|
ເຂດແຂວງພາກຕາເວັນຕົກສຽງເໜືອຈີນຮ່ວມມືພັດທະນາການທ່ອງທ່ຽວເສັ້ນທາງຜ້າໄໝ
cri
ຕາມຂ່າວສານຊິນຮວາ,ເຂດແຂວງ ພາກຕາເວັນຕົກສຽງເໜືອຂອງຈີນພວມຮ່ວມກັນໂຄສະນາແລະພັດທະນາການທ່ອງທ່ຽວເສັ້ນທາງຜ້າໄໝ,ມີແຜນຈະສ້າງເປັນເສັ້ນທາງທ່ອງທ່ຽວດີເລີດລະດັບໂລກ.
ວັນທີ8ເມສາ,ຢູ່ເມືອງຊີ່ອ່ານ ແຂວງສ້ານຊີໄດ້ຈັດງານສັງສັນການຮ່ວມມືແລະການລົງທຶນການຄ້າລະຫວ່າງພາກຕາເວັນອອກກັບພາກຕາເວັນຕົກຈີນຄັ້ງທີ10,ຜູ່ຮັບຜິດຊອບພະແນກທ່ອງທ່ຽວຂອງ5ເຂດແຂວງພາກຕາເວັນຕົກສຽງເໜືອຂອງຈີນຄືແຂວງສ້ານຊີ,ແຂວງກ່ານຊູ້,ເຂດນິງເຊຍ,ແຂວງຊິງຫາຍແລະເຂດຊິນຈ່ຽງໄດ້ນຳມາໂຄສະນາ200ກວ່າໂຄງການທ່ອງທ່ຽວເສັ້ນທາງຜ້າໄໝທີ່ດີເລີດ.ເຊິ່ງໄດ້ເພີ່ມທະວີການຮ່ວມມືສ້າງການທ່ອງທ່ຽວເສັ້ນຜ້າສາຍໄໝຂອງເຂດພາກຕາເວັນຕົກສຽງເໜືອ.
ເສັ້ນທາງຜ້າໄໝແມ່ນຊ່ອງທາງໃຫຍ່ແຫ່ງການໄປມາຫາສູ່ກັນດ້ານການຄ້າ,ການແລກປ່ຽນວັດທະນະທຳແລະການເຊື່ອມໂຍງເຂົ້າກັນລະຫວ່າງຊົນເຜົ່າຂອງຝ່າຍຕາເວັນອອກກັບຝ່າຍຕາເວັນຕົກໃນປະຫວັດສາດ.ແຕ່ທິດຕາເວັນອອກຮອດທິດຕາເວັນຕົກຍາວ7ພັນກວ່າກິໂລແມັດ,ຢູ່ສອງຟາກທາງ,ມີຊັບພະຍາກອນທ່ອງທ່ຽວຫຼາຍໆເຊັ່ນເມືອງບູຮານ,ຖ້ຳຫີນ,ທາດ,ວັດວາອາຮາມ,ກຳແພງຍັກແລະດ່ານເປັນຕົ້ນ,ແລະມໍລະດົກວັດທະນະທຳໂລກທີ່ອຸດົມສົມບູນ.
|
|
