|
|
 |
| (GMT+08:00)
2006-04-10 15:25:25
|
 |
|
ແນະນຳCDແຜ່ນໃໝ່ຂອງທ່ານລີມິງ
cri
|
ທ່ານລີມິງແມ່ນດາລາເພງທີ່ມີຊື່ສຽງຂອງຮົງກົງຈີນ, ແຕ່ທ່ານຂຶ້ນສູ່ເວທີເພງເມື່ອປີ 1986 ມານີ້, ທ່ານໄດ້ຮ້ອງເພງມ່ວນໆຫຼາຍເພງ. ຫວ່າງກ່ອນນີ້ບໍ່ດົນ, ທ່ານລີມິງກໍໄດ້ອັດຈຳໜ່າຍCDແຜ່ນໃໝ່ທີ່ຊື່ວ່າ"ນິທານໜຶ່ງ", ໄດ້ເລົ່ານິທານຄວາມຮັກທີ່ຈັບໃຈຄົນຕ່າງໆດ້ວຍສຽງເພງ. ມື້ນີ້, ແສງແກ້ວຂໍແນະນຳເພງໃນCDແຜ່ນນີ້ສູ່ທ່ານຟັງ.
ທີ່ທ່ານພວມຟັງຢູ່ນີ້ແມ່ນເພງ"dan ru dan chu" ເຂົ້າອອກຢ່າງມິດງຽບ ໃນCDແຜ່ນໃໝ່ຂອງທ່ານລີມິງ. ເພງນີ້ເປັນເພງໂສກເສົ້າໜ້ອຍໜຶ່ງ, ສະແດງໃຫ້ເຫັນຄວາມສຸດວິໄສຕໍ່ຄວາມຮັກທີ່ຫາຍໄປ. ເນື້ອເພງມີຢູ່ວ່າ: ເຂົ້າອອກຢ່າງມິດງຽບ, ຄືດັ່ງພາບວິວບ່ອນໜຶ່ງ, ເຈົ້າເຄີຍໄປມາເສັ້ນທາງຄວາມຮັກທີ່ຍາວຢຽດຂອງຂ້ອຍ. ຢູ່ຕາມທາງເສັ້ນນີ້, ຂ້ອຍຍ່າງເຂົ້າຍ່າງອອກ, ບໍ່ລຳຄານເຈົ້າກັບຂ້ອຍ, ຂ້ອຍຢາກໃຫ້ຄວາມຮັກແກ່ເຈົ້າ, ໃຫ້ຄວາມເສລີແກ່ເຈົ້າ.
ທ່ານລີມິງເກີດຢູ່ປັກກິ່ງເມື່ອປີ 1966, ເປັນຄົນເຈົ້າຊູ້ ມີທ່າທາງສຸພາບ. ປີ 1986, ທ່ານລີມິງໄດ້ເຂົ້າຮ່ວມງານປະກວດນັກຮ້ອງໃໝ່ຮົງກົງຄັ້ງທີ 5, ແລະໄດ້ຮັບລາງວັນທີສາມ, ແຕ່ນັ້ນມາ ກໍໄດ້ເຂົ້າວົງການບັນເທິງຢ່າງເປັນທາງການ. ຮອດຊຸມປີ 90 ສະຕະວັດທີ່ແລ້ວ, ທ່ານລີມິງໄດ້ອັດຈຳໜ່າຍCDເພງມ່ວນໆຫຼາຍແຜ່ນ, ແລ້ວໄດ້ຮັບນາມມະຍົດເປັນ"ລາຊາເພງທັງ4"ໂດຍຮ່ວມກັບດາລາເພງຮົງກົງຈີນ 3 ຄົນຄືທ່ານລິວເຕີຮວາ ທ່ານຈ່າງເສຢິວແລະທ່ານໂກຟູ້ເສີງ, ເປັນຜູ້ນຳໜ້າຢູ່ເທິງເວທີເພງສະໄໝນິຍົມຂອງຮົງກົງ.
ເມື່ອໄດ້ເຂົ້າສູ່ເວທີເພງ 20 ປີມານີ້, ທ່ານລີມິງມີອຸປະນິດໄສດີ ເລີຍຮັບຄວາມນິຍົມຊົມຊອບຈາກຜູ້ຟັງ, ທ່ານອາດຈະບໍ່ແມ່ນນັກຮ້ອງຊັ້ນຍອດ, ແຕ່ທ່ານຂັບຮ້ອງເພງໃດກໍສຸດອົກສຸດໃຈທັງເຂົ້າໃຈເນື້ອເພງໄດ້ດີ. ໃນCDແຜ່ນໃໝ່"ນິທານໜຶ່ງ", ທ່ານລີມິງໄດ້ຮ້ອງເພງຢ່າງເອົາຈິງເອົາຈັງ, ທັງໄດ້ລະບາຍອາລົມທີ່ເລິກເຊິ່ງ. ຕໍ່ໄປເຊີນຟັງເພງ"chi jiao nan ren de shan gu" ຮ່ອມພູຂອງຜູ້ຊາຍຕີນເປົ່າ, ເພງນີ້ບໍ່ພຽງແຕ່ມີຊື່ພິເສດທໍ່ນັ້ນ, ເນື້ອເພງກໍມີຄວາມໝາຍເລິກເຊິ່ງ, ໄດ້ສະແດງໃຫ້ເຫັນຄວາມເຈັບໃຈທີ່ບໍ່ໄດ້ສະແດງອອກຂອງຜູ້ຊາຍ.
"ລາວຢາກຮູ້ວ່າຜູ້ນັ້ນແມ່ນໃຜ? ໄດ້ອຸທິດໂລກທີ່ສວຍງາມໃຫ້ເຈົ້າແລ້ວບໍ່? ລາວກ້າພະຈົນໄພບໍ່? ໄດ້ນຳຄວາມສຸກໃຫ້ເຈົ້າທຸກໆມື້ບໍ່? ໃນທີ່ສຸດ, ໄດ້ກັບຄືນຮອດອະດີດຕະການຢ່າງໄວ້ວາງໃຈ, ກັບຄືນຍາມຕາເວັນຄ້ອຍຄ່ຳ, ຈູງມືເຈົ້າ, ປະຕີນເປົ່າ, ຍ່າງຢູ່ໃນຮ່ອມພູທີ່ມີລົມແຮງ, ນຳເອົາຄວາມອວຍພອນທີ່ເວົ້າບໍ່ອອກ. ພວກເຮົາຈົ່ງມາຟັງເພງ"chi jiao nan ren de shan gu" ຮ່ອມພູຂອງຜູ້ຊາຍຕີນເປົ່າ, ຂັບຮ້ອງໂດຍທ່ານລີມີງຢ່າງມີອາລົມເລິກເຊິ່ງ.
ຕໍ່ໄປ ເຊີນຟັງເພງ"you qing lang" ແປວ່າຜູ້ຊາຍຮັກດຽວໃຈດຽວ, ເພງນີ້ແມ່ນເພງເອກຂອງແຜ່ນCDດັ່ງກ່າວ, ມີຈັງຫວະເບົາຈິດເບົາໃຈ ທັງຕະຫຼົກ ແລະມີເນື້ອເພງທີ່ມີຊີວິດຊີວາ ໄດ້ສະແດງໃຫ້ເຫັນສຽງໃນໃຈຂອງຜູ້ຊາຍຫຼາຍຄົນ, ຄື: ຜູ້ໃດກໍບໍ່ຢາກເປັນຄົນຫຼາຍໃຈ, ໃຜກໍຢາກເປັນຄົນູຮັກດຽວໃຈດຽວ. ແຕ່ເລື່ອງທີ່ຂະຫຍາຍຕົວອາດຈະຕ່າງກັບຄວາມມຸ່ງຫວັງດັ່ງກ່າວ.
ເພງນີ້ໄດ້ພັນລະນາຈິດໃຈທີ່ຂັດແຍ່ງ. ເຊີນຟັງໄດ້ເລີຍ: "you qing lang" ຜູ້ຊາຍຮັກດຽວໃຈດຽວ.
ເພງທີ່ທ່ານພວມຟັງຢູ່ນີ້ແມ່ນເພງ" "you qing lang" ຜູ້ຊາຍຮັກດຽວໃຈດຽວ. ຂັບຮ້ອງໂດຍທ່ານລີມິງ. ເນື້ອເພງມີຢູ່ວ່າ: ໃຜບໍ່ຢາກເປັນຄົນຮັກດຽວໃຈດຽວ? ແຕ່ເຈົ້າບໍ່ຢູ່ຄຽງຂ້າງຂ້ອຍ, ໃຜຊິຍິນຍອມໄປພະເນຈອນ? ໃຜຢາກໜີໄປເຈົ້າ? ເຈົ້າກັບຂ້ອຍລ້ວນແຕ່ມີໃຈຈິງ. ຂ້ອຍກໍຢາກຮັກດຽວໃຈດຽວ, ແຕ່ເວົ້າກັບເຮັດຕ່າງກັນ. ແມ່ນໃຜໃຫ້ລາວເຂົ້າແທນຂ້ອຍ? ຖ້າໃນທີ່ສຸດຍັງຈະຈາກກັນ, ເລີ່ມຕົ້ນຫຼືບໍ່ແມ່ນຄືກັນ. ບໍ່ມີເຈົ້າຢູ່ຄຽງຂ້າງຂ້ອຍ, ຂ້ອຍຈະພະຍາຍາມຢູ່ດີໆ.
ໃນCD ແຜ່ນໃໝ່ຂອງທ່ານລີມີງ, ຍັງມີເພງ"xia tian de wei dao" ລົດຊາດລະດູຮ້ອນ, ເພງນີ້ແຕ່ງໂດຍທ້າວຫາຍເລີຍແລະທ້າວລີອີ້ເຈ, ໄດ້ຮັບລາງວັນໃນງານປະກວດເພງທີ່ແຕ່ງໂດຍນັກຮຽນຈີນ. ເຊີນຟັງໄດ້ເລີຍ.
ໃນCDແຜ່ນໃໝ່ຂອງທ່ານລີມິງ"ນິທານໜຶ່ງ"ໄດ້ລວບລວມ 11 ເພງ, ເຖິງວ່າສ່ວນຫຼາຍແມນເພງລະບາຍອາລົມ, ແຕ່ທຳນອງເພງມີຫຼາຍຢ່າງຫຼາຍແນວ, ຟັງແລ້ວຮູ້ສຶກວ່າມີການປ່ຽນແປງຫຼາຍ. ມ້ວນທ້າຍລາຍການມື້ນີ້, ເຊີນຟັງເພງ"bie lai wu yang"ດົນແລ້ວບໍ່ໄດ້ພົບກັນ ໃນແຜ່ນCDດັ່ງກ່າວ. ເພງນີ້ມ່ວນຫຼາຍ, ເນື້ອເພງກໍດີ, ປະໂຫຍກໃດກໍໄດ້ສ່ອງແສງຈິດອາລົມເລິກເຊິ່ງ, ເບິ່ງແລ້ວຄືເສີຍເສີຍຢູ່, ແຕ່ໄດ້ສະແດງໃຫ້ເຫັນຄວາມອ່ອນແອຢູ່ໃນໃຈ.
"ເຈົ້າເປັນຫຍັງມັກອຸກມັກອັ່ງຄືເດັກນ້ອຍ? ເຈົ້າເປັນຫຍັງຍັງຄືແຕ່ກ່ອນ? ເຈົ້າຕ້ອງເຂັ້ມແຂງແຮງກ້າ, ບໍ່ມີຂ້ອຍ ເຈົ້າກໍຕ້ອງມີທ້ອງຟ້າຂອງຕົນ. ດົນແລ້ວບໍ່ໄດ້ພົບກັນ, ເຈົ້າມີແຟນໃໝ່ແລ້ວຄວນໜ້າຊື່ນຕາບານ. ຄວາມເພີ້ຝັນຄວນຂຶ້ນເມືອງສະຫວັນ. ທີ່ທ່ານພວມຟັງຢູ່ນີ້ແມ່ນເພງ"bie lai wu yang" ຂັບຮ້ອງໂດຍທ່ານລີມີງ.(ຈົບ)
|
|
|
