|
|
 |
| (GMT+08:00)
2006-04-14 10:39:25
|
 |
|
ເວທີປາໄສເສດຖະກິດການຄ້າລະຫວ່າງສອງຝັ່ງຊ່ອງແຄບເປີດສາກຢູ່ປັກກິ່ງ
cri
Author: sayvanny
ຕາມຂ່າວ CRI:ຕອນເຊົ້າວັນທີ 14 ເມສາ ຢູ່ທີ່ປັກກິ່ງໄດ້ໄຂເວທີປາໄສເສດຖະກິດການຄ້າລະຫວ່າງສອງຝັ່ງຊ່ອງແຄບໄຕ້ຫວັນ.
ເວທີປາໄສດັ່ງກ່າວຈະຈັດຂຶ້ນເປັນເວລາສອງມື້,ຫົວຂໍ້ຕົ້ນຕໍແມ່ນການແລກ ປ່ຽນດ້ານເສດຖະກິດການຄ້າແລະການບິນການເດີນເຮືອໂດຍກົງ ລະຫວ່າງສອງຝັ່ງຊ່ອງແຄບ,ຈະສຳມະນາກ່ຽວກັບຫ້າຫົວຂໍ້ຄື ຜົນສະ ທ້ອນຂອງການແລກປ່ຽນດ້ານເສດຖະກິດການຄ້າລະຫວ່າງສອງຝັ່ງທີ່ມີຕໍ່ເສດຖະກິດສອງຝັ່ງ ການຮ່ວມມືດ້ານກະສິກຳ ການບິນແລະການເດີນເຮືອໂດຍກົງ ການທ່ອງທ່ຽວແລະການເງິນ. ບຸກຄົນຊັ້ນສູງຂອງພັກກົກມິນຕັງແລະພັກກອມມູນິດພ້ອມດ້ວຍຜູ່ຮັບຜິດຊອບຂອງວິສາຫະກິດ ແລະອົງການຈັດຕັ້ງອຸດສາຫະກຳການຄ້າທີ່ກ່ຽວຂ້ອງ,ຜູ່ຊ່ຽວຊານແລະນັກປາດໃນວົງການເສດ ຖະກິດເປັນຕົ້ນ 500 ກວ່າຄົນໄດ້ເຂົ້າຮ່ວມເວທີປາໄສດັ່ງກ່າວ.
ການຈັດເວທີປາໄສເສດຖະກິດການຄ້າລະຫວ່າງສອງຝັ່ງແມ່ນຄວາມຮັບຮູ້ຄືກັນອັນຫນຶ່ງທີ່ທ່ານຫູຈີນທາວ ເລຂາທິການໃຫຍ່ສູນກາງພັກກອມມູນິດຈີນແລະທ່ານລຽນຈ້ານ ປະທານພັກກົກມິນຕັງຈີນໃນຄາວນັ້ນຕົກລົງກັນໃນເວລາເຈລະຈາກັນໃນເດືອນເມສາປີກາຍນີ້.
ກ່ອນໄຂເວທີປາໄສ ທ່ານເຈຍຊິ້ງລິນ ປະທານສະພາປຶກສາການເມືອງປະຊາຊົນແຫ່ງຊາດຈີນໄດ້ພົບປະທ່ານລຽນຈ້ານ ປະທານກິຕິມະສັກຂອງພັກກົກມິນຕັງຈີນທີ່ມາຮ່ວມເວທີປາໄສ.
|
|
|
