອມກັນກັບປະເທດອາລາບແລະສະມາຊິກອື່ນໆຂອງປະຊາຄົມໂລກ,ສືບຕໍ່ປະກອບສ່ວນເພື່ອສັນຕິພາບແລະການພັດທະນາຂອງເຂດອ່າວເປີເຊຍຕາເວັນອອກກາງ.
ກ່ຽວກັບສະຖານະການເຂດອ່າວເປີເຊຍຕາເວັນອອກກາງ,ທ່ານຫູຈິນທ່າວເວົ້າວ່າ,ຈີນໄດ້ ຊຸກຍູ້ໂດຍຕະຫຼອດໃຫ້ສະຖານະການເຂດດັ່ງກ່າວຂະຫຍາຍໄປສູ່ທິດຜ່ອນຄາຍແລະມີສະຖຽນລະພາບ;ມີເຈດຈຳນົງໃຫ້ບັນດາຝ່າຍທີ່ກ່ຽວຂ້ອງອີງຕາມມະຕິທີ່ກ່ຽວຂ້ອງຂອງສະຫະປະຊາຊາດ,ແກ້ໄຂການວິວາດກັນຢ່າງທ່ຽງທຳແລະສົມເຫດສົມຜົນດ້ວຍການເຈລະຈາໂດຍສັນຕິ;ລິເລີ່ມໃຫ້ອາລະຍະທຳທີ່ຕ່າງກັນໂຄລົບເຊິ່ງກັນແລະກັນແລະພ້ອມກັນກ້າວໄປໜ້າ.ທ່ານຊາເລຣກ່າວວ່າ,ອິເອເມນແລະປະເທດອາລາບຍ້ອງຍໍຈີນທີ່ຖືຫຼັກໝັ້ນອັນທ່ຽງທຳໃນບັນຫາຕາເວັນອອກກາງແລະເສີມຂະຫຍາຍບົດບາດອັນສຳຄັນເພື່ອຊຸກຍູ້ສັນຕິພາບຂອງຕາເວັນອອກກາງ.
ກ່ຽວກັບການພົວພັນຈີນກັບອີເອເມນ,ຜູ້ນຳສອງປະເທດກ່າວວ່າ,ຈະຊຸກຍູ້ການສົນທະນາແລະແລກປ່ຽນໃນທຸກລະດັບລະຫວ່າງສອງປະເທດ,ເພີ່ມທະວີການຮ່ວມມືທີ່ຕ່າງຝ່າຍຕ່າງມີຜົນປະໂຫຍດໃນຂົງເຂດຕ່າງໆ ເຊັ່ນເສດຖະກິດການຄ້າແລະພະລັງງານເປັນຕົ້ນ.
|
|
|
