|
ຈຳນວນນາຍໝໍແລະນາງພະຍາບານຕໍ່ປະຊາກອນພັນຄົນຂອງຈີນລື່ນກາຍລະດັບສະເລ່ຍຂອງໂລກ
cri
Author: min
ຕາມຂ່າວໜັງສືພິມເຢັນມິນຢື້ປ້າວ: ນັບມາຮອດທ້າຍປີກາຍນີ້, ຢູ່ຈີນລວມມີຜູ້ປະຕິບັດງານສາທາລະນະສຸກ 6 ລ້ານ 3 ແສນ 5 ໝື່ນຄົນ, ຈຳນວນນາຍໝໍແລະນາງພະຍາບານຕໍ່ປະຊາກອນພັນຄົນເຖິງວ່າຍັງຕ່ຳກວ່າລະດັບຂອງປະເທດພັດທະນາສ່ວນຫຼາຍກໍຕາມ, ແຕ່ໄດ້ລື່ນກາຍລະດັບສະເລ່ຍຂອງໂລກແລ້ວ.
ສະຖິຕິຂອງກະຊວງສາທາລະນະສຸກຈີນສະແດງໃຫ້ເຫັນວ່າ, ປະຈຸບັນ, ໃນຜູ້ປະຕິບັດງານສາທາລະນະສຸກທັງໝົດຂອງຈີນ, ມີນາຍໝໍແລະຜູ້ຊ່ອຍນາຍໝໍຜູ້ມີໃບອະນຸຍາດ1 ລ້ານ 9 ແສນ 4 ໝື່ນຄົນ, ມີນາງພະຍາບານທີ່ຈົດທະບຽນ 1 ລ້ານ 3 ແສນ 5 ໝື່ນຄົນ, ຖັນແຖວຜູ້ມີຄວາມຮູ້ຄວາມສາມາດດ້ານສາທາລະນະສຸກຊັ້ນສູງໄດ້ເຕີບໃຫຍ່ຢ່າງເປັນກ້າວໆ.
|
|
