|
ທ່ານຜູ້ຟັງທີໂຄລົບ,ດີໃຈຫຼາຍທີ່ໄດ້ພົບກັບທ່ານໃນລາຍການ"ຂົວອາກາດ"ອີກຕາມເຄຍ.ມື້ອື່ນກໍ່ແມ່ນມື້ສັງບຸນຫົດນ້ຳແລ້ວ,ນະທີ່ນີ້,ຂໍອວຍພອນໃຫ້ເພື່ອນມິດຜູ້ຟັງລາວທັງຫຼາຍຈົ່ງມີຄວາມເບີກບານມ່ວນຊື່ນໃນປີໃໝ່,ແລະສົມຫວັງທຸກປະການ.
ທ່ານທອງຈັນ ໄຊຍະວົງ ຮອງຫົວໜ້າຫ້ອງການຖະແຫຼງຂ່າວວັດທະນະທຳ ເມືອງນາໝໍ້ ແຂວງອຸດົມໄຊແມ່ນມິດລາຍການຂອງວິທະຍຸພວກເຮົາ,ໃນຈົດໝາຍທີ່ຝາກໃຫ້ພວກເຮົາ,ທ່ານໄດ້ຂຽນກາບກອນບົດໜຶ່ງດັ່ງລຸ່ມນີ້ຄື:
ຂໍທ່ານເພິ່ມທະວີ ການພົວພັນເລື້ອຍໄປ
ຮັກແພງປິຕຸພູມ ໃຫ້ຊຸ່ມເຢັນດັ່ງປອງ
ຢ່າປະວາງພີ່ນ້ອງ ກົມກອງກ່ຽວຂ້ອງ ແທ້ນາ
ຂໍໝັ່ນມາຢ້ຽມເຢືອນ ເພື່ອນຈີນ-ລາວຂອງແທ້
ໝັ່ນມາແລະຊ່ວຍສ້າງ ທຸກຢ່າງແດນດິນລາວ
ໃຫ້ຊ່ວຍລາວກ້າວຂຶ້ນ ບຶນຕົວໄດ້ຍ້ອນເຈົ້າ ແດ່ທ້ອນ
ເນື່ອງໃນໂອກາດທີ່ບຸນຫົດນ້ຳຈະວຽນມາເຖິງນີ້,ພວກເຮົາຈົ່ງພ້ອມກັນອວຍພອນໃຫ້ມິດຕະພາບລະຫວ່າງຈີນກັບລາວຈົ່ງຍືນຍົງຊົ່ວກາລະນານ,ອວຍພອນໃຫ້ພັກ,ລັດແລະປະຊາຊົນລາວຈົ່ງໄດ້ຮັບຜົນສຳເລັດອັນຮຸ່ງເຮືອງເຫຼືອງເຫຼື້ອມກວ່າເກົ່າໃນປີໃໝ່.ຖັດມາ,ພວກເຮົາຂໍມອບເພັງ"ສະບາຍດີປີໃໝ່"ໃຫ້ເພື່ອນມິດຜູ້ຟັງ,ນາງມາລີ.ໄຟດາ ຜູ້ຟັງຫຼວງພະບາງກໍ່ໄດ້ຝາກຈົດໝາຍມາຂໍຟັງເພັງນີ້,ຂໍໃຫ້ສຽງເພັງມ່ວນໆສົ່ງຄຳອວຍພອນອັນປະເສີດຂອງພວກເຮົາໄປສູ່ທ່ານທັງຫຼາຍ.
|
