|
ຕາມຂ່າວສານຊິນຮວາ,ວັນທີ6ເມສາຢູ່ທີ່ລອນດອນ,ກະຊວງສຶກສາທິການຈີນແລະ5ວິສາຫະກິດຂອງອັງກິດເຊັ່ນທະນາຄານຮົງກົງຊຽງໄຮ້ເປັນຕົ້ນໄດ້ເຊັນບົດບັນທຶກຄວາມເຂົ້າໃຈ,ຈະຮ່ວມກັນສ້າງຕັ້ງສະຖາບັນຂົງຈືທຸລະກິດແຫ່ງທຳອິດໃນໂລກຢູ່ລອນດອນ,ສະຖາບັນດັ່ງກ່າວຈະສອນພາສາຈີນແລະວັດທະນະທຳຈີນ,ເຮັດໃຫ້ວົງການວິສາຫະກິດອັງກິດເພີ່ມຄວາມເຂົ້າໃຈູຕໍ່ຈີນ.ມະຫາວິທະຍາໄລຊິ່ງຮວາແລະສະຖາບັນການເມືອງເສດຖະສາດລອນດອນຮັບຜິດຊອບການໝູນເດີນລະອຽດຂອງສະຖາບັນດັ່ງກ່າວ.
ໃນພິທີລົງນາມໃນບົດບັນທຶກ ຄວາມເຂົ້າໃຈ, ທ່ານຈ້າວຊິ້ນພິງ ຮອງລັດຖະມົນຕີກະຊວງສຶກສາທິການຈີນກ່າວວ່າ, ຂົງຈືແມ່ນນັກການສຶກສາແລະນັກຄຶດຜູ່ມີຊື່ສຽງຂອງຈີນ,ຈີນສ້າງຕັ້ງສະຖາບັນດັ່ງກ່າວຢູ່ຕ່າງປະເທດແມ່ນເພື່ອສະແດງທັດສະນະຄະຕິກ່ຽວກັບຄວາມກົມກຽວກັນຂອງຄົນຈີນ.
ທ່ານອາລານ ເຈບຊັນ ຫົວໜ້າເຈົ້າໜ້າທີ່ທຸລະກິດຂອງທະນາຄານຮົງກົງຊຽງໄຮ້ກ່າວວ່າ,ຜູ່ຈັດການຂອງບໍລິສັດອັງກິດລ້ວນແຕ່ຕ້ອງການຊອກຮູ້ຈີນຢ່າງເລິກເຊິ່ງກວ່າເກົ່າ,ສະຖາບັນຂົງຈືທຸລະກິດລອນດອນຈະຊ່ອຍພວກເຂົາເຂົ້າບັນລຸຄວາມຕ້ອງການດັ່ງກ່າວ.
|
