|
ທ່ານເຂົ້າໃຈພາສາມືຂອງຄົນຫູໜວກປາກກືກໄດ້ຫຼືບໍ່?ຖ້າວ່າທ່ານພົບກັບຄົນຫູໜວກປາກກືກຜູ້ໜຶ່ງຈະລົມກັບລາວເປັນແນວໃດ?ຫວ່າງກ່ອນນີ້ບໍ່ດົນ,ສະຖາບັນຄົ້ນຄວ້າເຕັກນິກຄອມພິວເຕີຂອງສະພາ ບັນດິດວິທະຍາສາດຈີນໄດ້ຄົ້ນຄວ້າຜະລິດເຄື່ອງອ່ານພາສາມືແລ້ວຫັນເປັນສຽງເວົ້າຊຸດໜຶ່ງຢ່າງສຳເລັດຜົນ,ມັນສາມາດຊ່ອຍໃຫ້ຄົນຫູໜວກປາກກືກເວົ້າໄດ້,ກໍສາມາດເຮັດໃຫ້ຄົນຫູໜວກປາກກືກຟັງເຂົ້າໃຈຄຳເວົ້າຂອງຄົນປົກກະຕິໄດ້.
ທ່ານຜູ້ຟັງ,ທີ່ຟັງມານັ້ນແມ່ນການສົນທະນາລະຫວ່າງນັກຂ່າວກັບລູກສາວທີ່ຫູໜວກປາກ ກືກຜູ້ໜຶງທີ່ຊື່ວ່າມາຢານ.ນັກຂ່າວຖາມສະບາຍດີນຳນ້ອງມາຢານ,ແລ້ວຖາມລາວມັກເຮັດຫຍັງໃນຊີວິດປະຈຳວັນ,ນ້ອງມາຢານຕອບວ່າ,ລາວມັກທ່ຽວຕະຫຼາດ,ທ່ອງບ່ອນທ່ອງທ່ຽວ ແລະອ່ານປື້ມກາຕູນ.ທ່ານອາດຈະຮູ້ສຶກແປກປະຫຼາດໃຈທີ່ສຸດ,ຄົນຫູໜວກປາກກືກຈະລົມກັບຄົນປົກກະຕິໄດ້ແນວໃດ?ບໍ່ຕ້ອງຮູ້ສຶກແປກປະຫຼາດ,ທັງໝົດເຫົ່ຼານີ້ແມ່ນບັນລຸເປັນຈິງໄດ້ໂດຍຜ່ານເຄື່ອງອ່ານພາສາມືແລ້ວຫັນເປັນສຽງເວົ້າ.ອຸປະກອນທີ່ອັດສະຈັນດັ່ງກ່າວແມ່ນຄົ້ນຄວ້າຜະລິດໂດຍສະຖາບັນຄົ້ນຄວ້າເຕັກນິກຄອມພິວເຕີຂອງສະພາບັນດິດວິທະ ຍາສາດຈີນ.
ນັກຂ່າວໄດ້ເຫັນວ່າ,ລະບົບດັ່ງກ່າວປະກອບດ້ວຍຄອມພິວເຕີເຄື່ອງໜຶ່ງແລະມີຖົງມືຄູ່ໜຶ່ງຕິດກັບມັນ.ລະບົບນີ້ດ້ານໜຶ່ງສາມາດຫັນພາສາມືຂອງນາງມາຢານເປັນສຽງເວົ້າ,ອີກດ້ານໜຶ່ງກໍສາມາດແປພາສາຮ້ານທີ່ນັກຂ່າວເວົ້າອອກເປັນພາສາມື.ແຕ່ນາງມາຢານທຳອອກພາສາມືຈົນຮອດເຄື່ອງນີ້ອ່ານພາສາມືຂອງນາງເຂົ້າໃຈແລ້ວຫັນເປັນສຽງເວົ້າ,ຂະບວນດັ່ງ ກ່າວເສຍແຕ່ບໍ່ເທົ່າໃດວິນາທີທໍ່ນັ້ນ.ໂດຍອາໄສເຄື່ອງນີ້,ນັກຂ່າວກັບນາງມາຢານສາມາດໂອ້ລົມກັນຢ່າງຂ້ອນຂ້າງສະດວກ.
ທ່ານດອກເຕີເຊິນອີ້ຊຽງທີ່ເຂົ້າຮ່ວມການຄົ້ນຄວ້າລາຍນີ້ບອກນັກຂ່າວວ່າ,ຄວາມລຶກລັບຂອງເຄື່ອງອ່ານພາສາມືແມ່ນຢູ່ໃນຖົງມືທີ່ເບິ່ງຊົງຄືວ່າທຳມະດາທີ່ສຸດຄູ່ນີ້.ທັງໆທີ່ຄົນຫູ ໜວກປາກກືກໃສ່ຖົງມືຄູ່ນີ້ແລ້ວທຳອອກພາສາມື,ພາສາມືກໍຈະຖືກແປເປັນພາສາຮ້ານໄດ້. ຖົງມືທີ່ເບິ່ງຊົງຄືວ່າທຳມະດາຄູ່ນີ້,ໄດ້ຕິດມີເຄື່ອງສົ່ງສັນຍານອັນກ້າວໜ້າ18ອັນແລະເຄື່ອງຕິດຕາມບ່ອນໄວ້1ອັນ.ເຄື່ອງສົ່ງສັນຍານແລະເຄື່ອງຕິດຕາມບ່ອນໄວ້ເຫຼົ່ານີ້ສາມາດຫັນຮູບແລະບ່ອນໄວ້ຂອງມືເປັນຂໍ້ມູນທີ່ຄອມພິວເຕີຈຳແນກໄດ້ຕາມຫຼັກເກນອັນແນ່ນອນ. ຢ່າຖືເບົາເຄື່ອງຊີກສ່ວນເຫຼົ່ານີ້,ກໍແມ່ນຍ້ອນຄວາມລະອຽດແມ່ນຢຳຂອງເຄື່ອງຊີກສ່ວນເຫຼົ່ານີ້,ເຄື່ອງດັ່ງກ່າວຈຶ່ງສາມາດອ່ານພາສາມືເຂົ້າໃຈໄດ້5ພັນກວ່າສັບ.ກໍແມ່ນຍ້ອນຫຼັກ ມູນດັ່ງກ່າວ,ຄອມພິວເຕີຈຶ່ງສາມາດຟັງເຂົ້າໃຈຄວາມໝາຍຂອງພາສາມືຂອງນາງມາຢານ,ແລ້ວຫັນເປັນສຽງເວົ້າ.
ຄັນຊັ້ນ,ນາງມາຢານຟັງເຂົ້າໃຈຄຳເວົ້າຂອງນັກຂ່າວໄດ້ແນວໃດ?ທ່ານດອກເຕີເຊິນອີ້ຊຽງແນະນຳວ່າ,ຂະບວນວິວັດນີ້ເອີ້ນເປັນຂະບວນຫັນພາສາມືເປັນສຽງເວົ້າ,ງ່າຍກວ່າຂະບວນ ການອ່ານພາສາມືໜ້ອຍໜຶ່ງໂດຍທຽບຖານ.
"ປະຈຸບັນນີ້,ໃນຕະຫຼາດມີຊອຟແວດຈຳແນກສຽງເວົ້າຈຳນວນຫຼວງຫຼາຍ,ມັນສາມາດຫັນສຽງເວົ້າເປັນຕົວໜັງສືທາງລາຍລັກອັກສອນໄດ້ຢ່າງງ່າຍດາຍທີ່ສຸດ.ເຄື່ອງຫັນພາສາມືເປັນສຽງເວົ້າຂອງພວກເຮົາກໍແມ່ນໃຊ້ກະບອກສຽງເກັບເອົາສຽງເວົ້າຂອງຄົນ,ແລ້ວຫັນເປັນຕົວໜັງສືທາງລາຍລັກອັກສອນດ້ວຍຊອຟແວດຈຳແນກສຽງເວົ້າ.ພາຍນັ້ນມາ,ຄົນອຸປະໂຫຼກສາມນິຕິຜູ້ໜຶ່ງທີ່ຢູ່ໃນຄອມພິວເຕີຈະສະແດງຕົວໜັງສືດັ່ງກ່າວເປັນພາສາມືໃຫ້ຄົນຫູໜວກເບິ່ງ."
ຜ່ານການທົດລອງແລະຢັ່ງແທກ,ອັດຕາອ່ານເຂົ້າໃຈໄດ້ຂອງຄົນຫູໜວກປາກກືກຕໍ່ພາສາມືທີ່ຄົນອຸປະໂຫຼກສະແດງອອກນັ້ນໄດ້ບັນລຸ95%.ຖ້າເປັນແນວນີ້,ຄວາມໝາຍທີ່ຄົນຫູ ໜວກປາກກືກຢາກສະແດງໃນຊີວິດປະຈຳວັນລ້ວນແຕ່ຫັນເປັນສຽງເວົ້າໃຫ້ຄົນປົກກະຕິຟັງໄດ້.ຕາມຊາບວ່າ,ປະຈຸບັນນີ້,ຢູ່ຈີນມີຄົນທີ່ມີອຸປະສັກດ້ານການອອກສຽງແລະຍິນສຽງປະມານ20ລ້ານຄົນ,ໃນຊີວິດປະຈຳວັນ,ພວກເຂົາເຈົ້າພົບພໍ້ຄວາມຫຍຸ້ງຍາກຫຼາຍ,ຕົວຢ່າງຄື,ໃນເວລາພວກເຂົາເຈົ້າໄປຝາກເງິນຢູ່ທະນາຄານ,ຫຼືວ່າໄປກວດພະຍາດຢູ່ໂຮງໝໍ,ລ້ວນແຕ່ບໍ່ສະດວກທີ່ສຸດ,ຢ່າງບໍ່ຕ້ອງສົງໄສວ່າ,ເຄື່ອງອ່ານພາສາມືແລ້ວຫັນເປັນສຽງເວົ້າດັ່ງ ກ່າວໄດ້ສົ່ງຂ່າວດີໃຫ້ພວກເຂົາເຈົ້າ.
ອາຈານຫຼີຂອງໂຮງຮຽນຄົນຫູໜວກທີສາມນະຄອນປັກກິ່ງໄດ້ໃຊ້ເຄື່ອງຊຸດນີ້ແລ້ວ.ນາງເວົ້າວ່າ,ແຕ່ກ່ອນ,ການແລກປ່ຽນຄວາມຄິດລະຫວ່າງນາງກັບນັກຮຽນແມ່ນອາໄສພາສາມື, ນາງໄດ້ເສຍເວລາຫຼາຍເພື່ອຮຽນຮູ້ພາສາມື.ຖ້າວ່າຍາມນັ້ນກໍໄດ້ມີເຄື່ອງອ່ານພາສາມືແລ້ວຫັນເປັນສຽງເວົ້າຊຸດນີ້,ກໍບໍ່ຕ້ອງເສຍເວລາຮຽນພາສາມືແລ້ວ.ແຕ່ວ່າ,ສິ່ງທີ່ພາໃຫ້ອາຈານຫຼີຮູ້ສຶກບໍ່ພໍໃຈໜ້ອຍໜຶ່ງແມ່ນ,ເຄື່ອງນີ້ມີສາຍໄຟຟ້າຫຼາຍເກີນໄປຕິດກັບຖົງມື,ຊັ້ນການຖືໄປມາກໍບໍ່ສະດວກປານໃດ.
ນາງທົງເວີ່ຍກໍໄດ້ເອົາໃຈໃສ່ນຳການຄົ້ນຄວ້າເຄື່ອງແປພາສາມືດັ່ງກ່າວໂດຍຕະຫຼອດ, ນາງຢາກຊື້ອຸປະກອນແນວນີ້ຊຸດໜຶ່ງໃຫ້ລູກສາວທີ່ມີອຸປະສັກດ້ານການຍິນສຽງ,ແຕ່ວ່າລາ ຄາທີ່ແພງຫຼາຍຂອງລະບົບນີ້ໃຫ້ນາງທົງເວີ່ຍຊື້ບໍ່ໄດ້.
"ຂ້າພະເຈົ້າຍິນວ່າ,ຖ້າຢາກຊື້ເຄື່ອງຊຸດນີ້ຕ້ອງການຫຼາຍໝື່ນຢວນ,ແພງໂພດ,ພວກເຮົາຊື້ບໍ່ໄດ້."
ປະຈຸບັນນີ້,ນັກຄົ້ນຄວ້າທັງຫຼາຍຂອງສະຖາບັນຄົ້ນຄວ້າເຕັກນິກຄອມພິວເຕີພວມສຸມກຳ ລັງເຂົ້າໃນການແກ້ໄຂບັນຫາດັ່ງກ່າວ.ນາງວາງລີ້ຊຸ່ນທີ່ເປັນເພື່ອນຮ່ວມງານຂອງທ່ານດອກເຕີເຊິນບອກນັກຂ່າວວ່າ,ຖົງມືແບບນີ້ມັກເປ່ເພ,ແລະລາຄາແພງທີ່ສຸດ,ສະນັ້ນ,ດຽວນີ້ພວກເຂົາເຈົ້າພວມກຽມໃຊ້ເຄື່ອງຖ່າຍຮູບອັນພິເສດມາທົດແທນຖົງມືແບບນີ້.ແຕ່ວ່າສັງເກດຈາກລະດັບເຕັກນິກໃນສະເພາະໜ້ານີ້,ອັດຕາອ່ານເຂົ້າໃຈພາສາມືຂອງເຄື່ອງຖ່າຍ ຮູບຍັງຕ່ຳກວ່າຖົງມືແບບນີ້.ສະນັ້ນ,ເຮັດແນວໃດຈຶ່ງຍົກຄວາມສາມາດອ່ານເຂົ້າໃຈພາສາມືອງເຄື່ອງຖ່າຍຮູບໃຫ້ສູງຂຶ້ນໄດ້,ແມ່ນຈຸດໜັກໃນວຽກຕໍ່ໄປຂອງພວກເຂົາເຈົ້າ.
ເຖິງວ່າປະຈຸບັນນີ້,ເຄື່ອງແປພາສາມືຍັງມີຂໍ້ຕົກບົກຜ່ອງບາງຢ່າງ,ແຕ່ວ່າ,ມັນໄດ້ເຮັດໃຫ້ຄົນຫູໜວກປາກກືກກັບຄົນປົກກະຕິແລກປ່ຽນຄວາມຄິດກັນດ້ວຍວິທີທີ່ຕົນລື້ງກັບນັ້ນໄດ້,ໄດ້ສະໜອງພາຫະນະອັນໃໝ່ໃຫ້ຄົນຫູໜວກປາກກືກໄປເຂົ້າຮ່ວມຊີວິດສັງຄົມຢ່າງສະເໝີພາບ.ນ້ອງທຽນເມີງປີນີ້ອາຍຸ16ປີ,ແຕ່ໃດມານາງໄດ້ຮູ້ສຶກອຸກອັ່ງທີ່ສຸດຍ້ອນຕົນມີອຸປະສັກດ້ານການຍິນສຽງ.ແຕ່ວ່າ,ປະຈຸບັນນີ້,ເມື່ອນາງປະເຊີນໜ້າກັບຜະລິດຕະພັນວິທະຍາສາດເຕັກນິກອັນໃໝ່ດັ່ງກ່າວ,ນາງໄດ້ເວົ້າອອກຄວາມມ່ວນໃນໃຈໃຫ້ໝົດທຸກຄົນທີ່ຢູ່ຂ້າງຟັງໃນທັນທີ.
"ນ້ອງຊື່ວ່າທຽນເມີງ,ປີນີ້ອາຍຸ16ປີ.ນ້ອງຄິດບໍ່ເຖິງວ່າ ປະຈຸບັນນີ້ ວິທະຍາສາດເຕັກນິກໄດ້ພັດທະນາກ້າວໜ້າປານນີ້,ພາສາມືຂອງຂ້ອຍສາມາດຫັນເປັນສຽງເວົ້າ,ຖ້າວ່າເຈົ້າບໍ່ເຂົ້າໃຈພາສາມືກໍຮັບຮູ້ຄວາມໝາຍຂອງຂ້ອຍໄດ້ແລ້ວ."
|
