|
ທ່ານລຽນຈ້ານພ້ອມດ້ວຍຄະນະເດີນທາງເຂົ້າຮ່ວມເວທີປາໄສເສດຖະກິດການຄ້າສອງຝັ່ງຊ່ອງແຄບທີ່ປັກກິ່ງ
cri
Author: min
ຕາມຂ່າວສານຊິນຮວາ: ຕອນເຊົ້າວັນທີ 13 ເມສາ, ທ່ານລຽນຈ້ານ ປະທານກິຕິມະສັກຂອງພັກກົກມິນຕັງຈີນໄດ້ນຳພາບຸກຄົນຝ່າຍໄຕ້ຫວັນເດີນທາງຈາກນະຄອນໄຕເປ, ຜ່ານຮົງກົງ, ມາປັກກິ່ງເພື່ອເຂົ້າຮ່ວມເວທີປາໄສເສດຖະກິດການຄ້າສອງຝັ່ງຊ່ອງແຄບ.
ສື່ມວນຊົນໄຕ້ຫວັນແຈ້ງຂ່າວວ່າ, ຢູ່ເດີ່ນຍົນ, ທ່ານລຽນຈ້ານໄດ້ກ່າວຄຳປາໄສໂດຍຫຍໍ້ກ່ອນຂຶ້ນຍົນ. ທ່ານເວົ້າວ່າ, ເສດຖະກິດໄຕ້ຫວັນໄດ້ຕະລູດລົງຢ່າງຫຼວງຫຼາຍໃນຫຼາຍປີທີ່ຜ່ານມາ, ທ່ານຫວັງໃຫ້ຜ່ານຈາກຄວາມພະຍາຍາມພ້ອມກັນ, ຊອກຫາ"ທາງອອກເສັ້ນໜຶ່ງ, ທາງດຳລົງຊີວິດເສັ້ນໜຶ່ງ" ໃຫ້ໄຕ້ຫວັນ, ເພື່ອເຮັດໃຫ້ເສດຖະກິດໄຕ້ຫວັນຈະເລີນຮຸ່ງເຮືອງຂຶ້ນອີກ.
ເທື່ອນີ້, ທ່ານລຽນຈ້ານຈະເຂົ້າຮ່ວມພິທີໄຂງານຂອງເວທີປາໄສເສດຖະກິດການຄ້າສອງຝັ່ງຊ່ອງແຄບທີ່ຈັດຂຶ້ນຢູ່ປັກກິ່ງແຕ່ວັນທີ 14 ຫາວັນທີ 15 ເມສາ, ແລະຈະກ່າວປາຖະກະຖາ. ໃນໄລຍະຈັດເວທີປາໄສ, ທ່ານຫູຈີນທາວເລຂາທິການໃຫຍ່ສູນກາງພັກກອມມູນິດຈີນຈະພົບປະທ່ານລຽນຈ້ານອີກ.
|
|
