ຕາມຂ່າວCRI: ທ່ານ​ເໝົາ​ສິນ​ອານ ​ໂຄສົກ​ຖະ​ແຫຼງຂ່າວ​ກະຊວງ​ສາທາລະນະ​ສຸກ​ຈີນ​ກ່າວ​ລື້ມ​ວ່າ, ຈີນຫ້າມ​ການ​ຊື້​ຂາຍນາມ​ອະສຸຈິ​ແລະໄຂ່ຜູ່​ຍິງ, ​ແລະ​ຫ້າມ​ການ​ຝາກ​ທ້ອງ.

​ໃນ​ງານ​ຖະ​ແຫຼງຂ່າວ​ທີ່​ຈັດ​ຂຶ້ນ​ວັນ​ທີ 10 ​ເມສາ, ​ໃນ​ເວລາ​ຕອບ​ຄຳ​ຖາມ​ຂອງ​ນັກ​ຂ່າວ, ທ່ານ​ເໝົາ​ສິນ​ອານ​ກ່າວ​ວ່າ, ຈີນ​ຫ້າມ​ບໍ່​ໃຫ້​ໃຊ້​ເຕັກນິກ​ຊ່ອຍອອກ​ແມ່​ແພ​ລູກ​ຂອງ​ຄົນ​ໂດຍ​ທົ່ວ​ທີບ​. ການ​ຊື້​ຂາຍ​ນ້ຳອະສຸຈິ​ແລະ​ໄຂ່ຜູ່​ຍິງ ການ​ຝາກ​ທ້ອງແລະ​ອື່ນໆ​ຈະ​ມີ​ຜົນ​ກະ​ທົບ​ຫຼາຍ​ທີ່​ສຸດ​ຕໍ່ສັງຄົມ​ແລະ​ຄຸນສົມ​ບັດ​ດ້ານຈະລິ​ຍະທຳ, ​ແລະ​ຍັງ​ຝືນ​ກັບ​ສີນ​ທຳ​ສັງ​ຄົມ​​ຈີນ​ໃນ​ປັດຈຸບັນ, ສະນັ້ນ ຢູ່​ຈີນຈຶ່ງ​ຖືກ​ກົດໝາຍ​ກົດ​ບັນຍັດ​ຈີນ​ຫ້າມ​ຢ່າງ​ເຂັ້ມງວດ, ຫຼາຍ​ປະ​ເທດ​ໃນ​ໂລກ​ກໍ່​​ຫ້າມ​ເຊັ່ນ​ດຽວ​ກັນ.

​ໃນຫຼາຍປີ​ມາ​ນີ້, ກະຊວງ​ສາທາລະນະ​ສຸກ​ຈີນ​ໄດ້​ເພີ່ມ​ທະວີ​ການ​ຄຸ້ມ​ຄອງ​ດ້ານ​ເຕັກ​ນິກ​ຊ່ອຍ​ອອກ​ແມ່​ແພ່​ລູກ​ຂອງ​ຄົນແລະ​ສາງ​ອະສຸຈິ, ຍັງ​ໄດ້​ກວດກາ​ຊຳລະ​ບາງອົງການ​ປິ່ນ​ປົວ​ທີ່​ດຳ​ເນີນ​ວຽກ​ງານ​ດ້ານ​ເຕັກນິກຊ່ອຍອອກ​ແມ່​ແພ່​ລູກຂອງ​ຄົນ​ຢ່າງ​ຜິດ​ກົດ​ໝາຍ.