|
ຍິນດີພົບກັບທ່ານອີກໃນລາຍການ"ຂົວອາກາດ".ຫວ່າງກ່ອນນີ້ບໍ່ດົນ,ທ່ານບຸນມາ ເຮືອງມະນີ ພະນັກງານອອກກິນເບ້ຍບຳນານແຂວງຫົວພັນທີ່ມີອາຍຸ 72 ປີໄດ້ຝາກຈົດໝາຍມາຍັງພວກເຮົາ,ໃນຈົດໝາຍ,ທ່ານບອກພວກເຮົາວ່າ,ເມື່ອໄດ້ຮັບຈົດໝາຍຂອງວິທະຍຸພວກເຮົາແລ້ວ,ທ່ານຮູ້ສຶກດີໃຈຫຼາຍ,ແລະຂອບໃຈນຳພວກເຮົາທີ່ໄດ້ສົ່ງຄວາມຖາມຂ່າວຕໍ່ທ່ານ,ທ່ານເວົ້າວ່າ,ທ່ານຟັງລາຍການຂອງວິທະຍຸພວກເຮົາເລື້ອຍໆ,ເມື່ອຟັງຮູ້ສະພາບການທີ່ດີຂອງລະບອບສັງຄົມນິຍົມເຊິ່ງລັດທິມາກ-ເລນິນແລ້ວ,ຂ້າພະເຈົ້າກໍ່ໂຄສະນາເຜີຍແຜ່ຢູ່ລາວໃຫ້ປະຊາຊົນໄປຕາມ,ເປັນຕົ້ນແມ່ນສະພາບທີ່ດີຂອງຈີນ ຫວຽດນາມ ກູບາແລະອື່ນໆທີ່ໄປຕາມລັດທິມາກ-ເລນິນແລະກອມມູນິດ.ເສຍດາຍຂ້າພະເຈົ້າບໍ່ໄດ້ມາຈີນຈັກເທື່ອ ບໍ່ວ່າເວລາຍັງເຮັດວຽກກໍ່ຄືເວລາເສັງຄວາມຮູ້,ເພາະບໍ່ມີໂອກາດແລະໂຊກດີ,ແຕ່ເຖິງຢ່າງໃດກໍຕາມ,ຂ້າພະເຈົ້າເປັນສະມາຊິກພັກປະຊາຊົນປະຕິວັດລາວຜູ້ໜຶ່ງ,ກໍ່ບໍ່ປະລະການຕໍ່ສູ້ປົກປັກຮັກສາສ້າງສາລະບອບສັງຄົມນິຍົມຈົນເຖິງວັນສິ້ນຊີວິດ.
ເມື່ອໄດ້ອ່ານຈົດໝາຍຂອງທ່ານບຸນມາແລ້ວ,ພວກເຮົາຮູ້ສຶກກະຕຸ້ນໃຈຫຼາຍ,ລູງອາຍຸ 72 ປີແລ້ວ,ຍັງຄິດຮອດຄິດເຖິງປະເທດຊາດແລະສັງຄົມນິຍົມ,ແລະຍິນດີມອບຕະຫຼອດຊີວິດຂອງຕົນໃຫ້ແກ່ພັກ ລັດແລະປະຊາຊົນລາວ,ນະທີ່ນີ້,ພວກເຮົາຂໍມອບເພງອົບອຸ່ນເພງໜຶ່ງໃຫ້ລູງ,ເພງນີ້ຊື່ວ່າ"ຈູ້ໜີພີງອ່ານ",ແປວ່າ,ຂໍໃຫ້ທ່ານຈົ່ງມີຄວາມສະຫງົບສຸກ,ພວກເຮົາຂໍໃຫ້ທ່ານບຸນມາຈົ່ງມີຄວາມສຸກໃນປະສິມມະໄວ.
(ປ່ອຍເພງ)
|
