ຕາມຂ່າວສານຊິນຮວາ:ວັນທີ11 ເມສາ,ທ່ານໂມຟາສ ລັດຖະມົນຕີກະຊວງການປ້ອງກັນຊາດອິສຣາແອນກ່າວວ່າ,ອິສຣາແອນຈະສືບຕໍ່ເພີ່ມທະວີການໂຈມຕີທາງການທະຫານຢູ່ແຖບກາຊາ.
ຫວ່າງມໍ່ໆນີ້,ຝ່າຍອິສຣາແອນໄດ້ເພີ່ມທະວີການເຄື່ອນໄຫວທາງການທະຫານຢູ່ແຖບກາຊາ,ແຕ່ວັນທີ7 ເມສາເປັນຕົ້ນມາ,ຢ່າງໜ້ອຍມີຊາວປາເລັສຕິນ18ຄົນເສຍຊີວິດໃນການເຄື່ອນໄຫວທາງການທະຫານຂອງຝ່າຍອິສຣາແອນ.
ວັນທີ9 ເມສາ,ໂຄສົກຂອງທຳນຽບນາຍົກລັດຖະມົນຕີປາເລັສຕິນກ່າວປະນາມຢ່າງຮຸນແຮງຕໍ່ການເຄື່ອນໄຫວທາງການທະຫານຂອງກອງທະຫານອິສຣາແອນຢູ່ແຖບກາຊາ,ແລະກ່າວວ່າ,ຝ່າຍປາເລັສຕິນຈະບໍ່ປະລະສິດຕໍ່ຕ້ານດ້ວຍກຳລັງອາວຸດຢ່າງເດັດຂາດ.ຫວ່າງມໍ່ໆນີ້,ທ່ານຣີຢາດ ມານຊູ ນັກສັງເກດການປາເລັສຕິນປະຈຳສະຫະປະຊາຊາດຂຽນຈົດໝາຍໃຫ້ທ່ານວາງກວ່າງຢ້າ ປະທານປະຈຳເດືອນເມສາຂອງສະພາຄວາມໝັ້ນຄົງ,ເອກອັກຄະລັດຖະທູດຈີນປະຈຳສະຫະປະຊາຊາດ,ທວງໃຫ້ສະພາຄວາມໝັ້ນຄົງໃຊ້ມາດຕະການຢ່າງວ່ອງໄວ,ກັ້ນກາງການລອບຂ້າຕາມຈຸດແລະການເຄື່ອນໄຫວທາງທະຫານອື່ນໆຂອງອິສຣາແອນບົນແຜ່ນດິນປາແລັດສະຕິນທີ່ຖືກຍຶດຄອງ.
|