|
ຕາມຂ່າວສານຊິນຮວາ:ວັນທີ6 ເມສາ,ຢູ່ໂລສ ເອັນໂຈເລສ,ທ່ານນາງອູຢີ ຮອງນາຍົກລັດຖະມົນຕີຈີນທີ່ພວມຢ້ຽມຢາມຢູ່ອາເມລິກາກ່າວວ່າ,ຂະຫຍາຍການພົວພັນເສດຖະກິດການຄ້າຈີນອາເມລິກາທີ່ປອດໃສແລະໝັ້ນທ່ຽງສອດຄ່ອງກັບຜົນປະໂຫຍດກົກຮາກຂອງປະຊາຊົນສອງຊາດ.
ໃນເວລາເຂົ້າຮ່ວມພິທີເຊັນສັນຍາຈີນຊື້ສິນຄ້າຂອງອາເມລິກາແລະງານສັງສັນການລົງທຶນການຄ້າຂອງນັກວິສາຫະກິດຈີນອາເມລິກາ,ທ່ານນາງອູຢີກ່າວວ່າ,ແຕ່ປີ2001ຫາປີ2005,ມູນຄ່າການຄ້າລະຫວ່າງຈີນອາເມລິກາໄດ້ເພີ່ມຂຶ້ນ27,4%ຕໍ່ປີ,ຈີນໄດ້ກາຍເປັນຕະຫຼາດສົ່ງອອກໃຫຍ່ທີ່ສີ່ແລະຄູ່ການຄ້າໃຫຍ່ທີ່ສາມຂອງອາເມລິກາ,ສ່ວນອາເມລິກາກໍ່ໄດ້ເປັນຄູ່ການຄ້າໃຫຍ່ທີ່ສອງຂອງຈີນ.ອາເມລິກາໄດ້ລົງທຶນຢູ່ຈີນມີເກືອບ5ໝື່ນໂຄງການ,ການລົງທຶນຕົວຈິງຫຼາຍກວ່າ50ຕື້ຢວນໂດລາສະຫະລັດ.ປີ2004,ມູນຄ່າຈຳໜ່າຍພາຍໃນຈີນຫຼາຍກວ່າ75ຕື້ໂດລາອາເມລິກາ.ການຮ່ວມມືການຄ້າລະຫວ່າງຈີນອາເມລິກາຕ່າງຝ່າຍຕ່າງມີຜົນປະໂຫຍດແລະໄດ້ຮັບຜົນປະໂຫຍດນຳກັນ,ສະເພາະຢູ່ສະຫະລັດໄດ້ສ້າງວຽກເຮັດງານທຳໃຫ້ຫຼາຍລ້ານຄົນ.
ທ່ານນາງອູຢີຊີ້ອອກວ່າ,ການພົວພັນເສດຖະກິດການຄ້າລະຫວ່າງຈີນອາເມລິກາໄດ້ຂະຫຍາຍຕົວຢ່າງວ່ອງໄວ,ປະກົດມີການຂັດສີຈຳນວນໜຶ່ງເປັນເລືອງທຳມະດາ.ສອງຝ່າຍຕ້ອງສະແຫວງຫາອັນຄືກັນແຕ່ສະຫງວນອັນຕ່າງກັນໄວ້,ຫຼີກເວັ້ນບັນຫາການຄ້າຫັນເປັນບັນຫາການເມືອງ.
|
