ຕາມ​ຂ່າວCRI:ວັນ​ທີ10​ເມສາ,ທ່ານບຸ​ສ ປະທານາທິບໍດີ​ອາ​ເມ​ລິ​ກາ​ກ່າວ​ວ່າ,​ເພື່ອ​ຮັບມື​ກັບ​ຄຳ​ຕິ​ຕຽນ​ຂອງ​ບັນ​ດາ​ຝ່າຍ​ພາຍ​ໃນ​ປະ​ເທດ,​ທ່ານ​ເຄີຍ​ມອບ​ສິດ​ໃຫ້​​ເປີດ​ເຜີຍ​ຂ່າວ​ກອງ​ສ່ວນ​ໜຶ່ງ​ທີ່​ອາ​ເມ​ລິ​ກາ​ເກັບ​ກຳມາ​ໄດ້​ກ່ອນ​ສົງ​ຄາມ​ອີ​ຣັກ.

ທ່ານ​ບຸ​ສ​ແມ່ນ​ໃຫ້​ທັດສະນະ​ດັ່ງ​ກ່າວ​ໃນ​ເວລາ​ຕອບ​ຄຳ​ຖາມ​ຫຼັງກ່າວ​ປາຖະກະຖາ​ຢູ່​ວິ​ທະ​ຍາ​ໄລ​ການ​ພົວ​ພັນ​ສາ​ກົນ​ຊັ້ນ​ສູງ​ຂອງ​ມະຫາ​ວິທະຍາ​ໄລ​ຈອນສ໌ ​ໂຮບ​ຄີນສ໌.​ທ່ານ​ເວົ້າ​ວ່າ,​ທ່ານ​ມອບ​ສິດ​ໃຫ້​ເປີດ​ເຜີຍ​ຂ່າວ​ກອງ​ແມ່ນ​ຫວັງ​ໃຫ້​ຄົນ​ທັງ​ຫຼາຍ​ເຂົ້າ​ໃຈ​ເລື່ອງ​ຈິງ​ຂອງ​ສົງ​ຄາມ​ອີ​ຣັກ.​ແຕ່​ທ່ານ​ບຸສ​ປະ​ຕິ​ເສດ​ບໍ່​ໃຫ້​ຄຳ​ວິ​ຈານ​ຕໍ່​ເລື່ອງ​ທີ່​ວົງ​ການ​ພາຍ​ນອກ​ກ່າວ​ວ່າ,​ທ່ານ​ມອບ​ສິດ​ໃຫ້​ທ່ານ​ລີ​ບີ ຮອງ​ຫົວ​ໜ້າ​ຫ້ອງ​ການ​ຮອງ​ປະ​ທາ​ນາ​ທິ​ບໍ​ດີ​ອາ​ເມ​ລິ​ກາ​ໃນ​ຍາມ​ນັ້ນ​ເປີດ​​ເຜີຍ​ຂ່າວ​ກອງ​ທີ່​ອາ​ເມ​ລິ​ກາ​ເກັບ​ກຳ​ມາ​ໄດ້​ກ່ອນ​ສົງ​ຄາມ​ອີ​ຣັກ​ໃຫ້​ນັກ​ຂ່າວ​ຊາບ.