|
ປະທານາທິບໍດີອີເອເມນຫວັງໃຫ້ຜະລິດຕະພັນຈີນເຂົ້າສູ່ຕະຫຼາດອີເອເມນຢ່າງບໍ່ຢຸດຢັ້ງ
cri
ຕາມຂ່າວສານຊິນຮວາ,ວັນທີ7ເມສາ,ໃນງານສຳມະນາເສດຖະກິດການຄ້າຈີນ-ອີເອເມນ,ທ່ານອາລີ ອັບດູນລາ ຊາເລຣ໌ ປະທານາທິບໍດີອີເອເມນທີ່ພວມຢ້ຽມຢາມຈີນທາງລັດຖະກິດກ່າວວ່າ,ຫວັງໃຫ້ຜະລິດຕະພັນຈີນເຂົ້າສູ່ຕະຫຼາດອີເອເມນຢ່າງບໍ່ຢຸດຢັ້ງ.
ທ່ານຊາເລຣໄດ້ເວົ້າຕໍ່ນັກທຸລະກິດ200ກວ່າຄົນທີ່ຮ່ວມປະຊຸມວ່າ,ໃນ5ປີຜ່ານມາ,ທ່ານເອງໄດ້ສຳຜັດຮູ້ ວ່າ,ຄຸນນະພາບຂອງຜະລິດຕະພັນຈີນໄດ້ດີຂຶ້ນໂດຍຕະຫຼອດ.ທ່ານກ່າວວ່າ,ນີ້ກໍແມ່ນມູນເຫດທີ່ພາໃຫ້ນັກທຸລະກິດອີເອເມນຫຼາຍປານີ້ມາເຮັດທຸລະກິດຈົນກະທັ້ງຕັ້ງຖິ່ນຖານຢູ່ຈີນ.ພ້ອມກັນນັ້ນ,ທ່ານຊາເລຣ໌ກໍຊົມເຊີຍວິສາຫະກິດຈີນໄປລົງທຶນຢູ່ເຂດການຄ້າເສລີອາເດນອີເອເມນເຊິ່ງແມ່ນປ່ອງຢ້ຽມສຳຄັນຂອງພາກຕາເວັນຕົກອາຊີ.
ຕາມການສະເໜີ,ນອກຈາກຮ່ວມມືໃນຂົງເຂດພະລັງງານເຊັ່ນນ້ຳມັນເຊື້ອໄຟເປັນຕົ້ນແລ້ວ,ການຮ່ວມມືລະຫວ່າງຈີນກັບອີເອເມນກໍມີອະນາຄົດກວ້າງຂວາງທີ່ສຸດໃນຫຼາຍຂົງເຂດເຊັ່ນພື້ນຖານໂຄງລ່າງ,ໂທລະຄົມ,ຜະລິດຕະພັນກົນຈັກໄຟຟ້າ,ຜະລິດຕະພັນກະສິກຳແລະອຸປະກອນກໍ່ສ້າງເປັນຕົ້ນ.ຕາມສະຖິຕິຂອງດ່ານພາສີຈີນ,ຍອດມູນຄ່າການຄ້າລະຫວ່າງສອງປະເທດໃນປີກາຍນີ້ໄດ້ລື່ນກາຍ3ຕື້200ລ້ານໂດລາສະຫະລັດ,ເພີ່ມຂຶ້ນຫຼາຍກວ່າເວລາດຽວກັນຂອງປີກ່ອນເກືອບ70%.
|
|
