|
ທ່ານອັບບາສເນັ້ນໜັກໃຫ້ຖື"ແຜນການສັນຕິພາບ"ເປັນພື້ນຖານຂອງການແກ້ໄຂບັນຫາປາເລັສຕີນກັບອິສຣາແອນ
cri
Author: cai
ຕາມຂ່າວCRI:ວັນທີ 13 ເມສາ,ທ່ານອັບບາສ ປະທານອົງການອຳນາດແຫ່ງຊາດປາເລັສຕີນທີ່ພວມຢ້ຽມຢາມມາລົກເວົ້າວ່າ,ຝ່າຍປາເລັສຕີນຍຶດໝັ້ນຖືແຜນການສັນຕິພາບຕາເວັນອອກກາງເປັນພື້ນຖານມາແກ້ໄຂບັນຫາປາເລັສຕີນອິສຣາແອນ,ແລະຫວັງໃຫ້ຝ່າຍອິສຣາແອນປະລະການເຄື່ອນໄຫວແຕ່ຝ່າຍດຽວ,ກັບຄືນສູ່ໂຕະເຈລະຈາ.
ທ່ານອັບບາສເວົ້າວ່າ,ອົງການຮາມັດສ໌ແມ່ນໄດ້ຮັບການເລືອກຕັ້ງແລ້ວກຳອຳນາດດ້ວຍຮູບການປະຊາທິປະໄຕທີ່ທົ່ວໂລກຮັບຮອງ,ອິສຣາແອນແລະປະເທດອື່ນໆລ້ວນແຕ່ຄວນຮັບເອົາເລື່ອງຈິງດັ່ງກ່າວ.
ນອກນີ້,ຂ່າວແຈ້ງວ່າ,ວັນທີ 13 ເມສາ,ຢູ່ມົສກູ,ທ່ານປູຕີນ ປະທານາທິບໍດີຣັດເຊຍກ່າວວ່າ,ຣັດເຊຍສະໜັບສະໜູນປາເລັສຕີນສ້າງຕັ້ງປະເທດເອກະລາດທີ່ຢູ່ຮ່ວມກັນກັບອິສຣາແອນໂດຍສັນຕິບົນພື້ນຖານແຜນການສັນຕິພາບຕາເວັນອອກກາງ.
ນອກນີ້,ກອງປະຊຸມພັນທະມິດລັດຖະສະພາຂອງອົງການ OIC ຄັ້ງທີ 4 ໄດ້ອອກ"ຖະແຫຼງການອິສຕັນບູນ",ຮຽກຮ້ອງໃຫ້ປະຊາຄົມໂລກຮັບຮອງອົງການຮາມັດສ໌ເປັນຜູ້ຕາງໜ້າທີ່ຊອບກົດໝາຍຂອງປະຊາຊົນປາເລັສຕີນ.
|
|
