|
|
 |
| (GMT+08:00)
2006-04-08 20:48:26
|
 |
|
ຜູ້ນຳຫວຽດນາມພົບປະທ່ານຊາວກ່າງຊ່ວນ
cri
Author: min
ຕາມຂ່າວCRI: ວັນທີ 7 ເມສາ, ຢູ່ຮ່າໂນ້ຍ, ທ່ານນົງດຶກແໝ້ງ ເລຂາທິການໃຫຍ່ພັກກອມມູນິດຫວຽດນາມ, ທ່ານເຈີນດຶກເລື່ອງ ປະທານປະເທດຫວຽດນາມໄດ້ພົບປະທ່ານຊາວກ່າງຊ່ວນ ຮອງປະທານຄະນະກຳມະການການທະຫານສູນກາງ, ທີ່ເປິກສາແຫ່ງລັດທັງເປັນລັດຖະມົນຕີກະຊວງປ້ອງກັນປະເທດຈີນທີ່ພວມຢ້ຽມຢາມສັນຖະວະໄມຕີຢູ່ຫວຽດນາມ.
ທ່ານນົງດຶກແໝ້ງເວົ້າວ່າ, ການຢ້ຽມຢາມຂອງຄະນະຜູ້ແທນການທະຫານຊັ້ນສູງຂອງຈີນໄດ້ສະແດງຢ່າງມີຊີວິດຊີວາໃຫ້ເຫັນການພົວພັນລະຫວ່າງສອງລັດ, ສອງພັກ, ລັດຖະບານ, ປະຊາຊົນແລະກອງທະຫານສອງປະເທດນັບມື້ນັບແໜ້ນແຟ້ນຂຶ້ນ. ໃນການຢ້ຽມຢາມເທື່ອນີ້, ສອງຝ່າຍໄດ້ກ້າວເຖິງຂັ້ນມີຄວາມເຫັນເປັນເອກະສັນກັນຫຼາຍຢ່າງ, ໄດ້ຊຸກຍູ້ການຮ່ວມມືລະຫວ່າງສອງປະເທດໃນຂົງເຂດປ້ອງກັນປະເທດແລະກອງທະຫານຢ່າງແຂງແຮງ, ກໍ່ໄດ້ຊຸກຍູ້ການຂະຫຍາຍຕົວຢ່າງຮອບດ້ານຂອງການພົວພັນລະຫວ່າງສອງປະເທດຢ່າງແຂງແຮງ. ທ່ານເຈິນດຶກເລື່ອງເວົ້າວ່າ, ການປັບປຸງແລະຊຸກຍູ້ການຮ່ວມມືດ້ວຍໄມຕີຈິດຢ່າງຮອບດ້ານກັບຈີນແມ່ນນະໂຍບາຍອັນເດັດດ່ຽວແລະຍາວນານຂອງພັກແລະລັດຖະບານຫວຽດນາມ, ກໍ່ສອດຄ່ອງກັບຜົນປະໂຫຍດກົກຮາກຂອງປະຊາຊົນສອງປະເທດ. ທ່ານເຈິນດຶກເລື່ອງກ່າວລື້ມວ່າ, ຝ່າຍຫວຽດນາມຍຶດໝັ້ນນະໂຍບາຍຈີນດຽວ, ສະໜັບສະໜູນຫຼັກໝັ້ນຂອງຈີນໃນບັນຫາໄຕ້ຫວັນ.
ທ່ານຊາວກ່າງຊ່ວງເວົ້າວ່າ, ມິດຕະພາບອັນເປັນມູນເຊື້ອລະຫວ່າງຈີນກັບຫວຽດນາມມີມາແຕ່ບູຮານນະການ. ປີກາຍນີ້, ທ່ານຫູຈີນທາວ ເລຂາທິການໃຫຍ່ສູນກາງພັກກອມມູນິດຈີນໄປຢ້ຽມຢາມຫວຽດນາມ, ໄດ້ກ້າວເຖິງຂັ້ນມີຄວາມເຫັນເປັນເອກະສັນກັນອັນສຳຄັນກັບຜູ້ນຳຫວຽດນາມ, ເຮັດໃຫ້ການພົວພັນຈີນຫວຽດນາມກ້າວເຂົ້າສູ່ໄລຍະໃໝ່ທີ່ຂະຫຍາຍຕົວລົງສູ່ລວງເລິກຢ່າງຮອບດ້ານ. ຝ່າຍຈີນສະແດງຄວາມຍ້ອງຍໍແລະຂອບໃຈນຳຝ່າຍຫວຽດນາມທີ່ຍຶດໝັ້ນນະໂຍບາຍຈີນດຽວ.
|
|
|
