|
|
 |
| (GMT+08:00)
2006-04-14 16:21:53
|
 |
|
ບຸກຄົນວົງການພຸດທະສາສະໜາໄດ້ຕີລາຄາຢ່າງຕັ້ງໜ້າຕໍ່ສະພາບແວດລ້ອມສາສະໜາຂອງຈີນ
cri
ຕາມຂ່າວCRI, ໃນເວລາບຸກຄົນວົງການພຸດທະສາສະໜາໂລກທີ່ເຂົ້າຮ່ວມກອງປະຊຸມເວທີປາໄສພຸດທະສາສະໜາໂລກຄັ້ງປະຖົມມະເລີກທີ່ຈັດຂຶ້ນຢູ່ເມືອງຫາງໂຈວແຂວງເຈິ້ຈ່ຽງພາກຕາເວັນອອກຈີນໃຫ້ສຳພາດຕໍ່ນັກຂ່າວວິທະຍຸພວກເຮົານັ້ນ, ພວກເພິ່ນໄດ້ຕີລາຄາຢ່າງຕັ້ງໜ້າຕໍ່ສະພາບແວດລ້ອມສາສະໜາຂອງຈີນ, ເຫັນວ່າການຈັດກອງປະຊຸມເວທີປາໄສເທື່ອນີ້ໄດ້ສ່ອງແສງໃຫ້ເຫັນຈິດໃຈກວ້າງຂວາງຂອງລັດຖະບານຈີນກ່ຽວກັບຄວາມເຊື່ອຖືສາສະໜາ.
ພະມະຫາອາຈານເຈນຮາຍທີ່ມາຈາກສະຫະລັດອາເມລິກາກ່າວວ່າ, ພາຍຫຼັງຈີນໄດ້ປະຕິຮູບແລະໄຂປະຕູສູ່ພາຍນອກມານີ້, ຄວາມເຊື່ອຖືສາສະໜາມີຄວາມເສລີພາບທັງໝົດ. ພະອາຈານກ່າວວ່າ, ພະອົງເຄີຍມາຢາມວັດວາອາຮາມຂອງຈີນເລື້ອຍໆ, ຍັງໄດ້ພິມຈຳໜ່າຍບົດປະພັນຢູ່ແຜ່ນດິນໃຫຍ່ຈີນໃນຖານເປັນຊາວພຸດຕ່າງປະເທດ, ພະອາຈານເອງໄດ້ຮູ້ສຶກວ່າພາລະກິດສາສະໜາຈີນໂດຍສະເພາະແມ່ນພາລະກິດພຸດທະສາສະໜາຈີນໄດ້ຂະຫຍາຍຕົວຢ່າງບໍ່ຢຸດຢັ້ງ.
ພະອາຈານມາຮິນດາ ແຊງກາລາຮີຕາທີ່ມາຈາກວັດຫຼວງເຄລານີຢາສີລັງກາເຫັນວ່າ, ການຈັດກອງປະຊຸມເວທີປາໄສພຸດທະສາສະໜາໂລກໄດ້ສະແດງໃຫ້ເຫັນວ່າລັດຖະບານຈີນໂຄລົບອາລົມຈິດຮັກສາສະໜາຂອງປະຊາຊົນ.
ອຸປາສົກຕ່າວຊີເຢິນ ຮອງປະທານສະມາຄົມຈີນພຸດທະສາສະໜາກ່າວວ່າ, ປະຈຸບັນ, ປະເທດຈີນຈະເລີນຮຸ່ງເຮືອງຂຶ້ນ, ພຸດທະສາສະໜາກໍໄດ້ກ້າວເຂົ້າສູ່ໄລຍະດີທີ່ບໍ່ເຄີຍມີມາແຕ່ກ່ອນ.
|
|
|
