|
ຈີນຮັບເອົາຄວາມຮ້ອງຂໍຂອງສະຫະພາບເອີລົບແລະອາເມລິກາທີ່ຫາລືບັນຫານຳເຂົ້າເຄື່ອງອາໄຫຼ່ແລະຊີກສ່ວນລົດຍົນ
cri
ຕາມຂ່າວສານຊິນຮວາ,ວັນທີ8ເມສາ,ກະຊວງການຄ້າຈີນກ່າວວ່າ,ວັນທີ7ເມສາ,ທ່ານ
ຊຸນເຈິ້ນຢູ ເອກອັກຄະລັດຖະທູດຂອງຄະນະຜູ່ແທນຈີນປະຈຳອົງການການຄ້າໂລກ ທີ່ເຊີແນວໄດ້ແຍກອອກສົ່ງຈົດໝາຍໄປຍັງເອກອັກຄະລັດຖະທູດຂອງຄະນະຜູ່ແທນ
ຂອງສະຫະຫາບເອີລົບແລະອາເມລິກາປະຈຳອົງການການຄ້າໂລກ,ໂດຍກ່າວວ່າ,ຈີນຮັບເອົາເຫັນດີນຳຄວາມຮ້ອງຂໍຂອງສະຫະພາບເອີລົບແລະອາເມລິກາທີ່ໃຫ້ປຶກ
ສາຫາລືຂໍ້ກຳນົດຂອງຈີນກ່ຽວກັບການນຳເຂົ້າເຄື່ອງອາໄຫຼ່ແລະຊີກສ່ວນລົດຍົນພາຍ
ໃຕ້ກົນໄກແກ້ໄຂຂໍ້ວິວາດກັນຂອງອົງການການຄ້າໂລກ.
ຕາມເອກະສານທີ່ສະຫະພາບເອີລົບແຈກຢາຍ,ສະຫະພາບເອີລົບກ່າວວ່າ,ຈີນເກັບພາສີທໍ່ກັບລົດຍົນສຳເລັດຮູບຕໍ່ເຄື່ອງອາໄຫຼ່ແລະຊີກສ່ວນທີ່ມີມູນຄ່າເທົ່າກັບຫຼືລື່ນກາຍ60%ຂອງລົດຍົນສຳເລັດຮູບ,ທີ່ຈິງແລ້ວ,ເທົ່າກັບວ່າໄດ້ປ່ຽນຮູບກຳນົດອັດຕາສ່ວນເຄື່ອງອາໄຫຼ່ແລະຊີກສ່ວນທີ່ຈີນຜະລິດເອົາເອງ,ອັນໄດ້ລະເມີດຂໍ້ກຳນົດທີ່ກ່ຽວຂ້ອງຂອງອົງການການຄ້າໂລກ.ຝ່າຍຈີນພັດຊີ້ອອກວ່າ,ຂໍ້ກຳນົດດັ່ງກ່າວແມ່ນເພື່ອປ້ອງກັນບໍ່ໃຫ້ບາງໂຮງງານຜະລິດລົດຍົນຂອງຕ່າງປະເທດມ້າງລົດຍົນແລ້ວສົ່ງອອກຂາຍໃຫ້ຈີນ,ແລ້ວປະກອບຄືນໃໝ່ຢູ່ພາຍໃນປະເທດຈີນ,ເພື່ອຫຼົບຫຼີກການເສຍພາສີສູງໃຫ້ລົດຍົນສຳເລັດຮູບ.
ວັນທີ30ມີນາ ເວລາເຊີແນວ,ທ່ານເອກອັກຄະລັດຖະທູດຂອງຄະນະຜູ່ແທນສະຫະພາບເອີລົບແລະອາເມລິກາປະຈຳອົງການການຄ້າໂລກຕ່າງໄດ້ສົ່ງຈົດໝາຍໄປຍັງທ່ານຊຸນເຈິ້ນຢູ ເອກອັກຄະລັດຖະທູດຄະນະຜູ່ແທນຈີນປະຈຳອົງການການຄ້າໂລກແລະສະເໜີຄຳຮຽກຮ້ອງໃຫ້ປຶກສາຫາລືກັນ.ຕາມເຜີຍໃຫ້ຮູ້ວ່າ,ຈະປຶກສາຫາລືເວລາແລະສະຖານທີ່ປຶກສາຫາລືກັນຕ່າງຫາກ.
|
|
