|
|
 |
| (GMT+08:00)
2006-04-06 21:13:38
|
 |
|
ໃຫ້ເດັກນ້ອຍຊົນນະບົດເຂົ້າຮຽນຢ່າງເບົາຈິດເບົາໃຈ(ສຽງ)
cri
Author: shuo
|
ນັບມາຮອດທ້າຍປີ2005,ຢູ່ເຂດ95%ຂອງຈີນ ເຊິ່ງເປັນປະເທດທີ່ມີປະຊາກອນຫຼາຍກວ່າໝູ່ໃນໂລກໄດ້ເຜີຍແຜ່ການສຶກສາພາກບັງຄັບ9ປີຄືແຕ່ໂຮງຮຽນປະຖົມຮອດໂຮງຮຽນມັດ ທະຍົມຕົ້ນໃຫ້ທົ່ວເຖິງກັນ,ແຕ່ວ່າອີກ5%ທີ່ຍັງບໍ່ທັນໄດ້ປະຕິບັດການສຶກສາພາກບັງຄັບນັ້ນລ້ວນແຕ່ໂຮມສູນຢູ່ຊົນນະບົດທີ່ເສດຖະກິດດ້ອຍພັດທະນາ.ໂດຍປະເຊີນກັບບັນຫາດັ່ງກ່າວ,ລັດຖະບານຈີນໄດ້ພິຈາລະນາເປັນແນວໃດ?ເຮັດແນວໃດຈຶ່ງສາມາດເຮັດໃຫ້ເດັກນ້ອຍໃນຊົນນະບົດເຫຼົ່ານີ້ກໍເຂົ້າຮຽນໄດ້,ແລະສຳເລັດການສຶກສາພາກບັງຄັບຢ່າງສະດວກໄດ້?
ພໍເຂົ້າສູ່ລະດູໃບໄມ້ປົ່ງ,ໂຮງຮຽນປະຖົມແລະໂຮງຮຽນມັດທະຍົມຕ່າງຂອງເມືອງຈ້າວເຈ່ຍແຂວງເຊສວນ ທາງພາກຕາເວັນຕົກຂອງຈີນໄດ້ທະຍອຍກັນເປີດຮຽນແລ້ວ.ພໍ່ແມ່ກໍໄດ້ຂຸ້ນຂ້ຽວກຽມຄ່າໃຊ້ຈ່າຍຊະນິດຕ່າງໆໃຫ້ລູກ,ແຕ່ສິ່ງທີ່ພວກເຂົາເຈົ້າບໍ່ໄດ້ຄິດຮອດນັ້ນແມ່ນ,ແຕ່ພາກຮຽນນີ້ເປັນຕົ້ນໄປບໍ່ຕ້ອງເສຍຄ່າຮຽນແລະຄ່າສາລະພັດອີກແລ້ວ.ທັງນີ້ໄດ້ເຮັດໃຫ້ພໍ່ແມ່ຫຼາຍຄົນດີໃຈທີ່ສຸດ.
"ເສຍເງິນໜ້ອຍແລ້ວແນ່ນອນຈະດີໃຈຫຼາຍ,ເພາະວ່າທັງນີ້ໄດ້ຫຼຸດການຫາບແບກຂອງພວກເຮົາໃຫ້ໜ້ອຍລົງ.ເວົ້າສຳລັບຂ້າພະເຈົ້າແລ້ວ,ມີລູກ3ຄົນ,ຜູ້ໜຶ່ງຮຽນຢູ່ໂຮງຮຽນມັດຖະຍົມປາຍ,ຜູ້ໜຶ່ງຮຽນຢູ່ໂຮງຮຽນປະຖົມ,ແລະອີກຜູ້ໜຶ່ງຮຽນຢູ່ໂຮງຮຽນມັດທະຍົມຕົ້ນ, ຖ້າຄ່າຮຽນຫຼາຍ,ຂ້າພະເຈົ້າກໍຫາບແບກບໍ່ໄດ້."
ລັດຖະບານຈີນໄດ້ປະກາດໃຊ້ນະໂຍບາຍໃໝ່ດັ່ງກ່າວທີ່ເຮັດໃຫ້ພໍ່ແມ່ທັງຫຼາຍຮູ້ສຶກດີໃຈຫຼາຍໃນທ້າຍປີ2005,ເຊິ່ງມີເນື້ອໃນຄື ແຕ່ພາກຮຽນໃໝ່ຫຼັງຈາກພັກຮຽນລະດູໜາວປີນີ້ເປັນຕົ້ນໄປ,ຍົກເລີກຄ່າຮຽນແລະຄ່າສາລະພັດທັງໝົດຂອງນັກຮຽນໃນໄລຍະການສຶກສາພາກບັງຄັບຂອງເຂດຊົນນະບົດພາກຕາເວັນຕົກ;ໃນປີໜ້າ,ຍັງຈະປະຕິບັດນະໂຍບາຍດັ່ງ ກ່າວໃຫ້ຂະຫຍາຍໄປຮອດເຂດຊົນນະບົດພາກກາງແລະພາກຕາເວັນອອກຂອງຈີນ,ແລ້ວບັນລຸການຍົກເລີກຄ່າຮຽນແລະຄ່າສາລະພັດທັງໝົດຂອງເດັກນ້ອຍທີ່ເຖິງໄວຮຽນຢູ່ຊົນນະບົດທົ່ວປະເທດ100ກວ່າລ້ານຄົນ.
ທີ່ຈິງແລ້ວ,ແຕ່ໃດມາ,ຈີນກໍໄດ້ປະຕິບັດລະບອບຟິຕໍ່ການສຶກສາແຕ່ໄລຍະປະຖົມຮອດມັດ ທະຍົມ.ແຕ່ນັກຮຽນຍັງຕ້ອງເສຍຄ່າຮຽນຄ່າສາລະພັດພ້ອມດ້ວຍຄ່າປື້ມແບບຮຽນແລະປື້ມ ຂຽນເປັນຕົ້ນ.ນັບລວມແລ້ວ,ຄ່າເຫຼົ່ານີ້ມີແຕ່ໜຶ່ງສອງຮ້ອຍຢວນເທົ່ານັ້ນ,ເວົ້າສຳລັບໄທເມືອງແລະຊາວກະສິກອນຂອງເຂດເສດຖະກິດພັດທະນາທີ່ມີເງື່ອນໄຂເສດຖະກິດອ່າວດີແລ້ວ,ບໍ່ແພງປານໃດ.ແຕ່ວ່າ,ເວົ້າສຳລັບຄອບຄົວຊາວກະສິກອນຈຳນວນໜຶ່ງທີ່ມີລາຍໄດ້ໜ້ອຍທີ່ສຸດ,ຄ່າເຫຼົ່ານີ້ກໍແມ່ນການຫາບແບກບໍ່ໜ້ອຍ,ສະນັ້ນຈຶ່ງໄດ້ເກີດມີບັນຫາທີ່ຈຳເປັນຕ້ອງໃຫ້ເດັກນ້ອຍຕົກຮຽນແລະເຊົາຮຽນຍ້ອນບໍ່ມີເງິນ.
ໃນຫຼາຍປີມານີ້,ລັດຖະບານຈີນໄດ້ຮັບຮູ້ຢ່າງເຕັມທີ່ເຖິງຄວາມສຳຄັນຂອງການເຜີຍແຜ່ການສຶກສາໃຫ້ທົ່ວເຖິງກັນທີ່ມີຕໍ່ການຍົກຄຸນທາດຂອງປະຊາກອນໃຫ້ສູງຂຶ້ນແລະການຫັນກຳລັງໜີບດ້ານປະຊາກອນມະນຸດ,ໄດ້ເພີ່ມການລົງທຶນເຂົ້າໃນການສຶກສາພາກບັງ ຄັບເທື່ອລະກ້າວ,ແລະໃຊ້ມາດຕະການຕ່າງໆພັດທະນາການສຶກສາພາກບັງຄັບຂອງຊົນນະບົດຢ່າງແຂງແຮງ.
ທ່ານໂຈ່ວຈີ້ ລັດຖະມົນຕີກະຊວງສຶກສາທິການຈີນເວົ້າວ່າ:"ໃນໄລຍະປະຕິບັດແຜນການ5ປີຄັ້ງທີ10,ລັດໄດ້ຈັດເອົາການສຶກສາຊົນນະບົດໄວ້ຢູ່ຖານະຍຸດທະສາດທີ່ສຳຄັນກວ່າໝູ່,ໄດ້ປະກາດໃຊ້ນະໂຍບາຍອັນໃຫຍ່ຫຼວງຄືຄ່າໃຊ້ຈ່າຍດ້ານການສຶກສາທີ່ເພີ່ມຕື່ມໃໝ່ຕົ້ນຕໍໃຊ້ເຂົ້າໃນຊົນນະບົດ,ແລະໄດ້ປະຕິບັດກິດຈະການແລະໂຄງການສຳຄັນຕ່າງໆ,ການສຶກ ສາໃນຊົນນະບົດຈຶ່ງໄດ້ຮັບຄວາມເອົາໃຈໃສ່ທີ່ບໍ່ເຄີຍມີມາກ່ອນແລະການເສີມສ້າງຢ່າງແທ້ຈິງ."
ແຕ່ປີ2004ເປັນຕົ້ນມາ,ແຕ່ລະປີລັດຖະບານກາງຂອງຈີນກໍໄດ້ເບີກເງິນຈຳເພາະ,ເພື່ອປະຕິບັດກິດຈະການກໍ່ສ້າງໂຮງຮຽນກິນນອນຂອງຊົນນະບົດ.ທັງນີ້ໄດ້ອຳນວຍຄວາມສະ ດວກໃຫ້ແກ່ເດັກນ້ອຍທີ່ບ້ານຫ່າງຈາກໂຮງຮຽນໄກສົມຄວນ,ພວກເຂົາເຈົ້າບໍ່ຕ້ອງເດີນທາງໄກໄປເຂົ້າຮຽນຊູ່ມື້ອີກແລ້ວ,ສາມາດພັກຢູ່ຫໍພັກອັນສະອາດຮຽບຮ້ອຍຂອງໂຮງຮຽນ,.ເພື່ອຫຼຸດຄວາມຜິດໂຕນກັນດ້ານການສຶກສາລະຫວ່າງຊົນນະບົດກັບຕົວເມືອງໃຫ້ໜ້ອຍລົງ,ຈີນຍັງໄດ້ດຳເນີນການສຶກສາທາງໄກດ້ວຍເຄືອຂ່າຍຄອມພິວເຕີແລະຕາໜ່າງໂທລະ ພາບດາວທຽມ,ເຮັດໃຫ້ເດັກນ້ອຍຊົນນະບົດກໍໄດ້ຮັບການສຶກສາຈາກຄູອາຈານທີ່ຊື່ດັງໄດ້ຮູບການສາລະພັດທີ່ທັນສະໄໝ ຄືກັນກັບເດັກນ້ອຍໃນຕົວເມືອງໃຫຍ່.ປະຈຸບັນນີ້,ໂຮງ ຮຽນຊົນນະບົດໃນແຫ່ງຕ່າງໆຂອງຈີນລ້ວນແຕ່ພວມຕັ້ງໜ້າເພີ່ມເຕີມຈຳນວນຄອມພິວເຕີແລະອຸປະກອນທີ່ກ່ຽວຂ້ອງແລະໂທລະພາບດາວທຽມ.ເມື່ອຮອດທ້າຍປີ2007,ຢູ່ແຕ່ລະ ໂຮງຮຽນປະຖົມແລະມັດທະຍົມຂອງຊົນນະບົດຈີນລ້ວນແຕ່ຈະມີອຸປະກອນຮັບເບິ່ງໂທລະພາບດາວທຽມ,ແລະໃນແຕ່ລະໂຮງຮຽນມັດທະຍົມຂອງຊົນນະບົດຢ່າງໜ້ອຍຕ້ອງມີຫ້ອງ ຮຽນຄອມພິວເຕີຫ້ອງໜຶ່ງ.
ເຖິງຈະເປັນແນວນີ້ກໍຕາມ,ລະດັບການສຶກສາຂອງຊົນນະບົດຈີນໃນສະເພາະໜ້າຍັງຕ່ຳກວ່າຕົວເມືອງຫຼາຍ.ເພື່ອຫຼຸດຄວາມຜິດໂຕນກັນດັ່ງກ່າວໃຫ້ໜ້ອຍລົງຕື່ມອີກ,ໃນແຜນກຳ ນົດ5ປີຂ້າງໜ້າທີ່ລັດຖະບານຈີນວາງອອກໃນຫວ່າງກ່ອນນີ້ບໍ່ດົນ,ໄດ້ວາງການສຶກສາຊົນນະບົດໄວ້ຢູ່ຖານະອັນພົ້ນເດັ່ນອີກ.ທ່ານເວີ່ນເຈ່ຍປາວ ນາຍົກລັດຖະມົນຕີຈີນສະເໜີວ່າ, ຈະເພີ່ມລາຍຈ່າຍການສຶກສາຢ່າງຫຼວງຫຼາຍ,ເພື່ອປົວແປງເງື່ອນໄຂສຶກສາຂອງເຂດຫ່າງໄກສອກຫຼີກໃຫ້ດີຂຶ້ນ.ທ່ານເວົ້າວ່າ:"ໃນຫ້າປີຂ້າງໜ້າ,ນັບລວມແລ້ວ,ການເງິນຂອງລັດຈະເພີ່ມຄ່າໃຊ້ຈ່າຍດ້ານການສຶກສາພາກບັງຄັບ218ຕື້200ລ້ານຢວນ,ເພື່ອຍົກລະດັບຮັບປະ ກັນຄ່າໃຊ້ຈ່າຍສາທາລະນະຂອງໂຮງຮຽນປະຖົມແລະໂຮງຮຽນມັດທະຍົມຂອງຊົນນະບົດ ໃນໄລຍະການສຶກສາພາກບັງຄັບໃຫ້ສູງຂຶ້ນ,ສ້າງກົນໄກລົງທຶນເຂົ້າໃນການຮັກສາແລະ ດັດສ້າງໂຮງຮຽນປະຖົມແລະໂຮງຮຽນມັດທະຍົມຂອງຊົນນະບົດ,ເຮັດໃຫ້ເດັກນ້ອຍທຸກຄົນລ້ວນແຕ່ມີໂອກາດໄດ້ຮັບການສຶກສາພາກບັງຄັບຢ່າງສະເໝີພາບກັນ."
ນາງຫຼີຈໍຈ່ວນແມ່ນຄູທຳມະດາສາມັນຂອງເມືອງຈິງຕົ່ງແຂວງຢຸນນານ,ເມື່ອໄດ້ຍິນຄຳໝັ້ນ ສັນຍາອັນເຄັ່ງຂຶມຂອງນາຍົກລັດຖະມົນຕີ,ນາງຮູ້ສຶກດີໃຈທີ່ສຸດ,ແລະມີຄວາມປາຖະໜາອັນເຕັມປ່ຽມຕໍ່ພາລະກິດການສຶກສາຂອງບ້ານເກີດໃນອະນາຄົດ.ນາງເວົ້າວ່າ:"ຂ້າພະເຈົ້າຫວັງວ່າ,ຫຼັງ5ປີແລ້ວ,ເດັກນ້ອຍຈະຂຶ້ນຫ້ອງຢູ່ຫ້ອງຮຽນທີ່ກວ້າງຂວາງ,ເລີກຮຽນແລ້ວກໍຈະຫຼິ້ນຢູ່ເດີ່ນກິລາທີ່ມີຫຍ້າຂຽວອຸ່ມທຸ່ມ.ແຕ່ວ່າ,ຖ້າຢາກເຮັດໃຫ້ເດັກນ້ອຍຂອງເຂດພວກເຮົາມີສິ່ງແວດລ້ອມອັນດີງາມ ໄດ້ຮັບການສຶກສາທາງໄກແລະໄດ້ຮັບການສຶກສາທັນສະໄໝ ຄືກັນກັບເດັກນ້ອຍຂອງຕົວເມືອງ,ຂ້າພະເຈົ້າຄິດວ່າໃຊ້ເວລາ5ປີອາດບໍ່ພໍ,ແຕ່ຂ້າພະເຈົ້າເຊື່ອ,ຄວາມຜິດໂຕກັນດັ່ງກ່າວຈະນັບມື້ນັບໜ້ອຍລົງ."
|
|
|
