|
|
 |
| (GMT+08:00)
2006-04-11 15:41:41
|
 |
|
ສະຫະພັນວັດທະນະທຳອາຊີຈະຕັ້ງສຳນັກງານໃຫຍ່ຢູ່ເມືອງທຽນສິນຂອງຈີນ
cri
Author: shuo
ຕາມຂ່າວສານຊິນຮວາ:ຫວ່າງແລ້ວນີ້,ນັກຂ່າວໄດ້ຊາບຈາກເວທີປາໄສອຸດສາຫະກຳວັດທະນະທຳແລະການຮ່ວມມືພາກພື້ນອາຊີທີ່ຈັດຂຶ້ນຢູ່ເມືອງທຽນສິນຂອງຈີນວ່າ,ສະຫະພັນວັດທະນະທຳອາຊີຈະຕັ້ງສຳນັກງານໃຫຍ່ຢູ່ເມືອງທຽນສິນ.
ສະຫະພັນວັດທະນະທຳອາຊີແມ່ນອົງການຈັດຕັ້ງວັດທະນະທຳຂອງ16ປະເທດແລະເຂດແຄ້ວນອາຊີລິເລີ່ມສ້າງຕັ້ງຂຶ້ນໃນກອງປະຊຸມການຮ່ວມມືວັດທະນະທຳອາຊີທີ່ຈັດຂຶ້ນຢູ່ປັກກິ່ງໃນປີ2004,ຈຸດປະສົງຂອງສະຫະພັນດັ່ງກ່າວແມ່ນເພື່ອເພີ່ມທະວີການແລກປ່ຽນແລະຮ່ວມມືກັນດ້ານວັດທະນະທຳລະຫວ່າງບັນດາປະເທດອາຊີ.
ຕາມຊາບວ່າ,ສະຫະພັນວັດທະນະທຳອາຊີຈະຊຸກຍູ້ການກໍ່ສ້າງສວນອຸດສາຫະກຳວັດທະນະທຳອາຊີຢ່າງເປັນຈຸດໜັກ,ເຊິ່ງລວມທັງໂຄງການຕ່າງໆ ເຊັ່ນທີ່ໝັ້ນຂອງສຳນັກງານໃຫຍ່ສະຫະພັນວັດທະນະທຳອາຊີ ສູນປະຊຸມແລະວາງສະແດງການແລກປ່ຽນວັດທະນະທຳອາຊີເປັນຕົ້ນ,ເມື່ອສ້າງສຳເລັດແລ້ວ,ສວນດັ່ງກ່າວຈະກາຍເປັນສູນແລກປ່ຽນດ້ານວັດທະນະທຳຂອງອາຊີແລະແຫຼ່ງສົ່ງອອກຜະລິດຕະພັນວັດທະນະທຳຂອງຈີນ,ພ້ອມກັນນັ້ນກໍຈະກາຍເປັນເມືອງວັດທະນະທຳແຫ່ງໃໝ່ທີ່ຊັກນຳການພັດທະນາເສດຖະກິດຂອງພາກພື້ນ.
|
|
|
