|
|
 |
| (GMT+08:00)
2006-04-07 21:10:25
|
 |
|
ນາຍົກລັດຖະມົນຕີຈີນເລີ່ມຢ້ຽມຢາມກຳປູເຈຍຢ່າງເປັນທາງການ
cri
ຕາມຂ່າວCRI,ໂດຍຕອບສະໜອງຄຳເຊີນຂອງທ່ານຮຸນແຊນ ນາຍົກລັດຖະມົນຕີກຳປູເຈຍ,ທ່ານເວິນເຈຍປາວ ນາຍົກລັດຖະມົນຕີຈີນໄດ້ເດີນທາງໄປຮອດພະນົມເປັນນະຄອນຫຼວງກຳປູເຈຍໃນວັນທີ7ເມສາ,ເລີ່ມຢ້ຽມຢາມກຳປູເຈຍຢ່າງເປັນທາງການ.
ຢູ່ສະໜາມບິນ,ທ່ານຮຸນແຊນໄດ້ຈັດພິທີຕ້ອນຮັບທ່ານເວິນເຈຍປາວ.ທ່ານເວິນເຈຍປາວໄດ້ກ່າວຄຳປາໄສທາງລາຍລັກອັກສອນ ວ່າ,ມິດຕະພາບຈີນກຳປູເຈຍທີ່ຜູ່ນຳທຸກຮຸ້ນຂອງຈີນແລະພະບາດສົມເດັດນະໂລດົມສີຫະນຸ ອະດີດເຈົ້າຊີວິດສ້າງແລະບົ່ມເພາະນັ້ນໄດ້ຮັບການປັບປຸງແລະຂະຫຍາຍຕົວຢ່າງບໍ່ຢຸດຢັ້ງ, ການແລກປ່ຽນແລະຮ່ວມມືກັນລະຫວ່າງສອງປະເທດໃນ ຂົງເຂດຕ່າງໆເຊັ່ນການເມືອງ,ເສດຖະກິດການຄ້າແລະວັດທະນະທຳເປັນຕົ້ນໄດ້ຮັບໝາກຜົນອັນອຸດົມສົມບູນ,ໃນວຽກງານສາກົນແລະພາກພື້ນ,ສອງປະເທດໄດ້ຮັກສາການປະສານງານແລະປະສານສົມທົບກັນເປັນຢ່າງດີ.ການຂະຫຍາຍການພົວພັນຈີນກຳປູເຈຍສອດຄ່ອງກັບຜົນປະໂຫຍດກົກຮາກຂອງປະຊາຊົນສອງຊາດ,ກໍມີຜົນດີຕໍ່ການຊຸກຍູ້ສັນຕິພາບ,ສະຖຽນລະພາບແລະການພັດທະນາຂອງພາກພື້ນແຫ່ງນີ້.
ໃນໄລຍະຢ້ຽມຢາມ,ສົມເດັດນະໂລດົມສີຫະໂມນີ ເຈົ້າຊີວິດກຳປູເຈຍ, ທ່ານເຈຍຊິມ ປະທານສະພາສູງແລະທ່ານເຮນຊັນຣິນປະທານສະພາແຫ່ງຊາດກຳປູເຈຍຈະພົບປະທ່ານເວິນເຈຍປາວ.ທ່ານເວິນເຈຍປາວຍັງຈະເຈລະຈາກັບທ່ານຮຸນແຊນ ນາຍົກລັດຖະມົນຕີ ກຳປູເຈຍ,ເພື່ອລົງເລິກແລກປ່ຽນຄວາມເຫັນກ່ຽວກັບການພົວພັນລະຫວ່າງສອງຝ່າຍແລະບັນຫາທີ່ສົນໃຈນຳກັນ.
|
|
|
