|
|
 |
| (GMT+08:00)
2006-04-11 16:42:18
|
 |
|
ຈະກຳຈັດກິ່ນຂິວກິ່ນເໝັນໃນເຮືອນແນວໃດ
cri
|
ທີ່ນີ້, ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ້ຟັງທີ່ໂຄລົບ, ຊົມເຊີຍທ່ານຮັບຟັງລາຍການສາລະຄະດີໜ້າຮູ້. ໃນຊີວິດປະຈຳວັນຂອງພວກເຮົາ, ກິ່ນຂິວກິ່ນເໝັນໃນເຮືອນຈະສ້າງຜົນກະທົບຕໍ່ຊີວິດການເປັນຢູ່ຂອງພວກເຮົາ, ກິ່ນຢາສູບ, ກິ່ນເໝັນຂອງສັດລ້ຽງເພື່ອຫຼິ້ນ, ກິ່ນເໝັນໃນທໍ່ລະບາຍນ້ຳໂສໂຄກຂອງຫ້ອງນ້ຳລ້ວນແຕ່ມີຜົນກະທົບຕໍ່ຄຸນນະພາບຊີວິດຂອງພວກເຮົາ. ມີບາງເທື່ອ, ເປີດປ່ອງຢ້ຽມແລ້ວກໍ່ບໍ່ໄດ້ຜົນປານໃດ. ທີ່ຈິງແລ້ວ, ພວກເຮົາມີຫຼາຍວິທີກຳຈັດກິ່ນຂິວກິ່ນເໝັນດັ່ງກ່າວໄດ້ງ່າຍໆ.
ກິ່ນຢາສູບໃນຫ້ອງ. ເອົາຂີ້ຊາທີ່ເຫຼືອໄວ້ນັ້ນໄປຕາກໃຫ້ແຫ້ງ, ປະໄວ້ຢູ່ແຈຫ້ອງ, ກໍສາມາດດູດກິ່ນຂິວຂອງຢາສູບ; ຍັງສາມາດໃຊ້ຜ້າອ່ອນຈຸ່ມນ້ຳສົ້ມຈາງ, ວິດໃສພື້ນຫ້ອງຫຼາຍຄັ້ງ, ກໍມີຜົນດີຕໍ່ການກຳຈັດກິ່ນຂິວຂອງຢາສູບ; ຖ້າໃຊ້ເຄື່ອງສີດນ້ຳສົ້ມ, ຈະມີຜົນດີກວ່າ.
ກິ່ນເໝັນຢູ່ໃນທໍ່ລະບາຍນ້ຳໂສໂຄກຂອງຫ້ອງນ້ຳ. ກ່ອນອື່ນ, ຕ້ອງກວດວ່າທໍ່ລະບາຍນ້ຳໂສໂຄກລຸລ່ວງຫຼືບໍ່. ຖ້າຖືກຕັນແລ້ວ, ກໍຖອກໂຊດາທີ່ພໍດ້າມພໍດີເຂົ້າທໍ່ລະບາຍນ້ຳໂສໂຄກ, ເຮັດແນວນີ້ຈະລ້າງຄາບນ້ຳມັນແລະຂີ້ໝ້ຽງໃນທໍ່ໄດ້ດີ. ຖັດມາ, ຖ້າທໍ່ລະບາຍນ້ຳໂສໂຄກລຸລ່ວງດີ, ແຕ່ຍັງມີກິ່ນເໝັນອອກມາ, ກໍໃຊ້ຫຼັກໝູນທີ່ນ້ຳຕັນກິ່ນໄດ້, ເອົາຖົງຢາງທີ່ໃສ່ນ້ຳ, ມັດປາກຖົງຢາງ, ອັດຢູ່ເທິງປາກທໍ່, ນີ້ກໍສາມາດອັດກິ່ນໝັນໄດ້ດີ. ນອກນັ້ນ, ດີທີ່ສຸດແມ່ນຮັກສາໃຫ້ປາກທໍ່ນັ້ນມີນ້ຳສະອາດ, ເຮັດແນວນີ້ຈະປ້ອງກັນບໍ່ໃຫ້ກິ່ນເໝັນລະບາຍອອກມາ.
ກິ່ນຂິວຂອງສັດລ້ຽງເພື່ອຫຼິ້ນ. ດີທີ່ສຸດຢ່າໃຫ້ແມວແລະໝາເຂົ້າຫ້ອງນ້ຳໃນເຮືອນ, ຫຼືເອົາຂີ້ຊາຍໄວ້ຢູ່ບ່ອນທີ່ມີລົມລຸລ່ວງດີເພື່ອໃຫ້ແມວແລະໝາໄປຂີ້. ຢູ່ໃຕ້ກົ້ນແລະຢູ່ລະຫວ່າງຕີນຂອງແມວແລະໝານັ້ນມີເສັ້ນລະບາຍກິ່ນ, ສະນັ້ນ, ບ່ອນທີ່ມັນໄປຮອດນັ້ນຕ້ອງເຫຼືອກິ່ນຂອງມັນ, ນອກຈາກອາບນ້ຳໃຫ້ພວກມັນເປັນປະຈຳແລ້ວ, ຢ່າໃຫ້ພວກມັນໃສ່ເກີບ, ໃຫ້ແມວແລະໝາເລຍຕີນຂອງຕົນເລື້ອຍໆ, ເມື່ອເປັນແນວນີ້, ກິ່ນຂອງມັນຈະຈາງລົງ. ຖ້າຢູ່ເທິງຕັ່ງຊາລົງແລະແປ້ນປູພື້ນຍັງມີກິ່ນ, ໃຫ້ໄຕ້ທຽນຢູ່ຫຼາຍບ່ອນໃນເຮືອນ, ປະມານ20ຫາ30ນາທີ, ເພາະວ່າຄວັນສາມາດແກ້ກິ່ນຂິວໄດ້; ຫຼືວ່າເອົານ້ຳນົມຈານໜຶ່ງປະໄວ້ຢູ່ພື້ນ; ຍັງສາມາດສີດຢາແກ້ກິນຂິວສະເພາະໃສ່ສັດລ້ຽງເພື່ອຫຼິ້ນ, ເພາະມັນສາມາດແຍກທາດກິ່ນຂິວເປັນກາກບອນດີອອກສິດແລະນ້ຳ, ນີ້ເປັນວິທີດັບກິ່ນຂິວຢ່າງປອດໄພແລະວ່ອງໄວ.
ຖ້າໃນຕູ້ແລະລີ້ນຊັກມີກິ່ນບູດແລ້ວ. ເອົາສະບູໄວ້ຢູ່ໃນຕູ້ຫຼືລີ້ຊັກ; ເອົາຂີ້ໃບຊາທີ່ຕາກແຫ້ງແລ້ວໃສ່ເຂົ້າຖົງຜ້າບັງ, ແລ້ວໄວ້ຢູ່ແຈຕູ້, ວິທີນີ້ບໍ່ພຽງແຕ່ດັບກິ່ນບູດໄດ້, ຍັງມີກິ່ນຫອມລະບາຍອອກເລື້ອຍໆ.
ກິ່ນເໝັນໃນໂຖດອກໄມ້. ຖ້າເອົານ້ຳໝັກເຊື້ອມາເປັນຝຸ່ນ, ໃນໂຖດອກໄມ້ອາດຈະມີກິ່ນເໝັນອອກ. ສາມາດຕັດເປືອກໝາກກ້ຽງເປັນຕ່ອນ, ປົນກັບນ້ຳຝຸ່ນແລ້ວຫົດໃສ່ໂຖ, ຈະດັບກິ່ນເໝັນໄດ້ໂລດ.
ກິ່ນກັບອາຫານໃນເຮືອນຄົວ. ຖອກນ້ຳສົ້ມໃສ່ໃນໝໍ້, ແລ້ວຕົ້ມນ້ຳສົ້ມຮ້ອນຂຶ້ນແລ້ວມີອາຍນ້ຳສົ້ມເຫີຍອອກ, ຈະດັບກິ່ນກັບອາຫານໃນເຮືອນຄົວໄດ້.
ຕໍ່ສະພາບການດັ່ງກ່າວ, ຖ້າໃຊ້ວິທີເຄມີຕ່າງໆດັບກິ່ນເໝັນມົນ, ຜະລິດຕະພັນດັບກິ່ນໃນຫ້ອງມີປະສິດທິຜົນສູງ, ແຕ່ຄວນຢູ່ໃຕ້ການຊີ້ນຳຂອງວິຊາການ. ຖ້າໃຊ້ວິທີພື້ນເມືອງຕ່າງໆເຊັ່ນ: ຈູດທູບຫອມ, ສີດຢາຫອມຫຼືສີດນ້ຳຫອມເປັນຕົ້ນພຽງແຕ່ດັບກິ່ນຂິວໃນເຮືອນຊົ່ວຄາວເທົ່ານັ້ນ, ມີຄວາມຮູ້ສຶກດີກວ່າເກົ່າຊົ່ວຄາວເທົ່ານັ້ນ, ທີ່ຈິງແລ້ວ, ຢາກດິບກິ່ນດັ່ງກ່າວບໍ່ມີປະສິດທິຜົນຫຼາຍປານໃດ, ບາງທີ່ຍັງລະບາຍທາດຜິດ, ມີຜົນຮ້າຍຕໍ່ສຸຂະພາບ, ສະນັ້ນຕ້ອງລະວັງ.
ຂ່າວສຸຂະພາບປະຈຳອາທິດ: ຜູ້ເຖົ້າຜູ້ແກ່ຄວນນອນແບບໃດ?
ວາດນອນມີແຕ່4ວາດຄື: ນອນຫງາຍ, ນອນສະແຄງເບື້ອງຊ້າຍ, ນອນສະແຄງເບື້ອງຂວາແລະນອນຂວ້ຳເປັນຕົ້ນ.
ເມື່ອນອນຫງາຍ, ຮ່າງຄີງຕິດກັບຕຽງນອນຫຼາຍກວ່າໝູ່, ສະນັ້ນຈະບໍ່ເມື່ອຍປານໃດ, ທັງມີຜົນດີໃຫ້ເລືອດໃນສະໝອງແລະຕີນມືແລ່ນໄດ້ດີ. ແຕ່ມີຜູ້ເຖົ້າບາງຄົນ, ໂດຍສະເພາະແມ່ນຜູ້ເຖົ້າທີ່ອ່າວຕຸ້ຍແດ່, ເມື່ອນອນຫງາຍຈະໂກນໄດ້ງ່າຍ, ບາງເທື່ອສຽງໂກນກໍດັງແຮງຫຼາຍ, ນີ້ບໍ່ພຽງແຕ່ຈະລົບກວນຄົນອື່ນເທົ່ານັ້ນ, ບາງທີ່ຈະມີຜົນກະທົບຕໍ່ການຖ່າຍເທອາກາດຢູ່ໃນປອດແລ້ວເກີດມີອາການຂາດອັອກຊີແຊນແລະເລືອດ.
ເມື່ອນອນສະແຄງເບື້ອງຂວາ, ຍ້ອນວ່າທາງອອກຂອງກະເພາະຢູ່ທາງລຸ່ມ, ສະນັ້ນມີຜົນດີຊ່ອຍໃຫ້ອາຫານໃນກະເພາະລະບາຍອອກ, ແຕ່ນອນສະແຄງເບື້ອງຂວາອາດຈະເຮັດໃຫ້ຮ່າງຄີງເບື້ອງຂວາຖືກໜີບ, ສະກັດກັ້ນເລືອດໄຫຼຄືນຂາແລະມືເບື້ອງຂວາຮູ້ສຶກມຶນບໍ່ສະບາຍ.
ນອນສະແຄງເບື້ອງຊາຍ, ບໍ່ພຽງແຕ່ເຮັດໃຫ້ຮ່າງຄີງເບື້ອງຊ້າຍຖືກໜີບ, ແລະເຮັດໃຫ້ການລະລາຍອາຫານໃນກະເພາະຊ້າລົງເທົ່ານັ້ນ, ຍັງເຮັດໃຫ້ໝາກຫົວໃຈຖືກບີບແຮງທີ່ສຸດ, ບໍ່ມີຜົນດີຕໍ່ການໄຫຼວຽນຂອງເລືອດເຂົ້າຫົວໃຈ, ສ່ວນນອນຂວ້ຳອາດເຣັດໃຫ້ຫາຍໃຈຍາກ, ແລະກະທົບຕໍ່ການໄຫຼວຽນຂອງເລືອດຢູ່ໃບໜ້າ, ເຮັດໃຫ້ຜິວໜັງບົນໃບໜ້າແກ່ງ່າຍ.ສະນັ້ນ, ບັນດາຜູ້ເຖົ້າຜູ້ແກ່ບໍ່ຄວນນອນສະແຄງເບື້ອງຊ້າຍແລະນອນຂວ້ຳ, ດີທີ່ສຸດແມ່ນນອນຫງາຍແລະນອນສະແຄງເບື້ອງຂວາ, ສ່ວນຜູ້ເຖົ້າທີ່ນອນໂກນແລະກະເພາະອັກເສບ, ລະລາຍອາຫານບໍ່ດີແລະກະເພາະຢ່ອນນັ້ນດີທີ່ສຸດຄວນນອນສະແຄງເບື້ອງຂວາ.
|
|
|
