|
ງານຕະຫຼາດນັດສິນຄ້າທ່ອງທ່ຽວອາຊີອາຄະເນຄັ້ງປະຖົມມະເລີກຈະຈັດຂຶ້ນຢູ່ນະຄອນຄຸນມິງ
cri
ຕາມຂ່າວສານຈີນ,ວັນທີ7ເມສາ,ຢູ່ທີ່ນະຄອນຄຸນມິງ,ທ່ານໂລມິງອີ ຫົວໜ້າພະແນກທ່ອງທ່ຽວແຂວງຢຸນນານ ພາກຕາເວັນຕົກສຽງໃຕ້ຂອງຈີນກ່າວວ່າ,ແຕ່ວັນທີ27ຫາວັນທີ30ເມສາ,ງານຕະຫຼາດນັດສິນຄ້າທ່ອງທ່ຽວອາຊີອາຄະເນຄັ້ງປະຖົມມະເລີກຈະຈັດຂຶ້ນຢູ່ນະຄອນຄຸນມິງ.
ເມື່ອຮອດເວລານັ້ນ,100ກວ່າອົງການທ່ອງທ່ຽວຂອງຈີນແລະຫຼາຍສິບອົງການທ່ອງທ່ຽວ,ເຂດທິວທັດແລະວິສາຫະກິດຜະລິດສິນຄ້າທ່ອງທ່ຽວທີ່ມີສີສັນຊົນເຜົ່າຂອງປະເທດອາຊີອາຄະເນເຊັ່ນມຽນມາ,ໄທ,ມາເລເຊຍແລະລາວເປັນຕົ້ນຈະເຂົ້າຮ່ວມງານຕະຫຼາດນັດດັ່ງກ່າວ.
ທ່ານໂລມິງອີກ່າວວ່າ,ງານຕະຫຼາດນັດດັ່ງກ່າວແມ່ນພາກສ່ວນປະກອບອັນສຳຄັນຂອງງານທ່ອງທ່ຽວວັດທະນະທຳສາກົນຄຸນມິງຈີນປີ2006.ງານດັ່ງກ່າວຈັດຂຶ້ນໂດຍກົມທ່ອງທ່ຽວແຫ່ງຊາດຈີນແລະອົງການປົກຄອງແຂວງຢຸນນານ,ແຕ່ປີ2001ຮອດປັດຈຸບັນໄດ້ຈັດຢູ່ນະຄອນຄຸນມິງສຳເລັດຜົນ6ຄັ້ງແລ້ວ .
|
|
