ຕາມ​ຂ່າວ "ໜັງສືພິມ​ເຢັນ​ໝິນຢື້​ປ້າວ" ຂອງ​ຈີນສະບັບ​ພົ້ນທະ​ເລ​: ​ໃນ 5 ປີ​ຂ້າງ​ໜ້າ, ​ແຂວງ​ກ່ານ​ຊູ້​ທີ່​ຢູ່​ພາກ​ຕາ​ເວັນ​ຕົກ​ສຽງ​ເໜືອ​ຂອງ​ຈີນ​ຈະ​ລົງທຶນ​ເກືອບ 5 ຕື້​ຢວນ​ເພື່ອ​ປົວ​ແປງ​ການ​ເຊື່ອມ​ພິດ​ຂອງແມ່​ນ້ຳ​ເຫຼືອງ.

ຕາມ​ພາກສ່ວນ​ອະນຸລັກ​ສິ່ງ​ແວດ​ລ້ອມ​ແຂວງ​ກ່ານ​ຊູ້​ແນະນຳ​ວ່າ, ​ແມ່​ນ້ຳ​ເຫຼືອງ​ຕອນ​ຢູ່​ແຂວງ​ກ່ານ​ຊູ້​ຍາວ 900 ກວ່າ​ກິ​ໂລ​ແມັດ, ​ໄຫຼຜ່ານ 4 ຕົວ​ເມືອງ​​ແລະ​ກິ່ງ​ແຂວງ​ຂອງ​ແຂວງ​ດັ່ງ​ກ່າວ, ​ໃນ​ນັ້ນ ເມືອງຫຼານ​ໂຈ່​ວ​ແລະ​ເມືອງ​ໄປ​ອິນ​ແມ່ນ​ເມືອງ​ອຸດສາ​ຫະ​ກຳ​ໜັກ. ຍ້ອນ​ການ​ປົວ​ແປງ​ແຫຼ່ງ​ເຊື່ອມ​ພິດ​ດ້ານ​ອຸດສາຫະກຳ​ແລະ​ການ​ກໍ່ສ້າງໂຮງ​ຊຳ​ລະ​ນ້ຳ​ໂສ​ໂຄກ​ຕົວ​ເມືອງ​ຂອງ​ແຂວງ​ກ່ານ​ຊູ້​​ຊັກ​ຊ້າ, ບວກ​ກັບ​ປະລິມານ​ນ້ຳ​ໄຫຼຂອງ​ແມ່ນ​ນ້ຳ​ເຫຼືອງ​ໜ້ອຍ​ລົງ, ດັ່ງນັ້ນ ​ທາດ​ນ້ຳ​ໃນຫຼາຍປີ​ມາ​ນີ້​ໄດ້ຂີ້ຮ້າຍລົງ​ຢ່າງ​ເດັ່ນ​ຊັດ.

ປັດຈຸບັນ, ​ແຂວງ​ກ່ານ​ຊູ້​ໄດ້​ວາງ​ແຜນ​ປ້ອງ​ກັນ​ແລະ​ປົວ​ແປງ​ການ​ເຊື່ອມ​ພິດ​ນ້ຳ​ຢູ່​ເຂດ​ລ້ອງ​ແມ່​ນ້ຳ​​​ເຫຼືອງຕອນ​ຢູ່ແຂວງ​ກ່ານ​ຊູ້. ​ຕາມ​ແຜນ​ທີ່​ໄດ້​ວາງ​ໄວ້, ​ແຂວງ​ກ່ານ​ຊູ້​ຈະ​ເລັ່ງ​ລັດ​ການ​ປົວ​ແປງ​ການ​ເຊື່ອມ​ພິດ​ດ້ານ​ອຸດສາຫະກຳ ​ແລະ​ການ​ກໍ່ສ້າງ​ໂຮງ​ຊຳ​ລະ​ນ້ຳ​ໂສ​ໂຄກ​ຕົວ​ເມືອງ, ​ຍັງເພີ່ມ​​ຄວາມ​ສາມາດ​ໃນ​ການ​ຕິດຕາມ​ກວດກາ​ການ​ອະນຸລັກ​ສິ່ງ​ແວດ​ລ້ອມ, ​ໄດ້​ສ້າງ​ໂຄງການ​ເກືອບ 200 ​ໂຄງການ, ຮັບປະກັນ​ໃຫ້​​ທາດ​ນ້ຳຂອງ​ແມ່​ນ້ຳ​ເຫຼືອງ​ຕອນ​ຢູ່​ແຂວງ​ກ່ານ​ຊູ້​ໄດ້​ຕາມ​ມາດຖານ​ຢ່າງ​ໝັ້ນທ່ຽງ​ເມື່ອ​ຮອດ​ປີ 2010.