|
ເຄຫະສະຖານຂອງນະຄອນອັງກໍຍັງສະແດງໃຫ້ເຫັນທັດສະນະຈັກກະວານຂອງຄົນໃນຄາວນັ້ນ, ຢູ່ກາງເມືອງທ່ີເຂົ້າປະຕູເມືອງມີພູນ້ອຍໜ່ວຍນ່ືງ, ເທິງພູນ້ອຍໄດ້ສ້າງວັດບາຢອນ,ເປັນບ່ອນສູງສຸດຂອງນະຄອນແລະເປັນຕົວແທນໃຫ້ແກ່ບ່ອນຕິດຕ່ໍກັນລະຫວ່າງໃຈກາງຈັກກະວານກັບຟ້າດິນ,ກຳແພງອ້ອມເມືອງອັງກໍເປັນຕົວແທນໃຫ້ແກ່ສາຍພູທ່ີເຈືອລະເນືອກັນອ້ອມຮອບ,ຄອງນ້ຳປ້ອງກັນເມືອງແມ່ນທະເລນອກສາຍພູ,ໃນຕົວຈິງແລ້ວ,ນະຄອນອັງກໍແມ່ນຮູບຫຍ້ໍຂອງຈັກກະວານ.
ນອກນີ້ ເຄຫະໃນນະຄອນອັງກໍແມ່ນເອົາພູນ້ອຍໜ່ວຍນ່ືງເປັນໃຈກາງ, ຢູ່ເທິງພູໄດ້ສ້າງວັດ,ຈຸ້ມເຄຫະຕົ້ນຕໍໃນນະຄອນແມ່ນພະລາຊະວັງແລະສ່ິງກໍ່ສາງດ້ານສາສະໜາ, ຮ້ານຄ້າແລະປະຊາຊົນສາມັນລ້ວນແຕ່ຢູ່ນອກເມືອງ, ຈຸດພິເສດເຫົ່ຼານີ້ ໄດ້ສືບທອດຈຸດພິເສດຂອງສະໄໝຟູນັນໂດຍເອົາວັດຢູ່ເທິງພູເປັນໃຈກາງ,ແລະຂະຫຍາຍເມືອງຮູບວົງກົມກາຍເປັນຮູບສ່ີຫ່ຼຽມ,ຈຸດພິເສດເຫົ່ຼານີ້ໄດ້ສະແດງໃຫ້ເຫັນຢ່າງເຕັມທ່ີເຖິງກົກເຄົ້າຂອງນະຄອນອັງກໍໂດຍເອົາສາສະໜາເປັນໃຈກາງ,ໃນໄລຍະດົນນານມານີ້ ສາສະໜາໄດ້ເສີມຂະຫຍາຍບົດບາດຄອບງຳໝົດທຸກສ່ິງທຸກຢ່າງ.
ເວົ້າລວມແລ້ວ ກໍເໝືອນດ່ັງທ່ານຈ່າງປີງລິນຂອງບໍລິສັດທ່ອງທ່ຽວສາກົນຊີນຮວາເວົ້າວ່າ, ຢູ່ນະຄອນອັງກໍໄດ້ຈ່ໍຕົວຂື້ນເປັນວັດທະນະທຳອັງໂກເຊ່ິງເອົາເຄຫະສະຖານແລະສິນລະປະຮູບຄວັດເປັນຕົວແທນ, ແມ່ນຍອດສູງຍອດນ່ືງໃນປະຫວັດພັດທະນາວັດທະນະທຳຂອງກຳປູເຈຍ.
ອັງກໍວັດພ້ອມດ້ວຍກຳແພງເມືອງຈີນ ທາດປີລະມິດເອຢິບແລະຮູບຄວັດໂບໂຣບູດວກແຫ່ງອິນໂດເນຊີ,ໄດ້ເອີ້ນເປັນສ່ີມະຫັດສະຈັນຂອງໂລກຕາເວັນອອກ.
ແຕ່ວ່າ ສ່ິງທ່ີ່ບ່ໍເປັນຈ່ັງບຸນນັ້ນແມ່ນ, ໃນປະຫວັດສາດ ເຄຫະສະຖານອັນສະຫງ່າລາສີຂອງອັງກໍ ເຄີຍຖືກທຳລາຍມ້າງເພຕັ້ງຫຼາຍເທ່ືອ,ໃນສັດຕະວັດທີ 15 ແລະ 16,ຄົນໄທແລະຄົນມຽນມາກໍເຄີຍຍຶດຄອງອັງກໍເປັນລຳດັບ, ໃນໄລຍະນັ້ນ ກໍເຄີຍຂົນພະພຸດທະຮູບແລະວັດຖຸບູຮານອ່ືນໆເມືອປະເທດເຂົາເຈົ້າເປັນຈຳນວນຫຼວງຫຼາຍ, ໃນປະມານ 20 ປີທ່ີເກີດເສິກເສືອເໜືອໃຕ້ຢູ່ກຳປູເຈຍ,ວັດຖຸບູຮານອັນປະເສີດເລີດລ້ຳ ຄືພະພຸດທະຮູບເປັນຕົ້ນ ກໍຖືກຄົນລັກແລະທຳລາຍຈົນນັບບ່ໍຖ້ວນ, ການທ່ີຮ່ອງຮອຍບູຮານອັງກໍຖືກທຳລາຍຢ່າງໜັກໜ່ວງນັ້ນ ໄດ້ເຮັດໃຫ້ປະຊາຊົນກຳປູເຈຍຮູ້ສຶກເຈັບຊ້ຳໜຳໃຈທ່ີສຸດ.
ເມ່ືອປີ 1989,ອົງການຢູເນັສໂກສະຫະປະຊາຊາດໄດ້ເລ່ິມສ້ອມແປງຮ່ອງຮອຍບູຮານອັງໂກຕາມຄຳຮຽກຮ້ອງຂອງສົມເດັດໂນໂລດົມ ສີຫະນຸ, ເມ່ືອປີ 1993,ຄະນະຜູ້ແທນລັດຖະບານບັນດາປະເທດໄດ້ໂຮມກັນຢູ່ໂຕກຽວແຫ່ງຍ່ິປຸ່ນ,ໄຂກອງປະຊຸມກ່ຽວກັບການຮັກສາບູຮານນະສະຖານອັງໂກວັດ,ປະເທດຈີນກໍຕົກລົງແຕ່ງຜູ່ຊ່ຽວຊານໄປຮ່ວມການເຄ່ືອນໄຫວຂອງອົງການຢູເນັສໂກກ່ຽວກັບການອະນຸລັກສ້ອມແປງບູຮານນະສະຖານອັງກໍວັດ.ອິນເດຍ ຍ່ີປຸ່ນ ຝ່ັຼງແລະປະເທດອ່ືນໆກໍໄດ້ເຂົ້າຮ່ວມວຽກສ້ອມແປງບູຮານນະສະຖານອັງກໍວັດເຊ່ັນດຽວກັນ.
|
