|
|
 |
| (GMT+08:00)
2006-04-08 21:33:41
|
 |
|
ທ່ານອານນານກ່າວປະນາມຢ່າງຮຸນແຮງຕໍ່ເຫດການຫຼອນໂຈມຕີດ້ວຍກຳລັງຮຸນແຮງຂອງອີຣັກ
cri
Author: min
ຕາມຂ່າວCRI: ວັນທີ 7 ເມສາ, ທ່ານອານນານ ເລຂາທິການໃຫຍ່ອົງການສະຫະປະຊາຊາດໄດ້ອອກຖະແຫຼງການໂດຍຜ່ານຈາກໂຄສົກ, ກ່າວປະນາມຢ່າງຮຸນແຮງທີ່ສຸດຕໍ່ເຫດການຫຼອນໂຈມຕີດ້ວຍກຳລັງຮຸນແຮງທີ່ເກີດຂຶ້ນຢູ່ອີຣັກຢ່າງລຽນຕິດໃນຫວ່າງມໍ່ໆນີ້.
ຖະແຫຼງການຊີ້ອອກວ່າ, ເຫດການຫຼອນໂຈມຕີເຫຼົ່ານີ້ໄດ້ສະແດງໃຫ້ເຫັນອີກເທື່ອວ່າ, ໃນສັງຄົມອີຣັກມີອິດທິກຳລັງປຸກປັ່ນຝ່າຍຕ່າງໆຖືກັນເປັນສັດຕູແລະໃຫ້ໃຊ້ກຳລັງຮຸນແຮງ, ອິດທິກຳລັງຊະນິດນີ້ເຈຕະນາຂັດຂວາງແລະທຳລາຍການຈັດຕັ້ງອຳນາດການປົກຄອງໃໝ່ຂອງອີຣັກ. ໃຕ້ສະພາບການດັ່ງກ່າວ, ຜູ້ນຳຝ່າຍການເມືອງຕ່າງໆຂອງອີຣັກຍິ່ງຕ້ອງການຖືຜົນປະໂຫຍດແຫ່ງຊາດເປັນແກ່, ກຳຈັດຄວາມເຫັນຂັດກັນ, ຊຸກຍູ້ຂະບວນການການເມືອງຢ່າງແທ້ຈິງ.
ຕອນບ່າຍວັນທີ 7 ເມສາ, ຜູ້ຫຼອນໂຈມຕີ 3 ຄົນໄດ້ກໍ່ເຫດການລະເບີດແບບສະຫຼະຊີບຢູ່ສຸເຫຼົ່າອິສລາມນິກາຍຊີອິດແຫ່ງໜຶ່ງທີ່ພາກເໜືອແບກແດດນະຄອນຫຼວງອີຣັກ. ຕາມຂ່າວຫຼ້າສຸດ, ຢ່າງໜ້ອຍເຫດການລະເບີດໄດ້ເຮັດໃຫ້ 74 ຄົນເສຍຊີວິດ, 100 ກວ່າຄົນບາດເຈັບ. ກ່ອນນີ້ໜຶ່ງມື້, ຢູ່ນາຈາຟ ເມືອງສັກສິດຂອງນິກາຍຊີອິດອີຣັກໄດ້ເກີດເຫດການລະເບີດລົດຍົນຢ່າງໜ້ອຍເຮັດໃຫ້ 10 ຄົນເສຍຊີວິດ, 40 ກວ່າຄົນບາດເຈັບ.
|
|
|
