|
ລັດຖະບານປົກຄອງຕົນເອງຂອງປາເລັສຕີນຮຽກຮ້ອງໃຫ້ສະຫະພາບເອີລົບຖອນຄືນການຕົກລົງທີ່ຢຸດຕິການຊ່ອຍເຫຼືອປາເລັສຕີນຊົ່ວຄາວ
cri
Author: cai
ຕາມຂ່າວສານຊີນຮວາ:ວັນທີ 10 ເມສາ,ລັດຖະບານປົກຄອງຕົນເອງຂອງປາເລັສຕີນທີ່ນຳໂດຍອົງການຮາມັດສ໌ໄດ້ອອກຖະແຫຼງການ,ຮຽກຮ້ອງໃຫ້ສະຫະພາບເອີລົບຖອນຄືນການຕົກລົງທີ່ຢຸດຕິໃຫ້ການຊ່ອຍເຫຼືອໂດຍກົງແກ່ລັດຖະບານປາເລັສຕີນຊົ່ວຄາວ.
ຖະແຫຼງການຂຽນວ່າ,ການຕົກລົງດັ່ງກ່າວຂອງສະຫະພາບເອີລົບເປັນການລົງໂທດປະຊາຊົນປາເລັສຕີນທີ່ທຳການເລືອກເອົາຢ່າງມີປະຊາທິປະໄຕ,ກໍ່ບໍ່ມີຜົນດີຕໍ່ຄວາມປອດໄພແລະສະຖຽນລະພາບຂອງພາກພື້ນແຫ່ງນີ້.
ມື້ດຽວກັນ,ຢູ່ກາຊາ,ທ່ານອານ ຈາຮາ ລັດຖະມົນຕີການຕ່າງປະເທດປາເລັສຕີນ ຜູ້ນຳອົງການຮາມັດສ໌ໃຫ້ສຳພາດຕໍ່ສື່ມວນຊົນວ່າ,ປະຊາຊົນປາເລັສຕີນບໍ່ຫ່ອນຈະອ່ອນຂໍ່ຕໍ່ກຳລັງໜີບພາຍນອກແລະການຕົວະຍົວະທາງການເມືອງ.
ມື້ດຽວກັນ,ຊາວປາເລັສຕີນປະມານ 4000 ຄົນເຊິ່ງຕົ້ນຕໍແມ່ນສະມາຊິກອົງການຮາມັດສ໌ໄດ້ແຫ່ຂະບວນຢູ່ໜ້າສຳນັກງານອົງການສະຫະປະຊາຊາດຢູ່ແຖບກາຊາ,ປະທ້ວງສະຫະພາບເອີລົບແລະອາເມລິກາຢຸດຕິການຊ່ອຍເຫຼືອໂດຍກົງຕໍ່ປາເລັສຕີນ.
|
|
