|
ຈີນຍິນດີເພີ່ມທະວີການຮ່ວມມືກັບອີເອເມນໃນຂົງເຂດເສດຖະກິດການຄ້າ ພະລັງງານແລະໂທລະຄົມເປັນຕົ້ນ
cri
Author: shuo
ຕາມຂ່າວCRI:ວັນທີ7ເມສາ,ຢູ່ ທີ່ປັກກິ່ງ,ໃນເວລາພົບປະທ່ານອາລີ ອາບດູນລາ ຊາເລຣ ປະທານາທິບໍດີອີເອເມນທີ່ມາຢ້ຽມຢາມ,ທ່ານອູປ່າງກົວະ ປະທານຄະນະປະຈຳສະພາປະຊາຊົນແຫ່ງຊາດຈີນກ່າວວ່າ,ຝ່າຍຈີນຍິນດີພ້ອມກັນກັບຝ່າຍອີເອເມນ,ເຮັດໃຫ້ຮູບການຮ່ວມມືອຸດົມສົມບູນຂຶ້ນແລະຍົກລະດັບຮ່ວມມືໃຫ້ສູງຂຶ້ນຕື່ມອີກ,ເພີ່ມທະວີການຮ່ວມມືໂຄງການໃຫຍ່ໃນຂົງເຂດຕ່າງໆ ເຊັ່ນເສດຖະກິດການຄ້າ ພະລັງງານແລະໂທລະຄົມເປັນຕົ້ນ,ເພີ່ມພະລັງຊີວິດໃໝ່ເຂົ້າໃນການພົວພັນສອງປະເທດ.ທ່ານຍັງກ່າວວ່າ,ສະພາປະຊາຊົນແຫ່ງຊາດຈີນຍິນດີເພີ່ມທະວີການໄປມາຫາສູ່ກັນທີ່ມີໄມຕີຈິດກັບສະພາອີເອເມນ,ເຮັດໃຫ້ການແລກປ່ຽນແລະການຮ່ວມມືກັນລົງສູ່ລວງເລິກ.
ທ່ານອາລີ ອາບດູນລາ ຊາເລຣເວົ້າວ່າ,ຝ່າຍອີເອເມນຍິນດີພ້ອມກັນກັບຝ່າຍຈີນເພີ່ມທະວີການໄປມາຫາສູ່ກັນຢ່າງມີໄມຕີຈິດລະຫວ່າງລັດຖະບານ ລັດຖະສະພາແລະພັກການເມືອງ,ເປີດກວ້າງການຮ່ວມມືທີ່ຕ່າງຝ່າຍຕ່າງມີຜົນປະໂຫຍດໃນຂົງເຂດຕ່າງໆ ເຊັ່ນເສດຖະກິດການຄ້າແລະພະລັງງານເປັນຕົ້ນ,ຊຸກຍູ້ໃຫ້ການພົວພັນສອງປະເທດບັນລຸການກ້າວກະໂດດໃໝ່.
|
|
